Bakıda qəbiristanlıqda ŞOK OLAY — VİDEO

Bakıda qəbiristanlıqda ŞOK OLAY
22:33
13.08.2017
116
Ölkə
A
Oğul, 8 ay əvvəl dünyasını dəyişən atasının qəbirini ziyarət etməyə gedərkən gözlənilməz hadisə ilə üzləşib.

Ölkə.Az bildirir ki, o, atasının baş daşında təxminən 30-35 yaşlı bir nəfərin şəklinin yapışdırılıdığını görüb. Hadisə Bakıda Günəşli qəbristanlığında olub.

Rauf Hümbətov deyir ki, qardaşı dərhal anasına zəng vuraraq bu barədə məlumat verib. Anasının istəyi ilə qardaşı həmin şəkili baş daşından qopararaq yanıdırb.
Rauf Hümbətovla qəbir ətrafında söhbət apararkən həmin şəxsin daha bir eyni şəklini tapdıq. Zərərçəkmiş iddia edir ki, şəxsin şəklinə cadu edilərək atasının məzarına yapışdırıblar.

Sözügedən hadisə qəbiristanlıqlarda məzarların təhlükəsizlik məsələsini gündəmə gətiri. Günəşli qəbiristanlığının gözətçisi deyir ki, qoruduğu qəbristanlığı ərazisi genişdi. Onlar ayrıca hansısa qəbirin yanında oturub mühafizə etmirlər. Araşdırma zamanı müəyyən etdik ki, ümumiyyətlə Bakıda bir çox məzarlıqda 2 və yaxudda 3 gözətçi olur ki, onlar da gün boyu qəbristanlığı gəzməklə bütün məzarlara baxa bilmirlər.

Hüquqşünas Xəyal Bəşirovun sözlərinə görə, bu cinayət məcəlləsində ictimai mənəviyyat əlehinə olan cinayətlər silsiləsinə aiddir. Şəkilin baş daşına yapışdırılması qəbir üzərində təhqir edici əlamətdir və bunu edənin də çox ciddi cəzası ola bilər.
Rauf Hümbətov deyir ki, əgər belə halla bir də rastlaşsa ərazi üzrə hüquq-mühafizə orqanlarına məlumat verəcək. /xezerxeber.az

 

ŞƏRH YAZ
0

Dövlət 2 mindən çox obyekti alacaq — “Sovetski” ilə bağlı qərar verildi

Dövlət 2 mindən çox obyekti alacaq
00:05
Bu gün
2327
Ölkə
A
Torpağın alınmasını zəruri edən dövlət ehtiyacının və həmin torpağı alan orqanın müəyyən edilməsi barədə “Torpaqların dövlət ehtiyacları üçün alınması haqqında” qanunun tətbiqi ilə əlaqədar əlavə tədbirlər barədə” qərar qəbul edilib.

“Ölkə.Az” xəbər verir ki, bu barədə sənəd Baş nazirin müavini Abid Şərifov tərəfindən imzalanıb.

Qərara görə, Bakı şəhərinin Yasamal rayonu ərazisində vətəndaşlara məxsus Nabat Aşurbəyova, Süleyman Tağızadə, Abdulla Şaiq və Çingiz Mustafayev küçələri arasındakı ərazidə 1130 ədəd, Nəriman Nərimanov prospekti, İsmayılbəy Qutqaşınlı, Bəşir Səfəroğlu və Mirzaga Əliyev küçələri arasındakı ərazidə 880 ədəd, ümumilikdə 2010 yaşayış və qeyri-yaşayış obyektlərini Bakı şəhərinin Baş Planına uyğun olaraq, dövlət əhəmiyyətli kommunikasiya xətlərinin çəkilməsi məqsədi ilə dövlət ehtiyacları üçün alan orqan kimi Bakı şəhəri Yasamal Rayon İcra Hakimiyyəti müəyyən edilib.

