Bakıda qadın ərinin pulunu xərclədi, polisə evin yarıldığını dedi
Ərinin pulunu xərcləyən qadın polisə yalan məlumat verib.
"Ölkə.Az" xəbər verir ki, Bakı şəhəri, Xəzər Raton Polis İdarəsinin (RPİ) 2-ci Polisə Şöbəsinə (PŞ) müraciət edən Binə qəsəbə sakini olan qadın mayın 11-də saat 10 radələrində evinə girmiş 2 maskalı şəxsin onu bıçaqla hədələyib oradan 5100 ABŞ dolları apardığını bildirib.
Polis əməkdaşları tərəfindən müraciətlə əlaqədar dərhal müvafiq tədbirlər görülüb.
2-ci Polis Şöbəsi və rayon prokurorluğu əməkdaşları tərəfindən aparılan araşdırmalarla quldurluq barədə verilən məlumat təsdiqini tapmayıb. Qadının pulu xərcləməsi və ərindən qorxduğu üçün polisə yalan məlumat verməsi müəyyən edilib.
Natiq Allahverdiyev
Ölkə.Az
