Bakıda qanlı gecə: 3 nəfər bıçaqlandı, birinin boğazını kəsmək istədilər

Bakıda qanlı gecə: 3 nəfər bıçaqlandı, birinin boğazını kəsmək istədilər
23:30
14.11.2017
2887
Hadisə
A
Noyabrın 13-də gecə saatlarında Sabunçu rayonunda qanlı cinayət baş verib. Nəticədə iki nəfər ağır vəziyyətdə xəstəxanaya çatdırılıb.

Ölkə.Az Sputnik Azərbaycan-a istinadən bildirir ki, bu barədə hüquq-mühafizə orqanlarından məlumat verilib.

Sabunçu qəsəbəsində, əslən Zəngilan rayonundan olan, əvvəllər AR Cinayət Məcəlləsinin 177-ci maddəsi (oğurluq) ilə məhkum edilmiş 1986-cı il təvəllüdlü Paşayev İlham Adil oğlu və eyni maddə ilə əvvəllər məhkum edilmiş 1987-ci il təvəllüdlü Bakı sakini İsmayılov Mahir Etibar oğlu naməlum şəraitdə çoxsaylı bıçaq zərbələri alıblar.

Ekspertlər yoxlama zamanı Paşayevin bədəninin müxtəlif hissələrində çoxsaylı bıçaq xəsarətləri aşkar ediblər. Cinayətkarlar İsmayılovun boğazını kəsməyə cəhd ediblər. Hər iki yaralı hazırda ağır vəziyyətdə 3 saylı şəhər Kliniki Xəstəxanasının reanimasiya şöbəsindədir. Onların vəziyyəti istintaq orqanlarına ifadə almaq imkanı vermir.

Lakin ilkin araşdırma zamanı məlum olub ki, sözügedən şəxslərə əvvəllər məhkum edilmiş Məhərrəm adlı şəxs bıçaqla hücum edib. Hüquq-mühafizə orqanlarının məlumatına görə, şübhəli şəxs zərərçəkənləri öldürmək məqsədi güdüb. Bunu zərərçəkənlərin dərin yaralar alması da sübut edir. Rayon prokurorluğu bu cinayəti qətl törətməyə təşəbbüs kimi təsnifləşdirib.

Məlum olub ki, kişilər arasında münaqişə şəxsi münasibətlər müstəvisində baş verib. Hazırda polis cinayətkarın şəxsiyyətini araşdırmağa və onu saxlamağa cəhd edir.

Sağlamlığa ağır zərər vurmaya dair daha bir fakt isə Nərimanov rayonunda qeydə alınıb. Ötən gün saat 21:05-da Sity Hospital-a 1974-cü il təvəllüdlü şəhər sakini Babayev Vahid Ayaz oğlu ağır vəziyyətdə gətirilib. Onun kürəyinə bıçaq zərbəsi endirilib. Faktla bağlı heç kəs saxlanılmayıb. Hətta Babayevin hansı şəraitdə bıçaq zərbəsi alması da məlum deyil.

Qeyd edək ki, bu ayın əvvəlindən başlayaraq paytaxtda sağlamlığa qəsdən ağır zərər vurma ilə bağlı 8 fakt qeydə alınıb. 117 xuliqanlıq hadisəsi qeydə alınıb ki, onun da demək olar, yarısını bıçaqlama təşkil edir.

ŞƏRH YAZ
0

Gəncədə avtomobil qadını vurub

Gəncədə avtomobil qadını vurub
00:13
Bu gün
730
Hadisə
A
Gəncədə avtomobil 27 yaşlı qadını vurub.

"Ölkə.Az" APA-ya istinadən xəbər verir ki, hadisə Şah İsmayıl Xətai prospektində qeydə alınıb. Hələ ki markası məlum olmayan avtomobil piyada 1991-ci il təvəllüdlü Hüseynova Rübabə Asif qızını vurub. Ağır bədən xəsarətləri alan qadın xəstəxanaya yerləşdirilib, vəziyyəti orta ağırdır.

Faktla bağlı araşdırma aparılır.

Ölkə.Az

ŞƏRH YAZ
0

Arazda boğulan yeniyetmələri xilas edən iki nəfər xəsarət alıb

Arazda boğulan yeniyetmələri xilas edən iki nəfər xəsarət alıb
23:48
20.07.2018
566
Hadisə
A
Araz çayında boğulan uşaqları xilas edən iki nəfər xəsarət alıb.

"Ölkə.Az" Report-a istinadən xəbər verir ki, çayda çimən yeniyetmələrin suda boğulduqlarını görən rayon sakinləri - 1978-ci il təvəllüdlü Əhmədov Mehman Hacıağa oğlu və 1977-ci il təvəllüdlü Hüseynov Vəli Cəfər oğlu yeniyetmələri sudan çıxararaq xilas ediblər. Lakin sonda hər ikisinin gücü tükəndiyindən onların qarın nahiyələrinə su dolub. Nəticədə halları pisləşib. Hər iki şəxs təcili yardım maşını ilə Saatlı Rayon Mərkəzi Xəstəxanasına çatdırılıb. Yardım göstərildiyindən bir neçə saat sonra M.Əhmədov və V.Hüseynov ambulator müalicəyə göndərilib.

İlkin məlumata görə, Arazda çimən yeniyetmələrin sayı çox olub.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA