Bakıda namus üstündə qətl — Bacısının sevgilisinin şah damarını kəsdi

Bakıda namus üstündə qətl
22:45
08.11.2018
3314
Hadisə
A
Bakının Sabunçu rayonu Zabrat qəsəbəsində dəhşətli qətl hadisəsi törədilib.

“Ölkə.Az”ın “Xəzər Xəbər”ə istinadən verdiyi məlumata görə, həmin qəsəbədə yaşayan Murad Quliyev bacısı oğlu ilə birgə icarəyə götürüb işlətdiyi avtoyuma məntəqəsində qətlə yetirilib. Onu Qəbələdən olan Elvin adlı şəxs öldürüb.

Elvin dünən günorta saatlarında Muradın işlətdiyi “moyka”ya gəlib və bıçaqla onun boyun hissəsindən şah damarını kəsib. M. Quliyev elə hadisə yerindəcə dünyasını dəyişib.

Məlumata görə, qətl hadisəsi namus üstündə törədilib. Hadisəni törədən Elvinin bacısı ilə qətlə yetirilən Muradın qeyri-rəsmi münasibəti olub.

Ölkə.Az

ŞƏRH YAZ
0

Bakıda DƏHŞƏTLİ QƏZA — 7 maşın toqquşdu - VİDEO

Bakıda DƏHŞƏTLİ QƏZA
10:15
Bu gün
1001
Hadisə
A
Bakının Nərimanov rayonunda 7 maşının toqquşması nəticəsində 5 nəfər yaralanıb.

"Ölkə.Az" APA-ya istinadən xəbər verir ki, Ziya Bünyadov prospektində hərəkətdə olan "Schacman" markalı yük maşını 2 ədəd "Mercedes", "Volkswagen", "Ravon", "BMW" markalı maşınlara çırpılıb.

Hadisə nəticəsində bir ailənin 3 üzvü, "Volkswagen"-də olan 2 nəfər xanım xəsarət alıb. 

Hadisə yerinə Təcili Tibbi Yardım və DYP əməkdaşları cəlb olunub. Qəzadan sonra ərazidə ciddi tıxac yaranıb.

İlkin məlumata görə, hadisəyə səbəb "Schacman" markalı yük maşınının sürücüsü olub.

Qəza nəticəsində "BMW" markalı minik maşınında yaralanan bir ailənin 3 üzvünün kimliyi bəlli olub.

"BMW"-nin sürücü 54 yaşlı Əhmədov Şirxan İlya oğlu qol və baş nahiyəsindən, onun həyat yoldaşı, 54 yaşlı Quliyeva Reyhan Gəray qızı və övladları 24 yaşlı İlyaszadə Mirvari Şirxan qızı müxtəlif dərəcəli bədən xəsarətləri alaraq xəstəxanaya çatdırılıb.

İlkin məlumata görə, tuneldən çıxan yük maşını yüksək sürətlə hərəkətdə olub.

Ziya Bünyadov prospektində baş vermiş son iki yol qəzası səbəbindən DYP əməkdaşları tərəfindən hazırda hərəkətin təhlükəsizliyini təmin etmək məqsədilə "Qələbə" dairəsi istiqamətindən Nərimanov rayonu ərazisinə gedən yoldakı tunelə giriş-çıxışa məhdudiyyət qoyulub.

Faktla bağlı araşdırma aparılır. 

Ölkə.Az

ŞƏRH YAZ
0

Bakı çimərliklərində boğulan iki nəfər son anda xilas edildi

Bakı çimərliklərində boğulan iki nəfər son anda xilas edildi
03:01
Bu gün
3748
Hadisə
A
Bu gün Bakı çimərliklərində iki nəfər boğulma təhlükəsi ilə üzləşib.

"Ölkə.Az" bildirir ki, Fövqəladə Hallar Nazirliyindən verilən məlumata görə, Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən, Nardaran və Buzovna sularda xilasetmə məntəqələrinin ərazisində çimərkən batma təhlükəsi ilə üzləşən 2 nəfər xilas olunub.

Ölkə.Az

ŞƏRH YAZ
0
BAĞLA