Bakıda məşhur hoteldən Azərbaycana — HÖRMƏTSİZLİK

Bakıda məşhur hoteldən Azərbaycana
12:01
17.10.2017
617
Ölkə
A
Bakıda yerləşən “Winter Park Hotel Baku”nun restoranında xoşagəlməz hadisə baş verib.

"Ölkə.Az" xəbər verir ki, restoranda Azərbaycan mahnılarını oxumağa qadağa qoyublar.

Belə ki, bu barədə jurnalist Tünzalə Rafiqqızı sosial şəbəkələrdəki hesabında məlumat paylaşıb.

“Dünən bir dostumuzun doğum günü ilə bağlı “Winter Park Hotel Baku”nun restoranında toplanmışdıq. Tədbirin sonunda dostlarımdan Yavər bəy, Xəyal bəy “Karaoke”də Azərbaycan xalq və türk estradasından mahnılar ifa etməyə başladılar. 

Hotelin məsul şəxsi gəlib yarıda kəsdi ki, bizdə Azərbaycan və türk mahnıları oxumaq qadağandır”. 

T. Rafiqqızı restoranda Azərbaycan mahnılarının qadağan olunma səbəbi ilə maraqlanıb: “Hotelin məsul şəxsi dedi ki, onlar öz konseptlərini belə qurublar. Belə yerlərin turistlərə Azərbaycanımızı necə təbliğ edəcəyinə siz qərar verin artıq”. 

ŞƏRH YAZ
0

Könül Kərimovaya qarşı dələduzluq edən qadın günahkar olduğunu etiraf etdi

Könül Kərimovaya qarşı dələduzluq edən qadın günahkar olduğunu etiraf etdi
13:20
Bu gün
7
Ölkə
A
Bu gün Bakı Ağır Cinayətlər Məhkəməsində dələduzluqda təqsirləndirilən Məlahət Məmmədovanın cinayət işi üzrə məhkəmə iclası davam etdirilib.

“Ölkə.Az”ın xəbərinə görə, hakim Fikrət Qəribovun sədrliyi ilə prosesdə dövlət ittihamçısı ittiham aktını elan edib.

Elan olunmuş ittiham üzrə M.Məmmədova özünü qismən təqsirli bildiyini deyib.

Daha sonra zərərçəkmiş qismində Əfqan Hacıyev ifadə verib. O, deyib ki, oğlunu Azərbaycan Koperasiya Universitetinə düzəltmək adı ilə M.Məmmədovaya 13 min manat pul verib: "İşi düzəltmədi. Mən də polisə müraciət elədim. Uzun müddət gedib-gəldim. Sonra dəymiş ziyanım ödənildi".
Ə.Hacıyev bildirib ki, M.Məmmədova özünü ona Təhsil Nazirliyinin işçisi kimi tanıdıb.

M.Məmmədova zərərçəkmişin düzgün danışmadığını deyib: "Əslində, mən ona bildirim ki, bu iş alınmayacaq. Sonra pulu geri qaytardım".
Ə.Hacıyev M.Məmmədovdan şikayəti və tələbinin olmadığını qeyd edib.

Digər zərərçəkmiş Sevinc Əliyeva dindirilən zaman söyləyib ki, Ələkbər Abbasovun vasitəsilə M.Məmmədovaya 10 min dollar və 40 min manat pul verib:
"Oğlum həbs edilmişdi. Bunlar da oğlumun cinayət işinə xitam veriləcəyi vədi verdilər. Lakin sonralar vədə əməl etmədilər".
O bildirib ki, oğlu Türkan Hacıəliyeva adlı qadının şikayəti əsasında həbs edilib:

"Mən Məlahəti tanımırdım. Bizi Ələkbər tanış etdi. Ələkbər də qardaşımla birgə hüquq-mühafizə orqanlarında çalışırdı. Ələkbər məni onun evinə apardı. Pulu Məlahətə Ələkbərin yanında verdim. Hətta Məlahətin qızı da evdə idi".

Zərərçəkmiş qeyd edib ki, həmin pullardan yalnız 12 min manatı geri qaytarılıb.

M.Məmmədova zərərçəkmişin ifadəsinə münasibət bildirmək istəməyib. O, özünü yaxşı hiss etmədiyini, zərərçəkmiş S.Əliyevaya 12 min manat pul geri qaytardığını təsdiqləyib.

Məhkəmənin baxış iclası iyulun 31-nə təyin edilib.

Qeyd edək ki, M.Məmmədova dələduzluqda təqsirli bilinir. O, bir neçə şəxsin etibarından sui-istifadə edərək, ümumilikdə 300 minə yaxın pulu dələduzluq yolu ilə ələ keçirib.

Cinayət işi üzər Azərbaycanın əməkdar artisti, müğənni Könül Kərimova da var.

İttiham aktına əsasən, M.Məmmədova müğənninin oğlu Rəşad Rəhimovu Rusiya universitetlərindən birinə qəbul etdirib, daha sonra Azərbaycan Dövlət İqtisad Universitetinə köçürtdürəcəyi vədi verib.

O, bu işə görə, K.Kərimovadan ümumilikdə 32 min manat pul alıb. Lakin sonradan verdiyi vədə əməl etməyib.

M.Məmmədova Cinayət Məcəlləsinin 178.3.2-ci (dələduzluq, külli miqdarda) maddəsi ilə ittiham edilir

Məhkəmənin hazırlıq iclasında məlum olub ki, M.Məmmədova əvvəllər məhkumluq həyatı yaşayıb.

O bildirb ki, 2012-ci ildə dələduzluqda ittiham olunub və Bakı Ağır Cinayətlər Məhkəməsinin hökmü ilə şərti cəza alıb.

ŞƏRH YAZ
0

Dənizə gedənlərin NƏZƏRİNƏ — Ehtiyatlı olun

Dənizə gedənlərin NƏZƏRİNƏ
13:05
Bu gün
161
Ölkə
A
İyuılun 21-nə gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən “Ölkə.Az”a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi güclənəcək.

Havanın temperaturunun Abşeron yarımadasında gecə 24-26, gündüz 28-33, Bakıda gecə 24-26, gündüz 30-32 dərəcə isti olacağı gözlənilir.

Atmosfer təzyiqi normadan aşağı 751 mm civə sütunundan 755 mm civə sütununa yüksələcək, nisbi rütubət gecə 65-75, gündüz 40-45 faiz təşkil edəcək.

Abşeronun şimal çimərliklərində (Sumqayıt, Novxanı, Pirşağı, Nardaran, Bilgəh, Zuğulba) dəniz suyunun temperaturu 25-26, cənub çimərliklərində isə (Türkan, Hövsan, Sahil, Şıx) 26-27 dərəcə isti təşkil edəcək.

Şimal-qərb küləyinin güclənməsi ilə əlaqədar çimərliklərə üz tutanlar ehtiyatlı olmağa çağırılır.

Azərbaycanın rayonlarında bəzi yerlərdə şimşək çaxacağı, arabir yağış yağacağı, yağışın ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Qərb küləyi bəzi yerlərdə arabir güclənəcək.

Havanın temperaturunun gecə 20-25, gündüz 30-35, dağlarda gecə 12-17, gündüz 20-25 dərəcə isti olacağı gözlənilir.

ŞƏRH YAZ
0
BAĞLA