KORONAVİRUSA YOLUXANLARIN SAYI - CANLI STATİSTİKA

Bakıda narkotik alveri edən şəxslər TUTULDU — Aralarında qadında var-FOTO

Bakıda narkotik alveri edən şəxslər TUTULDU
19:03
22.05.2020
5330
Ölkə
A
Binəqədi Rayon Polis İdarəsi (RPİ) 43-cü Polis Bölməsi (PB) əməkdaşları tərəfindən Binəqədi qəsəbəsinin müxtəlif nöqtələrində narkotik vasitələrin qanunsuz dövriyyəsi və satışı ilə məşğul olan şəxslərə qarşı növbəti əməliyyat tədbiri həyata keçirilib.

Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, əməliyyat zamanı narkotik vasitələrin satışı ilə məşğul olan Binəqədi qəsəbəsi sakinləri əvvəllər məhkum olunmuş Ruhin Səttarov, Kübra Həsənova, Tərlan İsrafilov və Nəcəf Əsədi saxlanılıblar. 

Onların üzərlərinə baxış zamanı şəxsi istehlak miqdarından artıq çəkidə narkotik vasitə olan heroin aşkar olunaraq götürülüb. Saxlanılan şəxslər ifadələrində narkotik vasitələrin dövriyyəsi ilə məşğul olduqlarını etiraf ediblər.

Faktla bağlı 43-cü PB-də toplanan materiallar Binəqədi RPİ-nin İstintaq Şöbəsinə göndərilib, araşdırmalar davam etdirilir.

Ölkə.Az

ŞƏRH YAZ
0

Düşmən təxribatının qarşısını alarkən 3 hərbçimiz şəhid olub — Adlar açıqlandı - RƏSMİ

Düşmən təxribatının qarşısını alarkən 3 hərbçimiz şəhid olub
22:38
Bu gün
7732
Ölkə
A
İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

"Ölkə.Az" Müdafiə Nazirliyinə istinadən xəbər verir ki, düşmən hücumunun qarşısını alarkən döyüşdə Azərbaycan Ordusunun  hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Həkimlərimizin səyinə baxmayaraq ağır yaralanan hərbi qulluqçumuz əsgər Daşdəmirov Xəyyam Məhəmməd oğlu da şəhid olub.

Müdafiə Nazirliyinin rəhbərliyi şəhid olanların ailələrinə başsağlığı verir və səbr diləyir. Allah rəhmət eləsin!

Şəhid Vüqar Sadıqov

ŞƏRH YAZ
0

Tovuzlular orduya dəstək üçün sərhədə axışdı

Tovuzlular orduya dəstək üçün sərhədə axışdı
22:20
Bu gün
7429
Ölkə
A
İşğalçı Ermənistan silahlı qüvvələrinin təxribatı nəticəsində Tovuz rayonu ilə sərhəddə yaşanan insidentdən sonra bir qrup rayon sakini ordumuza dəstək məqsədi ilə düşmənlə sərhəddə getməyə cəhd edib.

"Ölkə.Az" baku.ws-ə istinadən xəbər verir ki, insanların qarşısını polis alıb.

Bununla yanaşı rayon sakinləri daima ordumuzun yanında olduqlarını, istənilən an ərazilərimizin müdafiəsi uğrunda döyüşə hazır olduqlarını ifadə ediblər.

Aparılan söhbətlərdən sonra insanlar ərazidən uzaqlaşdırılıb.

Ölkə.Az

ŞƏRH YAZ
0
BAĞLA