Bakıda qonşusunu bıçaqlayan şəxsin MƏHKƏMƏSİ
"Ölkə.Az" xəbər verir ki, hakim İlqar Murquzov sədrliyi ilə keçirirlən prosesdə təqsirləndirilən şəxsin anket məlumatları dəqiqləşdirilib.
Məhkəmənin növbəti iclası iyulun 24-nə təyin edilib.
Qeyd edək ki, hadisə ötən il Binəqədi rayonu, Sulutəpə qəsəbəsində baş verib. 1960-cı il təvəllüdlü Bünyatov Əzizağa Əlimürsəl oğlu mübahisə zəminində qonşusu, 1974-cü il təvəllüdlü Nəsirov Xaliq Cəlil oğluna bir neçə bıçaq xəsarəti yetirib. Yaralı təcili olaraq Kliniki Tibbi Mərkəzə aparılıb, onun həyatını xilas etmək mümkün olub. Hadisəni törədən şəxs isə 40-cı Polis Bölməsi əməkdaşları tərəfindən saxlanılaraq istintaq orqanına təhvil verilib.
Onun barəsində Cinayət Məcəlləsinin 126.1-ci (qəsdən bədənə ağır xəsarət yetirmə) maddəsi ilə cinayət işi açılıb və rayon məhkəməsinin qərarı ilə həbs qətimkan tədbiri seçilib.
Bakı Ağır Cinayətlər Məhkəməsinin hökmü ilə Ə.Bünyatov 3 il müddətinə azadlıqdan məhrum edilib.
Natiq Allahverdiyev
Ölkə.Az