Bakıda metal oğruları həbs edildi
Nizami rayonunda parkdan oğurluq edən şəxslər saxlanılıb.
DİN-dən “Ölkə.Az”a verilən xəbərə görə, fevralın 16-na keçən gecə paytaxtın Nizami rayonu ərazisindəki parkların birindən oturacaqların metal hissələri sökülərək oğurlanıb. Ancaq oğrular uzağa gedə bilməyiblər. Nizami RPİ 24-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakinləri Valeh Allahverdiyev və İsmayıl Bədəlli tutulub. Faktla bağlı Nizami RPİ-nin İstintaq Şöbəsində cinayət məcəlləsinin 177-ci (oğurluq) maddəsi ilə cinayət işi başlanıb.
Ökə.Az
