Bakıda oğul mənzilə görə atasını və bacısını döydü

Bakıda oğul mənzilə görə atasını və bacısını döydü
14:18
25.03.2019
1192
Hadisə
A
Binəqədi rayonunda mənzil üstündə atası və bacısını döyən şəxsə qarşı xuliqanlıq maddəsi ilə cinayət işi başlanıb.

“Ölkə.Az”ın məlumatına görə, cinayət məcəlləsinin 221.3-cü maddəsi ilə təqsirləndirilən Quliyev Amil Qarsalan oğlunun məhkəmə prosesi aprel ayının 11-də hakim Fərid Əmirəliyevin sədrliyi ilə keçiriləcək. 

İttiham aktına görə, xuliqanlıq cinayəti Binəqədi rayonu Şövkət Məmmədova küçəsi, 2 saylı Evtikmə Kombinatının həyətindəki qaçqın şəhərciyində qeydə alınıb.  6 saylı binanın 14-cü mənzilində məskunlaşan,  Xocalıdan məcburi köçkün Quliyev Qarsalan Sultan oğlu 2009-cu ildən həmin binada yaşadığını bildirib. Özü, həyat yoldaşı, qızı və 3 məktəb yaşlı nəvəsi ilə adı çəkilən ünvana qeydiyyatdadır.  Oğlu Amil Quliyev ailə qurduqdan sonra iki azyaşlı övladı ilə həmin ünvana qeydiyyata alınıb. Məhkəmə qərarı ilə ora köçürülüb. Bundan sonra tez-tez  ailədaxili münaqişələr baş verib.

Sonuncu insident isə ötən il may ayının 23-də gecə baş verib. Quliyev Amil həyat yoldaşı ilə evə girmək istəyib. Quliyev Qarsalan isə bir neçə gün əvvəl oğlunun onlara ağır xəsarət yetirdiyini əsas gətirərək onları içəri buraxmayıb. Elə bu səbəbdən də münaqişə düşüb. Bundan sonra hər iki tərəf polisə müraciət edib. Quliyev Qarsalan və onun qızı Quliyeva Solmazın iddiasına görə,  Amil narkotik istifadəçisi və satışı ilə məşğul olur. Şikayətçilərin əsas tələbi Qaçqınların və Məcburi Köçkünlərin işi üzrə Dövlət Komitəsindən onlara verilmiş 4 otaqlı evin geri alınması, onlara yeni müvafiq mənzillərin verilməsidir.

Natiq Allahverdiyev
Ölkə.Az

ŞƏRH YAZ
0

Xətai rayonunda anbar yanıb

Xətai rayonunda anbar yanıb
00:31
Bu gün
271
Hadisə
A
Bakıda yanğın qeydə alınıb.

"Ölkə.Az" Trend-ə istinadən bildirir ki, Fövqəladə Hallar Nazirliyindən verilən məlumata görə, şəhərin Xətai rayonunda ümumi sahəsi 600 m² olan istifadəyə yararsız anbarın yanar konstruksiyaları və içərisində taxta tullantıları 120 m² sahədə yanıb.

Anbarın qalan hissəsi və yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0

Mingəçevirdə 67 yaşlı qadını it dişləyib

Mingəçevirdə 67 yaşlı qadını it dişləyib
23:50
19.04.2019
265
Hadisə
A
Mingəçevirdə qadını küçədə it dişləyib.

"Ölkə.Az" Trend-ə istinadən xəbər verir ki, hadisə Mingəçevir şəhəri, Günəşli bağ massivində baş verib.

Şəhər sakini, 1952-ci il təvəllüdlü Abdulkərimova Kifayət Qurbanəli qızı küçədə itin hücumuna məruz qalıb.

Nəticədə qadın hər iki ayağının baldır nayihəsi və sol əlindən xəsarətlərlə xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA