Bakıda polis rəisinin müavinini güllələyən şəxslər barədə — YENİ XƏBƏR

Bakıda polis rəisinin müavinini güllələyən şəxslər barədə
20:12
17.10.2017
465
Ölkə
A
Səbail Rayon Məhkəməsində paytaxtda baş verən silahlı insidentlə bağlı saxlanılan Kazım Abbasov, Məhəmməd İsmayılov və Emin Həsənovun barəsində həbs qətimkan tədbirinin seçilməsi ilə bağlı istintaq orqanının verdiyi təqdimata baxılıb.

"Ölkə.Az"ın "Report"a istinadən məlumatına görə, hakim Azər Tağıyevin sədrliyi ilə keçirilən prosesdə istintaq orqanının verdiyi təqdimat təmin edilib.

Qərara əsasən, hər üç şəxsin barəsində 4 ay müddətinə həbs qətimkan tədbiri seçilib.

Qeyd edək ki, Bakı şəhər Prokurorluğu və şəhər Baş Polis İdarəsinin hadisə ilə bağlı yaydığı məlumata əsasən, oktyabrın 14-də saat 19 radələrində Bakı şəhəri, Səbail rayonu, Ş.Şamil küçəsi 16 saylı ünvanda yerləşən çay evində naməlum şəxslər Mədətov Müşfiq İsrafil oğluna qarşı xuliqanlıq hərəktləri edib ictimai qaydanı kobud surətdə pozaraq sonuncunu bıçağın dəstəyi ilə vurub ona xəsarət yetiriblər.

Həmin faktı üzrə Səbail Rayon Polis İdarəsinin İstintaq şöbəsində Cinayət Məcəlləsinin 221.2.1 (xuliqanlıq) və 221.3-cü (xuliqanlıq) maddələri ilə başlanıb.

Oktyabrın 15-də saat 04.00 radələrində həmin cinayət işi üzrə hadisəni törətmiş şəxslərin müəyyən edilməsi istiqamətində Səbail RPİ-nin əməkdaşları tərəfindən həyata keçirilən əməliyyat tədbirləri zamanı Bakı şəhəri, Nizami rayonu ərazisində "Leksus" markalı 90-LT-997 dövlət nömrə nişanlı avtomaşında olan şəxslər üzərlərində olan odlu silahlardan əməliyyat tədbirində iştirak etmiş polis əməkdaşlarına atəş açıb, nəticədə Səbail RPİ-nin Əməliyyat işləri üzrə rəis müavini, polis polkovniki Axundzadə Orxan Abdulla oğlu xəsarət alıb.

Hadisəni törədən şəxslər həmin avtomobillə hadisə yerindən qaçıblar.

Həmin fakt üzrə Nizami rayon prokurorluğunda Cinayət Məcəllsinin 29,120.1-ci (qəsdən adam öldürməyə cəhd) maddəsi ilə cinayət işi başlanıb və hadisə yerinə baxış keçirilib. Hadisə yerindən 1 ədəd 12 mm və 6 ədəd 9 mm kalibrli gilizlər götürülüb və müvafiq ekspertizlar təyin edilib.

Cinayət işləri istintaqın davam etdirilməsi üçün Bakı şəhər prokurorluğunun icraatına verilib.

Bakı şəhər prokurorluğu və Bakı Şəhər Baş Polis İdarəsinin əməkdaşları tərəfindən aparılmış təxirəsalınmaz istintaq hərəkətləri və əməliyyat-axtarış tədbirləri nəticəsində qeyd olunan cinayət əməllərini törətməkdə şübhəli bilinənlər - 1992-ci il təvəllüdlü Abbasov Kazım Tapdıq oğlu, əvvəllər məhkum olunmuşlar - 1982-ci il təvəllüdlü İsmayılov Məhəmməd Həsən oğlu və 1976-cı il təvəllüdlü, Həsənov Emin Vaqif oğlu olması müəyyən edilib. Onlar Cinayət Məcəlləsinin 221.2.1, 221.3, 120.2.3 və 315.2-ci (hakimiyyət nümayəndəsinə müqavimət göstərmə) maddələri ilə şübhəli şəxs qismində tutularaq istintaqa cəlb olunublar.

Hazırda qeyd edilən cinayət işi üzrə hadisənin digər iştirakçılarının müəyyən edilərək istintaqa cəlb olunmaları istiqamətində zəruri istintaq əməliyyat tədbirləri davam etdirilir.

Ölkə.Az

ŞƏRH YAZ
0

Zabit Səmədovdan çeçenlərlə azərbaycanlıların davasına münasibət — “Mənim əminəm ki…” + FOTO

Zabit Səmədovdan çeçenlərlə azərbaycanlıların davasına münasibət
21:24
Bu gün
950
Ölkə
A
Kikboksinq üzrə Avropa və Dünya çempionu Zabit Səmədov Moskvada “Neolit” kafesində soydaşlarımızla çeçen icmasının nümayəndələri arasında baş verən davaya münasibət bildirib.

“Ölkə.Az” xəbər verir ki, idmançımız İnstaqram hesabında Azərbaycan və Çeçen xalqlarının bir-birinə tarixən bağlı olduğunu vurğulayıb:

“Əziz dostlar, qardaşlar, qafqazlılar! Əcdadlarımızın keçdiyi yol Qafqaz xalqları üçün cəsarətli nümunədir! Bizi tariximizə hörmət etməyə, şəfqət göstərməyə, din və Qafqaz ərazisində yaşayan qardaşlarımıza kömək etməyə öyrədiblər.

Bu gün biz Azərbaycan və Çeçenistan Respublikasının xalqları arasında qarşılıqlı səmimi münasibətin, eləcə də qarşılıqlı təsirin və nəsildən-nəsilə bizim əcdadlarımızın münasibətlərinin davamının şahidiyik. Mən qürurla deyə bilərəm ki, çeçenlər bizim qardaşlarımızdır, hiss edirəm ki, sevimli Çeçenistan Respublikamda mənim xalqım haqqında səmimiyyətlə danışırlar. Mən əminəm ki, bizim xalqlarımız, Rusiya və qonşu dövlətlərin ərazilərində yaşayanlar fitnə salmağa çalışanların oyununa gəlməyəcək. Biz buna icazə verməyəcəyik!”.

Ölkə.Az

ŞƏRH YAZ
0

Bakıda nə qədər işsiz var?

Bakıda nə qədər işsiz var?
19:45
Bu gün
2126
Ölkə
A
2018-ci il ərzində Bakıdakı məşğulluq xidməti orqanlarının işsiz statusu verdiyi şəxslərin və işsizlikdən sığorta ödənişi alanların sayı açıqlanıb.

“Ölkə.Az” bu barədə Dövlət Statistika Komitəsinin Bakı Şəhər Statistika İdarəsinə istinadən xəbər verir. 

Məlumata görə, ötən il paytaxtda 9 243 nəfərə işsiz statusu verilib ki, bunun da 3 703 nəfərini qadınlar təşkil edib.

İl ərzində 599 nəfərə işsizlik müavinəti ödənilib ki, bunun da orta məbləği 198,7 manat olub.

Ötən ilin sonuna Bakıda işçi qüvvəsinə olan tələbat 2 191 nəfər təşkil edib ki, bunun da 1 932 nəfəri fəhlələr olub. 

Ölkə.Az

ŞƏRH YAZ
0
BAĞLA