Bakıda qadına kömək edib, sonra onun başına oyun açan şəxs tutuldu

Bakıda qadına kömək edib, sonra onun başına oyun açan şəxs tutuldu
15:09
20.11.2019
2549
Hadisə
A
Bakıda əvvəlcə qadına kömək edib, pulunu oğurlayab, bir neçə ay sonra quldurluq yolu ilə həmin qadının çantasını talayan şəxs saxlanılıb.

Daxili İşlər Nazirliyinin mətbuat xidmətindən "Ölkə.Az"a məlumat verilib.

Verilən məlumata görə, Nəsimi rayonu M.Qaşqay küçəsi, ev 20 ünvanında yaşlı qadına qarşı quldurluq edilib. Nəsimi RPİ-nin 21-ci Polis Bölməsinə müraciət edən zərərçəkən binanın girişində ona naməlum şəxsin hücum etdiyini, zorakılıq hərəkətləri ilə əlindəki içərisində 3200 manat, şəxsi sənədlər, bank kartları və bir ədəd “Samsung” markalı mobil telefon olan çantanı talayıb qaçmaqla quldurluq cinayəti törətdiyini bildirib. Bakı şəhər Baş Polis İdarəsi və Nəsimi RPİ 21-ci Polis Bölməsinin əməkdaşlarının həyata keçirdikləri təxirəsalınmaz əməliyyat tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş paytaxt sakini Mirzə Əliyev saxlanılaraq istintaqa təqdim edilib. Araşdırma zamanı saxlanılan şəxsin qeyd edilən hadisədən bir neçə ay əvvəl zərərçəkən qadına qarşı başqa cinayət törətdiyi də müəyyən edilib. Belə ki, Mirzə Əliyev 13 sentyabr 2019-cu il tarixində həmin qadın Nəsimi rayonundakı marketlərdən birindən çıxarkən ona əlində olan paketləri daşımağa kömək etmək adı ilə yaxınlaşıb. Paketləri evə qaldırandan sonra zərərçəkən qadın Mirzə Əliyevə su gətirmək üçün mətbəxə keçən zaman o, xanımın içərisində 2350 manat olan çantasını oğurlayaraq hadisə yerindən qaçıb. Sonuncu dəfə isə qadını bankomatdan pul çıxaran zaman görən Mirzə Əliyev onu təqib edərək binanın girişində ona hücum edib.

Qeyd edək ki, Mirzə Əliyev barəsində Nəsimi Rayon Polis İdarəsinin İstintaq Şöbəsində Cinayət Məcəlləsinin 1771. (oğurluq, yəni özgənin əmlakını gizli olaraq talama ) və 181.2.2 (quldurluq, yəni özgənin əmlakını ələ keçirmə məqsədi ilə hücuma məruz qalmış şəxsin həyatı və ya sağlamlığı üçün təhlükəli zorakılıqla və ya belə zorakılıq tətbiq ediləcəyi hədəsi ilə bağlı olan basqın, təkrar törədildikdə) maddələri ilə cinayət işi başlanılıb. Bu şəxsin əməllərindən zərərçəkən başqa vətəndaşlar varsa ərazi üzrə polis idarə, şöbə və ya bölmələrinə müraciət edə bilərlər

ŞƏRH YAZ
1

Bakıda avtomobil 31 yaşlı piyadanı vurub

Bakıda avtomobil 31 yaşlı piyadanı vurub
23:56
17.01.2020
478
Hadisə
A
Bakıda piyadanın vurulması ilə nəticələnən yol-nəqliyyat hadisəsi baş verib.

"Ölkə.Az" report-a istinadən bildirir ki, hadisə paytaxtın Nərimanov rayonunda qeydə alınıb.

Ağa Nemətulla küçəsində 31 yaşlı Hacıyev Orxan Əli oğlu yolu keçmək istəyərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona döş qəfəsinin küt travması diaqnozu qoyulub.

ŞƏRH YAZ
0

Gəncədəki dəhşətli qəzanın baş vermə anı — ANBAAN VİDEO

Gəncədəki dəhşətli qəzanın baş vermə anı
20:18
17.01.2020
1947
Hadisə
A
Gəncədə ölümlə nəticələnən yol-nəqliyyat hadisəsinin videoyazısı üzə çıxıb. Videoyazıda “Niva” markalı avtomobil idarəetmədən çıxaraq yol kənarındakı ağaca çarpılması əks olunub.

"Ölkə.Az" bildirir ki, qəza nəticəsində sürücü, 16 yaşlı Şahin Hacıyev aldığı ağır xəsarətlərdən hadisə yerində ölüb. Maşında olan sərnişin 17 yaşlı Hüseyn Yunisli ağır yaralanaraq Gəncə şəhər Təcili Tibbi Yardım Xəstəxanasına yerləşdirilib. (oxu.az)

Həmin videoyazını təqdim edirik. 

ŞƏRH YAZ
0
BAĞLA