Bakıda qadın avtomobillə vuruldu

“BakuPost” xəbər verir ki, bu barədə sosial şəbəkələrdə məlumat və foto paylaşılıb. Məlumata görə, hadisə Atatürk prospektində baş verib. Belə ki, 15:00 radələrində avtomobil hələlik şəxsiyyəti məlum olmayan qadını vurub. O, hadisə yerində keçinib. Hadisə şahidləri iddia edirlər ki, vurulan qadın süpürgəçidir. Onun əynində süpürgəçilər üçün yeni verilən jiletdən olub. Lakin polislər jileti çıxarıblar. 

Məlumat üçün bildirək ki, martın 28-də aeroport yolunda süpürgəçi Cəmilə Salahova yol süpürərkən “Kamaz”la vurularaq öldürülmüşdü. İctimai qınaqdan sonra Bakı şəhər Dövlət Yol polisi İdarəsinin təşəbbüsü ilə küçələri süpürən və təmizləyən işçilərə xüsusi jiletlər verilmişdi.

Ölkə.Az