Bakıda polkovnikin oğlu bu binadan yıxılıb ölüb... — FOTO

Bakıda polkovnikin oğlu bu binadan yıxılıb ölüb...
21:19
11.07.2019
4006
Hadisə
A
Xəbər verdiyimiz kimi, bu gün “Qorotdel”in Cinayət Axtarış İdarəsinin rəisi, polis polkovniki Əliaslan Ağayevin oğlu Orxan Ağayev 5-ci mərtəbədən düşərək vəfat edib.

“Ölkə.Az” qafqazinfo-ya istinadən xəbər verir ki, 28 yaşlı Orxan 5 mərtəbli binanın 5-ci mərtəbəsindən düşüb.

O, binanın tinində dayanan “Niva” markalı avtomobilin arxasında yerə düşüb.

Şahidlərin sözünə görə, polkovnik ailəsi ilə bu binada yaşayıb. Həmin an Orxanın yalnız anası evdə olub, böyük qardaşı sonradan hadisə yerinə gəlib.

Qeyd edək ki, polkovnikin iki oğlu olub. Vəfat edən Orxan Ağayev subay olub.

Baş verən hadisənin intihar, yoxsa ehtiyatsızlıqdan olduğu istintaq zamanı müəyyən olunacaq.

Ölkə.Az

ŞƏRH YAZ
0

Keçmiş arvadını öldürmək istəyənə hökm oxundu

Keçmiş arvadını öldürmək istəyənə hökm oxundu
04:34
Bu gün
792
Hadisə
A
Bakı Ağır Cinayətlər Məhkəməsində keçmiş həyat yoldaşını öldürməyə cəhddə təqsirləndirilən Zaur Rzayevin cinayət işi üzrə məhkəmə iclası başa çatıb.

"Ölkə.Az" xəbər verir ki, hakim Azad Məcidovun sədrliyi ilə keçirilən prosesdə hökm oxunub

Məhkəmənin hökmü ilə o, 13 il müddətinə azadlıqdan məhrum edilib.

Qeyd edək ki, hadisə Bakının Binəqədi rayonu Rəsulzadə qəsəbəsində yerləşən gözəllik salonlarının birində baş verib.

Bakı şəhər sakini, 1974-cü il təvəllüdlü Rzayev Zaur Ağahüseyn oğlu gözəllik salonunda işləyən, keçmiş arvadı, 1978-ci il təvəllüdlü Rzayeva Aynur Osman qızını bıçaqlayıb. A.Rzayeva çoxsaylı bıçaq xəsarətləri ilə xəstəxanaya yerləşdirilib.

Faktla bağlı Binəqədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

Keçirilən əməliyyat tədbirləri nəticəsində hadisəni törətməkdə şübhəli bilinən Z. Rzayev saxlanılıb.

Natiq Allahverdiyev

Ölkə.Az

ŞƏRH YAZ
0

11 manata görə 8 il həbs cəzası aldı

11 manata görə 8 il həbs cəzası aldı
02:32
Bu gün
719
Hadisə
A
Bakı Ağır Cinayətlər Məhkəməsində quldurluq etməkdə təqsirli bilinən Səid Vəliyevin cinayət işi üzrə məhkəmə prosesi yekunlaşıb.

"Ölkə.Az" xəbər verir ki, hakim İradə Həsənzadənin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Səid Vəliyev 8 il 3 ay müddətinə azadlıqdan məhrum edilib.

Qeyd edək ki, ittihama görə 22 yaşlı S.Vəliyev Bakı Ağır Cinayətlər Məhkəməsinin qarşısında tanımadığı İlkin Abdullayev adlı şəxsə yaxınlaşaraq ondan pul istəyib. İlkin qorxaraq cibində olan 11 manatı Səidə verib. İttihamda o da göstərilir ki, Səid aldığı 11 manatdan ikisini İlkinə geri qaytarıb ki, yol pulu etsin. Bundan sonra Səid polis əməkdaşları tərəfindən saxlanılıb.

Saxlanılan Səid Vəliyevin digər şəxsə qarşı da eyni əməli törətdiyi məlum olub.

Natiq Allahverdiyev

Ölkə.Az

ŞƏRH YAZ
0
BAĞLA