Bakıda quldurluq edən şəxs tutuldu
Nizami rayonunda paytaxt sakininə bıçaq xəsarət yetirib quldurluq etməkdə şübhəli bilinən şəxs saxlanılıb.
"Ölkə.Az" xəbər verir ki, Nizami RPİ 24-cü PŞ-nə müraciət edən Bakı şəhər sakini T.Tanrıverdiyev iyulun 10-da saat 1 radələrində naməlum şəxsin onu bıçaqla hədələyərək pul verməsini tələb etməsini, istədiyinə nail olmadıqda ona əlindən bıçaqla xəsarət yetirib hadisə yerini tərk etdiyini bildirib.
Nizami RPİ 24-cü PŞ və Əlahiddə Çevik Polis Alayı əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən paytaxt sakini R.Nuriyev saxlanılıb.
Faktla bağlı araşdırma aparılır.
Natiq Allahverdiyev
Ölkə.Az