Bakıda narkotik istixanası aşkarlandı — FOTO

Bakıda narkotik istixanası aşkarlandı
13:28
22.07.2019
5097
Hadisə
A
Bakının Sabunçu rayonunda narkotik tərkibli bitkilərin kultivasiyası ilə məşğul olan şəxs saxlanılıb.

Bu barədə Daxili İşlər Nazirliyi məlumat yayıb.

Sabunçu Rayon Polis İdarəsi 14-cü Polis Bölməsi əməkdaşlarının həyata keçirdikləri əməliyyat tədbiri nəticəsində narkotik vasitələrin aqrotexniki qaydada kultivasiyası ilə məşğul olmaqda şübhəli bilinən şəxsin Maştağa qəsəbə sakini, əvvəllər məhkum olunmuş Ceyhun Mütəllimzadə olduğu məlum olub.

Qəsəbə ərazisində yerləşən ona məxsus bağ evinin həyətindəki ümumi sahəsi 400 kvadratmetr olan istixanaya baxış keçirilən zaman kultivasiya yolu ilə yetişdirilən çəkisi 630 kiloqram olan 550 ədəd çətənə kolu aşkar edilib.

C.Mütəllimzadə ifadəsində narkotik tərkibli bitkiləri bir müddət əvvəl əkdiyini və xüsusi qulluq edərək yetişdirdiyini etiraf edib. Onun məqsədi isə çətənə kollarını qurudandan sonra satmaq olub.

Əlavə axtarış zamanı C.Mütəllimzadəyə məxsus istixanadan 2 kiloqram 400 qram qurudulmuş marixuana, elektron tərəzi və bir ədəd “BSM-121 Stranser” markalı ov tüfəngi aşkar edilərək götürülüb.

Faktla bağlı 14-cü Polis bölməsində toplanan materiallar Sabunçu Rayon Polis İdarəsinin İstintaq şöbəsinə göndərilib. Əməliyyat və istintaq tədbirləri davam etdirilir.

Ölkə.Az

 

ŞƏRH YAZ
0

“İnterpol” narkotik alverçisi olan azərbaycanlı barədə axtarış elan etdi

“İnterpol” narkotik alverçisi olan azərbaycanlı barədə axtarış elan etdi
00:54
Bu gün
1934
Hadisə
A
"İntepol" daha bir Azərbaycan vətəndaşı barədə axtarış elan edib.

“Ölkə.Az” trend-ə istinadən xəbər verir ki, 1969-cu il təvəllüdlü Vaqif Kərimov narkotik maddələrin qanunsuz dövriyyəsində təqsirləndirilir.

İstintaq orqanı V.Kərimov barədə cinayət işi başlasa da, təqsirləndirilən şəxs istintaqdan yayınıb.

Nəticədə, onun barədsində məhkəmə tərəfindən həbs qəti-imkan tədbiri seçilib.

İstintaqdan yayınan V.Kərimov "İnterpol" xətti ilə beynəlxalq axtarışa verilib.

Ölkə.Az

ŞƏRH YAZ
0

Toydan gələn sərxoş sürücü maşını aşırdı — Xəsarət alanlar + FOTO

Toydan gələn sərxoş sürücü maşını aşırdı
00:17
Bu gün
2256
Hadisə
A
Gəncədə yol-nəqliyyat hadisəsi baş verib.

“Ölkə.Az” APA-ya istinadən xəbər verir ki, Gəncə-Samux yolunda 20-BL-353 dövlət nömrə nişanlı "VAZ-2106" markalı avtomobil hərəkət zamanı idarəetmədən çıxaraq aşıb.

Qəza nəticəsində avtomobilin sürücüsü - Hüseynov Rasim və iki sərnişin yaralanıb.

Hadisə zamanı sözügedən şəxslərin toydan qayıtdığı və sürücünün sərxoş vəziyyətdə olduğu bildirilib. Qəzaya səbəb isə yüksək sürət olub.

Faktla bağlı araşdırmalar davam edir.

Ölkə.Az

ŞƏRH YAZ
0
BAĞLA