Bakı şəhəri Yasamal Rayon İcra Hakimiyyətinə tapşırılıb ki, bu qərarın 1-ci hissəsində göstərilən torpaq sahələrinin dövlət ehtiyacları üçün alınması ilə bağlı hazırlıq tədbirlərini “Torpaqların dövlət ehtiyacları üçün alınması haqqında” Azərbaycan Respublikası Qanununun tələblərinə uyğun olaraq həyata keçirsin və bu barədə Azərbaycan Respublikasının Nazirlər Kabinetinə təkliflər təqdim etsin.

Ölkə.Az

ŞƏRH YAZ
0

Azərbaycanda marketlərdə dərman satıla bilərmi?

Azərbaycanda marketlərdə dərman satıla bilərmi?
23:09
19.02.2018
2308
Ölkə
A
Bu gün dünyanın bir sıra ölkələrində reseptsiz dərmanların marketlərdə də satılmasına icazə verilir. Azərbaycanda isə hələ ki, bu cür icazə yoxdur.

"Ölkə.Az"ın xəbərinə görə, məsələyə münasibət bildirən Milli Məclisin Səhiyyə Komitəsinin sədr müavini Musa Quliyev "Trend"ə deyib ki, Azərbaycanda hələ ki, bununla bağlı məsələ gündəmdə deyil.

Deputat vurğulayıb ki, dünyada belə bir təcrübə olsa da, Azərbaycanda tətbiq olunmur. Onun sözlərinə görə, ölkəmizdə dərman vasitələrinin deyil, bioloji aktiv maddələrin aptekdən kənarda, marketlərdə satılmasına icazə verilib:

"Biz bu məsələyə bir neçə ay əvvəl baxdıq və qanunvericiliyə dəyişiklik edildi. Hazırda bioloji aktiv maddələrin marketlərdə satılmasına qanunla icazə var, burada uyğun sanitar-gigiyenik normalar, temperatur, işıq rejimi gözlənilməklə satışına icazə verilir. Əgər bu şəraiti təmin edən marketlər istəsələr, bioloji aktiv maddələri də sata bilərlər. Lakin dərman vasitələrinin satılmasına icazə verilmir. Dərmanların satışına icazə verilməsi hələ ki, gündəmdə deyil. Bilirsiniz ki, Azərbaycanda icbari tibbi sığortaya keçid planlaşdırılır və reseptlə satılan dərmanlar icbari sığorta paketinə daxil olacaq. Bəlkə də ondan sonra bu məsələyə baxmaq olar".

M.Quliyev bildirib ki, böyük ölkələrdə bu təcrübə tətbiq olunur: "Dərmanların marketlərdə satılmasına icazə verilməsi üçün uyğun şərait yaradılmalıdır. Təsəvvür edin ki, kənd rayonunda mağazada dərman satılır. Bilməyəcəklər ki, o dərmanı hansı şəraitdə, hansı tepmeraturda saxlamaq lazımdır. Hələ ki, reseptsiz satılan dərmanların apteklərdən kənarda satılmasına icazə verməyə ehtiyac görmürəm, çünki Azərbaycanda aptek şəbəkəsi kifayət qədər genişdir".

Qeyd edək ki, Rusiyada ərzaq mağazalarında reseptsiz verilə bilən dərmanların satışına icazəni nəzərdə tutan qanun layihəsi 2017-ci ildə hazırlanıb.

Mütəxəssislər hesab edirlər ki, qanun layihəsi qəbul olunacağı təqdirdə əsasən kiçik şəhərlərdə apteklər bağlana bilər.

Qeyd olunur ki, bu qanundan daha çox ərzaq mağazalarının yaxınlığında yerləşən apteklər zərər görəcək.

Qanun layihəsinin müəlliflərinin fikrincə isə, reseptsiz verilə bilən dərmanların ərzaq mağazalarında satışı dərmanların ucuzlaşmasına gətirib çıxara bilər.

Ölkə.Az

ŞƏRH YAZ
0
BAĞLA