Bakıda qadın ev işbazının qurbanı oldu

Bakıda qadın ev işbazının qurbanı oldu
10:04
11.01.2018
851
Hadisə
A
Cavadova Tünzalə Əziz qızı Nəsimi RPİ-nin 21-ci polis bölməsinə şikayət edərək bildirib ki, dələduz ev makleri onun küllü miqdar pulunu alıb.

“Ölkə.Az”a daxil olan məlumata görə, şikayətçi ərizəsində göstərib ki, 2014-cü ildə bir nəfər şəxsə Sabunçu qəsəbəsində ev tikdirmək adı ilə 19 min manat pul verib.

Ancaq bu illər ərzində həmin ev makleri nə evi tikib, nə də pulu qaytarıb. 

Faktla bağlı 21-ci polis bölməsində təhqiqat araşdırmalarına başlanılıb.

ŞƏRH YAZ
0

Şəkidə 3 maşın toqquşdu — Yaralananlar var

Şəkidə 3 maşın toqquşdu
15:49
Bu gün
946
Hadisə
A
Bu gün saat 11:00 radələrində Yevlax-Zaqatala-Gürcüstan sərhəd magistral yolunun Şəki rayonu ərazisindən keçən hissəsində “VAZ 2104” markalı 45 BG 042, “Daewoo Nexia” markalı 99 AC 765 və daha bir “Daewoo Nexia” 99 NV 541 dövlət nömrə nişanlı minik avtomobillərinin toqquşması ilə nəticələnən zəncirvarı yol qəzası baş verib.

"Ölkə.Az"ın APA-ya istinadən məlumatına görə, qəzadan sonra xəsarət alan iki nəfər -  Mingəçevir şəhər sakinləri olan 1974-cü il təvəllüdlü Əhsan Əvəz oğlu Zamanov və 1985-ci il təvəllüdlü Altay Muxtar oğlu Məmmədov Mingəçevir şəhər xəstəxanasına aparılıblar.

Xəsarət alan 2001-ci il təvəllüdlü Şəki rayonu Qoxmuq kənd sakini Fərid Aruz oğlu Cavadov, 1988-ci il təvəllüdlü Bakı şəhər sakini Aqşin Həsrətəli oğlu Qurbanov, Aqşinin həyat yoldaşı 1996-cı il təvəllüdlü Elnarə Əli qızı Qurbanova və onların azyaşlı,  2016-cı il təvəllüdlü övladı Aynur isə Şəki Mərkəzi Rayon Xəstəxanasına (MRX) aparılıblar.

MRX-dan verilən məlumata görə, yaralılardan Elnarə Qurbanova qapalı kəllə beyn travması diaqnozu ilə xəstəxananın reanimasiya şöbəsinə yerləşdirilib, vəziyyəti orta-ağır qiymətləndirilir. Aqşin Qurbanov, Aynur Qurbanova və Fərid Cavadovun xəsarətləri yüngül olduğundan onlara xəstəxanada lazımi tibbi yardım göstərildikdən sonra evə buraxılıblar.

Faktla bağlı Daxili İşlər Nazirliyinin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

Ölkə.Az

ŞƏRH YAZ
0

Toya gedərkən qəzaya düşdülər, xəstəxanalıq oldular

Toya gedərkən qəzaya düşdülər, xəstəxanalıq oldular
15:31
Bu gün
1084
Hadisə
A
İmişli rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az" "Report"a istinadən xəbər verir ki, hadisə günorta saatlarında İmişli şəhərində, Şəhidlər Xiyabanı yaxınlığında qeydə alınıb.

Belə ki, "Mercedes" markalı avtomobil hərəkətdə olarkən qarşıdan gələn avtomobillə toqquşma təhlükəsi ilə üzləşib. Bu səbəbdən sürücü maşını yolun kənarına çıxarıb.

Hadisə zamanı "Mercedes"də olan İmişli sakinləri: - 1972-ci il təvəllüdlü Nüşabə Mecdin qızı Fərmanova və qızı - 2002-ci il təvəllüdlü Aysel İnqilab qızı Fərmanova, 1979-cu il təvəllüdlü Aynurə Atakişi qızı Quliyeva və övladları: - 2008-ci il təvəllüdlü Ülvi Mahir oğlu Quliyev və 2002-ci il təvəllüdlü Səbinə Mahir qızı Quliyeva aldıqları yüngül bədən xəsarətləri ilə İmişli Rayon Mərkəzi Xəstəxanasına çatdırılıblar. 

Xəstəxanada onlara ilk tibbi yardım göstərildikdən sonra yaralılar ambulator müalicəyə göndərilib. Qeyd edək ki, xəsarət alanlar toy mərasiminə gedirmiş.

Faktla bağlı araşdırma aparılır. 

Ölkə.Az

ŞƏRH YAZ
0
BAĞLA