Bakıda oğurlanan avtomobilin səsi Göyçaydan gəldi
İyun ayının 10-da Yasamal rayonu ərazisində vətəndaşa məxsus avtomobil qaçırılıb.
“Ölkə.Az”ın xəbərinə görə, Teymur Ələkbərova məxsus “VAZ-2107” markalı avtomobil qaçırılıb. Bu barədə maşını oğurlanan şəxs Yasamal RPİ-nə məlumat verib. Ötən gecə isə avtomobil onu qaçıran şəxslə birgə Göyçay rayonunda saxlanılıb.
Məlum olub ki, T. Ələkbərova məxsus avtomobil 1993-cü il təvəllüdlü Rüfət Mehdiyev tərəfindən qaçırılıb.
Faktla bağlı Yasamal RPİ-də cinayət məcəlləsinin 185 ( talama məqsədi olmadan nəqliyyat vasitələrinin qaçırılması) maddəsi ilə cinayət işi başlanıb.