Bakıda pişik balası uşağın ölümünə səbəb oldu
Sabunçu rayonunun Maştağa qəsəbəsində 8 yaşlı uşaq elektrik cərəyanı vurması nəticəsində dünyasını dəyişib.
"Ölkə.Az" bildirir ki, bu barədə oxu.az-a Sabunçu rayon Polis İdarəsindən bildirilib.
Məlumata əsasən, bədbəxt hadisə "Ləhic bağları" adlanan ərazidə, 473 nömrəli yaşayış evin qarşısındakı transformatorun yaxınlığında baş verib.
Hadisə nəticəsində 2011-ci il təvəllüdlü Ələkbər Yusif oğlu Ələkbərov ölüb.
Polislərin bildirdiyinə görə, axşam saatlarında uşaq pişik balasını yedizdirərkən, heyvan qaçaraq transformatorun arxasına girib. Ələkbər pişiyi götürmək üçün özünü transformator və qaz borusunun arasına saldıqda onu cərəyan vurub. Nəticədə uşaq yanıb, onun həyatını xilas etmək mümkün olmayıb.
Ə.Ələkbərov bu il ikinci sinfə gedəcəkdi.
Ölkə.Az
