Bakıda qonaq evdən oğurluq etdi

Bakıda qonaq evdən oğurluq etdi
14:34
11.07.2019
641
Hadisə
A
Şəki sakini Bakıda qonaq olduğu evdən oğurluq edib.

"Ölkə.Az" xəbər verir ki, Yasamal Rayon Polis İdarəsinin 29-cu Polis Şöbəsinə müraciət edən Bakı şəhər sakini Q.Hacıyev ötən il noyabrın 27-də evindən 3100 manat pulunun oğurlandığını bildirib.

Müraciətlə əlaqədar müvafiq araşdırmalar aparılıb və pulun həmin gün onun evində qonaq olan şəxs tərəfindən oğurlanması müəyyən edilib.

29-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Şəki rayon sakini M.Əliquzuyev saxlanılıb.

Faktla bağlı araşdırma aparılır. 

Natiq Allahverdiyev
Ölkə.Az

 

ŞƏRH YAZ
0

İçkini düşkünü olan ərini öldürən qadın qərardan şikayət verib

İçkini düşkünü olan ərini öldürən qadın qərardan şikayət verib
01:29
Bu gün
733
Hadisə
A
Bakıda həyat yoldaşını öldürməkdə təqsirləndirilən Vəfa Orucova barəsindəki hökmdən apellyasiya şikayəti verib.

"Ölkə.Az" xəbər verir ki, onun şikayəti ilə bağlı məhkəmə baxış iclası hakim Vaqif Mursaqulovun sədrliyi ilə iyul ayının 17-də keçiriləcək.

Hadisə ötən il noyabrın 24-də baş verib. Bakı şəhər sakini Rövşən Musayev paytaxtın Nərimanov rayonu ərazisindəki evindən kəsilmiş-deşilmiş xəsarətlə xəstəxanaya gətirilib və orada ölüb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri ilə hadisəni münaqişə zəminində törətməkdə şübhəli bilinən V.Orucova saxlanılıb. İstintaqa ifadə verən Vəfa Orucova törətdiyi cinayəti etiraf edib. O bildirib ki, içki düşkünü olan əri onu pul qazanmağa məcbur edib. Ona qarşı Cinayət Məcəlləsinin 120.1 (qəsdən adamöldürmə) maddəsi ilə ittiham irəli sürülüb.

Qeyd edək ki, Bakı Ağır Cinayətlər Məhkəməsinin hökmünə əsasən, V.Orucova 12 il müddətinə azadlıqdan məhrum edilib.

Natiq Allahverdiyev

Ölkə.Az

ŞƏRH YAZ
0

Göyçayda iki uşaq anası özünü kanala atıb

Göyçayda iki uşaq anası özünü kanala atıb
00:36
Bu gün
540
Hadisə
A
Göyçayda gənc qadın intihara cəhd edib.

“Ölkə.Az” APA-ya istinadən xəbər verir ki, hadisə bu gün rayonun Çaxırlı kəndində qeydə alınıb.

Kənd sakini 1991-ci il təvəllüdlü Rüstəmova Şahidə Zahid qızı özünü su kanalına ataraq intihara cəhd edib. O, təcili olaraq Göyçay rayon Mərkəzi Xəstəxanasına çatdırılıb. İki uşaq anası Ş.Rüstəmovanın özünə qəsd etməsinin səbəbi hələ ki, məlum deyil.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA