Bakıda oğurluq edən 3 qardaş tutuldu
Paytaxt ərazisində mağazalardan oğurluq etməkdə şübhəli bilinən şəxslər saxlanılıb.
"Ölkə.Az" xəbər verir ki, Nəsimi RPİ 22-ci Polis Şöbəsi və Yasamal RPİ 27-ci Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində Nəsimi rayonu ərazisində 4 mağazadan 4 ədəd noutbuk oğurlamaqda şübhəli bilinən Bakı şəhər sakinləri, əvvəllər məhkum olunmuş M.Cavadov və 2 qardaşı saxlanılıb.
Saxlanılan şəxslərin ətraflarında aparılmış tədbirlərlə onların Bakı şəhər sakini olan bir nəfərin 1455 manat dəyərində noutbuku oğurlamaları da müəyyən edilib.
Ölkə.Az
