Bakıda maşın alverçilərinin daha bir fırıldağı ifşa edildi

Bakıda maşın alverçilərinin daha bir fırıldağı ifşa edildi
12:46
12.08.2017
458
Ölkə
A

"Ölkə.Az" milli.az-a istinadən xəbər verir ki, jurnalist Elgün Mənsimov avtomobil alverçilərinin maşın alıb-satarkən etdikləri fırıldaqlarından birinin üstünü açıb. Onun sözlərinə görə, bu halla öz avtomobilini satarkən rastlaşıb: 

"Srağagün maşını internetdə satdığa qoydum. Üzərindən 15 dəqiqə keçməmiş 20-yə yaxın zəng gəldi. Vədələşdik, gəlib maşına baxdılar. Gələnlərin 99 faizi alverçilər idi. Baxmayaraq ki, yalandan "alverçi deyiləm" deyə israr edirdilər. Bu günədək maşının nə kondisionerində, nə də "ponorama lyuku"nda heç bir problem olmayıb. Nə isə.. Alverçilərdən biri (iki nəfər idi) maşına oturub nə edib-etmədi, düşəndə dedi ki, kondisionerlə, lyuk işləmir. Dedim ola bilməz. Yoxladım, ha gözləyirəm kondisioner soyutmur. Lyuku açdım, açılmadı, ilişib qaldı. Məəttəl qalmışdım. Nə isə...
Bunlar gedəndən sonra oturub bir daha yoxladım. Məlum oldu ki, kondisionerin hava çıxan klapanlarını aşağı fırladıb bağlayıbmış, lyukun arasına isə balaca şurup atıbmış. Zəng edib nəsil-nəcabətinə qədər "düzdüm asfalta". Nakişi olduğunu dəfələrlə "kantofka"sına yapışdırdım. İndi də telefonuna zəng çatmır ki, görüşüb hirsimi daha da soyudum. Adam nə qədər alçaq, şərəfsiz olar ki, bunları etsin..."

Sonda avtomobilini istədiyindən də yaxşı qiymətə, halal bir adama satdığını deyən jurnalist maşın satarkən alverçilərdən uzaq durmağı tövsiyə edib: "Ayıq olun, alverçini yaxınınıza buraxmayın! Onlar 5-10 manatdan ötrü hər şey etməyə qadirdilər..."

ŞƏRH YAZ
0

Goranboyda top mərmisi aşkarlanıb

Goranboyda top mərmisi aşkarlanıb
01:18
Bu gün
401
Ölkə
A
Daxili İşlər Nazirliyinin "102" Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Goranboy rayonu, Dəyirmanlılar kəndində mərminin tapılması barədə məlumat daxil olub.

ANAMA-dan "Ölkə.Az"a verilən məlumata görə, məlumata əsasən agentliyin xüsusi mobil çevik əməliyyat qrupu və Goranboy Rayon Polis Şöbəsinin əməkdaşları həmin əraziyə göndərilib.

Agentliyin mütəxəssisləri və Daxili İşlər Nazirliyinin Goranboy Rayon Polis Şöbəsinin əməkdaşları tərəfindən birlikdə ərazidə yol kənarına baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində agentliyin mütəxəssisləri tərəfindən 1 ədəd 125 mm-lik top mərmisi (3BM26) aşkar olunub, zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.

Top mərmisinin tapıldığı yerin ətrafında 100 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

Anar Məmmədxanovun ad gününü məzarı başında qeyd etdilər — FOTO

Anar Məmmədxanovun ad gününü məzarı başında qeyd etdilər
23:59
20.07.2018
856
Ölkə
A
Bu gün “Bakılı oğlanlar” komandasının mərhum kapitanı Anar Məmmədxanovun ad günüdür.

"Ölkə.Az" Baku.ws-yə istinadən xəbər verir ki, ailə üzvləri və dostları Məmmədxanovun məzarını ziyarət ediblər. 

Qeyd edək ki, Anar Məmmədxanov yaşasaydı 48 yaşı tamam olacaqdı.

Ölkə.Az

ŞƏRH YAZ
0
BAĞLA