Bakıda məscidi partlatmaq istəyən PKK-çının şikayəti təmin olunmadı

Bakıda məscidi partlatmaq istəyən PKK-çının şikayəti təmin olunmadı
10:52
18.03.2017
82
Hadisə
A
Bakıda məscidi partlatmaq istəyən şəxsin apellyasiya şikayəti təmin edilməyib.

Bakı Apellyasiya Məhkəməsində Bakının Qaraçuxur qəsəbəsində məscidi partlatmaq istəyən  Elnur Ələkbərovun apellyasiya şikayətinə baxılıb.
 
APA-nın məlumatına görə, məhkəmə şikayəti təmin etməyib.
 
Qeyd edək ki, 2014-cü il noyabrın 26-da Qaraçuxur qəsəbəsində yerləşən «Cümə» məscidi yandırılıb. Hadisəni törətməkdə şübhəli bilinən Namiq Nəsibov və Elnur Ələkbərov saxlanılıblar.
 
Müəyyən edilib ki, Namiq Nəsibov 2014-cü ilin avqust-sentyabr aylarında Suriya Ərəb Respublikasının PKK terror təşkilatının nəzarətində olan ərazilərinə gedərək oradakı döyüşlərdə iştirak edib. Namiq Nəsibov Suriyanın Kobani şəhərindən qayıtdıqdan sonra Elnur Ələkbərovla birgə PKK terror təşkilatının Azərbaycanda qanadı olaraq qeyri-rəsmi “Yekbun” təşkilatını yaradıb və ətraflarına tərəfdarlar toplamağa başlayıblar. Namiq Nəsibov və Elnur Ələkbərov sosial şəbəkələr vasitəsi ilə yaratdıqları təşkilatın adından Bakı şəhərində aksiyaların keçirilməsi üçün çağırışlar da edib.
 
Bakı Ağır Cinayətlər Məhkəməsinin hökmü ilə E. Ələkbərov 15 il müddətinə azadlıqdan məhrum edilib. Namiq Nəsibov isə məcburi müalicəyə göndərilib. Hökmdən yalnız E. Ələkbərov apellyasiya şikayəti verib.

Ölkə.Az

ŞƏRH YAZ
0

Şəkidə zəlzələ

Şəkidə zəlzələ
21:05
Bu gün
344
Hadisə
A
Şəki şəhərində 3,2 maqnituda gücündə zəlzələ olub.

“Ölkə.Az” AMEA-nın Respublika Seysmoloji Xidmət Mərkəzinə istinadən xəbər verir ki, ilkin məlumatlara əsasən, zəlzələ yerli vaxtla 19:21:19 -də Şəki-dən 11 km cənub-şərqdə Oğuz ərazisində qeydə alınıb.

Yeraltı təkanların ocağı yerin 21 km dərinliyində yerləşib.

Ölkə.Az

ŞƏRH YAZ
0

Azərbaycanda 24 yaşlı qızın boğazını niyə kəsdilər?

Azərbaycanda 24 yaşlı qızın boğazını niyə kəsdilər?
18:53
Bu gün
2310
Hadisə
A
Hacıqabul rayonunun Muğan qəsəbəsində törədilmiş dəhşəti qətl hadisəsi ilə bağlı yeni faktlar üzə çıxıb.

"Ölkə.Az" Lent.az-a istinadən xəbər verir ki, 1994-cü il təvəllüdlü İsmayılzadə Ayəddin Elman oğlu qətlə yetirdiyi xalası qızı – 24 yaşlı Məlikli Rəvanə Məlikağa qızı ilə nişanlanmağa hazırlaşırmış.

İlkin araşdırmalar zamanı məlum olub ki, A.İsmayılzadənin böyük qardaşı Rəvanənin bacısı ilə ailə həyatı qurub. Bu yaxınlarda isə o, gəlinlərinin bacısı, yəni xalasının kiçik qızı ilə nişanlanacaqmış. Rəvanə ilə Ayəddin arasında sevgi münasibətinin olduğu bir çoxlarına məlum imiş.

Xalası qızının boğazını kəsdikdən sonra bıçağı onun sinəsinə sancaraq polis şöbəsinə gedən gənc oğlan qətli qısqanclıq zəminində törətdiyini deyib. Lakin o, şok vəziyyətində olduğundan məntiqli və konkret səbəb göstərə bilməyib.

O da məlum olub ki, sevgilisi olan xalası oğlu trəfindən öldürülən 24 yaşlı Rəvanə dindar imiş və bu yaxınlarda İranda Məşhəd ziyarətində olub.

Faktla bağlı araşdırmalar davam etdirilir.

Ölkə.Az

ŞƏRH YAZ
0
BAĞLA