Bakıda qumbara və partladıcı tapılıb

Bakıda qumbara və partladıcı tapılıb
20:58
06.12.2018
3443
Hadisə
A
Bakıda qumbara, partladıcı və civə tapılıb.

Bu barədə "Ölkə.Az"a Ərazilərin Minalardan Təmizlənməsi üzrə Milli Agentlikdən (ANAMA) məlumat verilib.

Belə ki, dekabrın 6-ıs saat 13:08-də Daxili İşlər Nazirliyinin ″102″ Xidməti-Zəng mərkəzi sistemindən və saat 13:32-də Fövqəladə Hallar Nazirliyinin Böhran Vəziyyətlərində İdarəetmə mərkəzindən Agentliyə Bakı şəhəri, Binəqədi rayonu, Atatürk prospekti 70 ünvanında partlamamış hərbi sursatın tapılması barədə məlumatlar daxil olub.

Agentliyin xüsusi mobil çevik əməliyyat qrupu, Bakı şəhəri, Binəqədi rayon Polis idarəsinin və Fövqəladə Hallar Nazirliyinin Mülki Müdafiə Qərərgahı Radiokimya laboratoriyasının əməkdaşları dərhal həmin əraziyə göndərilib.

Agentliyin mütəxəssisləri, Daxili İşlər Nazirliyinin Bakı şəhəri, Binəqədi rayon Polis idarəsinin və Fövqəladə Hallar Nazirliyinin Mülki Müdafiə Qərərgahı Radiokimya laboratoriyasının əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd F-1 əl qumbarası və şüşə qabda 1 kq civə maddəsi aşkar olunub.

Aşkar olunan obyektlərin ətrafında 500 kv.m əraziyə yerüstü və 9 kv.m əraziyə yeraltı baxış keçirilib, əlavə olaraq 1 ədəd UZRQM partladıcısı Agentliyin mütəxəssiləri tərəfindən aşkar olunmuşdur.

Şüşə qabda aşkar olunmuş 1 kq civə maddəsi Daxili İşlər Nazirliyinin Bakı şəhəri, Binəqədi rayon Polis idarəsinin əməkdaşlarına aidiyyatı üzrə təhvil verilib, 1 ədəd F-1 əl qumbarası və 1 ədəd UZRQM partladıcısı isə Agentliyin mütəxəssiləri tərəfindən götürülərək, məhv edilməsi üçün Agentliyin mərkəzi məhvetmə ərazisinə daşınıb.

Əraziyə təkrar baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

Xəzərdə gəmidən dənizə düşən fəhlənin ölümü ilə bağlı cinayət işi başlanıb

Xəzərdə gəmidən dənizə düşən fəhlənin ölümü ilə bağlı cinayət işi başlanıb
21:10
Bu gün
365
Hadisə
A
Xəzərdə gəmidən dənizə düşən fəhlənin ölümü ilə bağlı cinayət işi başlanıb.

"Ölkə.Az" trend-ə istinadən bildirir ki, fevralın 15-də MPK-460” gəmisi “28 May” NQÇİ-nin 19 saylı dərin dəniz özülündən yük qəbul edərkən 4-cü dərəcəli takelajçısı Hüseynov Ağazaman Əlqardaş oğlu gəminin yırğalanması nəticəsində müvazinətini itirərək dənizə düşüb.

SOCAR-dan Trend-ə verilən məlumata görə, suya atılan xilasetmə dairələrini tuta bilməyən A.Hüseynov “Nefteqaz-62” gəmisindən suya endirilmiş qayıq vasitəsilə sudan çıxarılıb.

Gəmidə olan heyət tərəfindən A.Hüseynova ilkin tibbi yardım göstərilməsinə baxmayaraq, onun öldüyü məlum olub.

Faktla bağlı Pirallahı rayon Prokurorluğunda Cinayət Məcəlləsinin 162.2-ci (Əmək mühafizəsi qaydalarını pozma, ehtiyatsızlıqdan insan ölümünə səbəb olduqda) maddəsilə cinayət işi başlanıb.

Ölkə.Az

ŞƏRH YAZ
0

Abşeronda avtomobillərdən oğurluq edən şəxs tutulub — FOTO

Abşeronda avtomobillərdən oğurluq edən şəxs tutulub
20:14
Bu gün
512
Hadisə
A
Abşeron rayonu ərazisində avtomobilləri yaran şəxs tutulub.

"Ölkə.Az" report-a istinadən bildirir ki, Abşeron Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Qobu-Hökməli ərazilərində 10-a yaxın avtomobilin yan şüşəsini qıraraq oğurluq edən Ruhəddin Novruzov saxlanılıb.

O, ilkin ifadəsi zamanı müxtəlif vaxtlarda vətəndaşalara məxsus maşınları yardığını, ikisindən isə pul götürərək, oğurluq etdiyini boynuna alıb.

Faktla bağlı Abşeron Rayon Polis İdarəsində cinayət işi açılıb, araşdırmalar davam etdirilir.

Ölkə.Az

ŞƏRH YAZ
0
BAĞLA