Bakıda motosikletlə avtomobil toqquşdu — Xəsarət alan var

Bakıda motosikletlə avtomobil toqquşdu
09:26
13.01.2018
589
Hadisə
A
Bakıda motosikletlə avtomobil toqquşub.

"Ölkə.Az" "Report"a istinadən xəbər verir ki, hadisə Nərimanov rayonunda baş verib.

Belə ki, Çaykovski küçəsində 1995-ci il təvəllüdlü Qənbərli Asim Rahim oğlu idarə etdiyi motosikletlə ön işıqları yandırmadan yüksək sürətlə hərəkət edən zaman Elnur Feyzullayevin idarə etdiyi "Mercedes"ə çırpılıb. Nəticədə motosikletin sürücüsü A. Qənbərli ağır xəsarət alaraq 1 saylı Kliniki Tibbi Mərkəzə yerləşdirilib.

"Mercedes"in sürücüsü E.Feyzullayev "Report"a bildirib ki, motosiklet nasaz vəziyyətdə olub. Motosikletin heç bir işığı olmayıb. Buna görə də avtomobilin sürücüsü onu görməyib.

Faktla bağlı hadisənin baş verdiyi əraziyə Nərimanov Rayon Polis İdarəsinin əməkdaşları cəlb edilib.

İlkin avtotexniki ekspertiza təyin edilib.

ŞƏRH YAZ
0

3 azyaşlı liftdə qaldı

3 azyaşlı liftdə qaldı
00:22
Bu gün
218
Hadisə
A
Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nərimanov rayonunda 3 nəfər azyaşlı liftdə köməksiz vəziyyətdə qalıb.

"Ölkə.Az"ın FHN-nin saytına istinadən verdiyi xəbərə görə, Xüsusi Riskli Xilasetmə Xidmətinin müvafiq xilasetmə qüvvələri hadisə yerinə cəlb olunaraq azyaşlıların liftdən çıxmasına kömək ediblər. Əməliyyat başa çatıb.​

Ölkə.Az

 

ŞƏRH YAZ
0

Maşın oğruları tutuldu

Maşın oğruları tutuldu
23:42
20.01.2018
264
Hadisə
A
Bakı şəhərində avtomobil oğurlayan şəxslər saxlanılıb.

DİN-in mətbuat xidmətindən "Ölkə.Az"a verilən məlumata görə, Xəzər Rayon Polis İdarəsinin 1-ci bölməsinə müraciət edən Bakı şəhər sakini Nadirxan Hüseynov Şüvəlan qəsəbəsi ərazisindən “VAZ-2106” markalı avtomobilinin qaçırıldığını bildirib. Dərhal başlanılan əməliyyat-axtarış tədbirləri ilə avtomobil qısa zamanda Qala qəsəbəsi ərazisində tapılıb. Davam etdirilən tədbirlərlə maşını qaçıran şəxs də polis əməkdaşları tərəfindən müəyyən edilərək saxlanılıb. Araşdırmalarla onun Bakı şəhər sakini Azər Salayev olması müəyyən edilib.

Suraxanı Rayon Polis İdarəsinin 33-cü bölməsinə isə Yeni Günəşli və Zığ qəsəbələrindən 2 avtomobilin qaçırılması barədə məlumatlar daxil olub. Araşdırmalarla Yeni Günəşli ərazisindən Bakı şəhər sakini Toğrul Əhmədovun “VAZ-2104”, Zığ qəsəbəsindən isə Mürsəl Quliyevin “VAZ-21074” markalı avtomobillərin oğurlandığı müəyyən edilib.

Təxirəsalınmaz tədbirlərlə “VAZ-2104” markalı avtomobil qısa zamanda Naximov küçəsində tapılıb. Əməliyyat-axtarış tədbirləri ilə maşınları qaçırmaqda şübhəli bilinən şəxs də polis əməkdaşları tərəfindən müəyyən edilərək saxlanılıb. Araşdırmalarla onun Bakı şəhər sakini Amin Ramazanov olması müəyyən edilib.

Saxlanılan şəxslər istintaqa təhvil veriliblər.

Ölkə.Az

ŞƏRH YAZ
0
BAĞLA