Bakıda maskalı şəxs evə basqın etdi

Bakıda maskalı şəxs evə basqın etdi
09:41
14.02.2018
831
Hadisə
A
Hadisə bu gecə Yasamal rayonu, Dadaş Bünyadzadə küçəsi 109 ünvanında qeydə alınıb.

“Ölkə.Az”ın əldə etdiyi məlumata görə, Novruzova Reyhan Vəzir qızı evinə basqın olunması ilə bağlı DİN-nin 102 zəng mərkəzinə məlumat verib. Dərhal hadisə yerinə rayonun hüquq-mühafizə orqanlarının əməkdaşları gəlib və zərərçəkmişi dindiriblər. Qadın ilkin ifadəsində maskalı şəxsin qanunsuz olaraq evinə daxil olmasını və onu hədələyərək 10 min manatlıq qızıl-zinət əşyasının apardığını bildirib. 

Faktla bağlı Yasamal RPİ-nin İstintaq Şöbəsində cinayət məcəlləsinin 181-ci ( quldurluq) maddəsinin bir neçə bəndi ilə cinayət işi başlanıb. Hazırda həmin şəxslərin saxlanılması istiqamətində istintaq və axtarış-əməliyyat tədbirləri davam etdirilir.

ŞƏRH YAZ
0

Tərtərdə su arxı yaxınlığında minaatan mərmisi tapılıb — FOTO

Tərtərdə su arxı yaxınlığında minaatan mərmisi tapılıb
20:25
Bu gün
437
Hadisə
A
Fevralın 25-i Daxili İşlər Nazirliyinin ″102″ Xidməti-Zəng mərkəzi sistemindən Ərazilərin Minalardan Təmizlənməsi üzrə Milli Agentliyə (ANAMA) Tərtər rayonu, Xoruzlu kəndi ərazisində 1 ədəd mərminin tapılması barədə məlumat daxil olub.

"Ölkə.Az" xəbər verir ki, ANAMA-dan "APA"ya verilən məlumata görə, Agentliyin xüsusi mobil çevik əməliyyat qrupu dərhal həmin əraziyə göndərilib.

Agentliyin mütəxəssisləri tərəfindən həmin ərazidə su arxının yaxınlığına baxış keçirilib. Aparılan təcili təxirəsalınmaz operativ əməliyyat axtarış tədbirləri nəticəsində 1 ədəd 82 mm-lik minaatan mərmisi (O-832) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Aşkar olunmuş minaatan mərmisinin ətrafında 1 000 kv.m əraziyə yerüstü baxış keçirilib, bundan əlavə təhlükəli əşya və qurğu aşkar edilməyib.

Ölkə.Az

ŞƏRH YAZ
0

Göyçayda ATS yanıb

Göyçayda ATS yanıb
16:15
Bu gün
1051
Hadisə
A
Göyçay rayonunda yanğın hadisəsi baş verib.

"Ölkə.Az" "APA"ya istinadən xəbər verir ki, hadisə bu gün saat 14:00 radələrində rayonun Ərəbcəbirli kəndi ərazisində qeydə alınıb.

Ərəbcəbirli bələdiyyəsinin binasında yerləşən Göyçay Telekommunikasiya Qovşağının kənd üzrə Avtomat Telefon Stansiyasında (ATS) baş verən yanğının söndürülməsinə Fövqəladə Hallar Nazirliyi Dövlət Yanğından Mühafizə Hissəsinin iki yanğınsöndürən avtomobili və canlı qüvvəsi cəlb edilib.

Hadisə zamanı 12 kvadratmetr sahəsi olan otaqda yerləşən elektron ATS aparatı, naqillər, texniki avadanlıqlar yanaraq yararsız hala düşüb. Yanğın səbəbindən Ərəbcəbirli kəndindəki abonentlərə rabitə xidməti dayanıb.

Yanğınsöndürənlər alovun 144 kvadratmetr sahəsi olan bələdiyyə binasının bütün ərazisinə yayılmasının qarşısını alıblar. Hadisənin elektrik naqilində qısa qapanma səbəbindən baş verdiyi bildirilir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA