Bakıda qadının mənzilinə girdilər, qarət etdilər
Bakıda mənzilə daxil olaraq quldurluq cinayəti törətməkdə təqsirli bilinən Orxan Məmmədov, Həsən Şamxalov və Əlfəddin Muradovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Hakim Samir Əliyevin sədrliyi ilə keçiriləcək məhkəmə hazırlıq iclası iyun ayının 14-nə təyin olunub.
Qeyd edək ki, təqsirləndirilən şəxslər paytaxt sakini Gülxarə Paşa qızı Əhmədovanın mənzilinə daxil olaraq onu hədələyib külli mqidarda pul ələ keçirməyə çalışıblar. Onlar G.Əhmədovanın evində xeyli pul və qızıl olduğunu biliblər. Hadisədə zərərçəkən qadın əvvəllər bir sıra vəzifələrdə çalışıb.
Saxlanılan şəxslər barəsində Azərbaycan Respublikasının Cinayət Məcəlləsinin 181.3.2-cü, yəni quldurluq - külli miqdarda əmlak əldə etmək məqsədi ilə törədildikdə maddəsi ilə ittiham elan olunub.
Natiq Allahverdiyev
Ölkə.Az
