Bakıda şagirdi tənbeh edən müəllim cəzalandırıldı

Bakıda şagirdi tənbeh edən müəllim cəzalandırıldı
17:07
16.10.2017
85
Ölkə
A
Bakı şəhəri üzrə Təhsil İdarəsi (BŞTİ) 195 nömrəli tam orta məktəbdə şagirdin müəllim tərəfindən döyülməsi barədə yayılan məlumata münasibət bildirib.

BŞTİ-nin mətbuat xidmətindən "Ölkə.Az"a verilən xəbərə görə, Qaradağ rayonu, 195 nömrəli tam orta məktəbdən daxil olan məlumatda qeyd olunub ki, həmin məktəbin idman müəllimi Famil Əbilov IX sinif şagirdi Cavid Nuriyevə fiziki tərbiyə dərslərində dəfələrlə iştirak etmədiyi üçün irad bildirib və digər idman müəllimlərinin yanında onu tənbeh edib. Müəllimin məqsədi şagirdə intizam qaydalarına riayət etməməsini bildirməkdən və onu tədrisə cəlb etməkdən ibarət olub.

Qeyd olunub ki, Famil Əbilov 35 ildir 195 nömrəli tam orta məktəbdə müəllim işləyir. İşlədiyi dövrdə heç bir intizam tənbehi almayıb və kollektiv üzvlərinin hörmətini qazanıb. Bu məsələ ilə əlaqədar məktəb rəhbərliyi tərəfindən F.Əbilov barəsində intizam tənbehi görülüb.

Xatırladaq ki, Bakı şəhər sakini Elnarə Nuriyeva Qaradağ rayon Polis İdarəsinə ərizə ilə müraciət edərək, övladı, Ələt qəsəbəsində yerləşən 195 saylı orta məktəbin şagirdi, 12 yaşlı Cavid Nuruyevin həmin məktəbin Famil adlı idman müəllimi tərəfindən döyüldüyünü bildirib.

ŞƏRH YAZ
0

Uşaqlara siqaret satılır — VİDEO

Uşaqlara siqaret satılır
20:44
17.12.2017
2792
Ölkə
A
Paytaxtda azyaşlılara siqater satılır.

Ölkə.Az xezerxebere-ə istinadən xəbər verir ki, bu yöndə görüntülər Bakının Xətai rayonunda lentə alınıb. Belə ki, videonu kənardan prosesi izləyən vətəndaşlar çəkərək, telekanalın "whatsapp" nömrəsinə göndəriblər.

Məsələ ilə bağlı köşkün satıcısının rəyi isə diqqət çəkib. O, videodakı köşkün onlara aid olmadığını və siqareti 18 yaşından yuxarı şəxslərə satdıqlarını iddia edib.  

Qeyd edək ki, İnzibati Xətalar Məcəlləsinə görə, yetkinlik yaşına çatmayan uşaqlara tütün məmulatlarının satılması qadağandır. Qayadalara əməl etmətyənləri  100 manat cərimə gözləyir.

 

ŞƏRH YAZ
0

Dövlət qulluğuna qəbul üçün keçirilən test imtahanının nəticələri açıqlandı

Dövlət qulluğuna qəbul üçün keçirilən test imtahanının nəticələri açıqlandı
18:18
17.12.2017
2432
Ölkə
A
Dövlət qulluğunda inzibati vəzifələrin B növünə (inzibati icraçı vəzifələr) aid olan vəzifə qrupları üzrə dövlət qulluğuna qəbul üçün keçirilən test imtahanının nəticələri elan olunub.

Ölkə.Az Report-a istinadən xəbər verir ki, Dövlət İmtahan Mərkəzi (DİM) tərəfindən 17 dekabr 2017-ci il tarixində dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul üçün test imtahanı keçirilib.

İmtahanda iştirak etmək üçün qeydiyyatdan keçmiş 3040 namizəddən 39 nəfəri imtahana gəlməyib.

İmtahan nəticələri saat 17:50-dən etibarən DİM-in saytında yerləşdirilib.

Nəticələrinə əsasən:

BA1 altqrupu üzrə – 11 nəfər;

BA2 altqrupu üzrə – 34 nəfər;

BA3 altqrupu üzrə – 46 nəfər;

BA4 altqrupu üzrə – 71 nəfər;

BB1 altqrupu üzrə – 168 nəfər;

BB2 altqrupu üzrə – 154 nəfər;

BB3 altqrupu üzrə – 238;

BB4 altqrupu üzrə – 268 olmaqla,

ümumilikdə 990 namizəd tələb olunan müsabiqə şərtlərini ödəyərək uğur qazanmışdır.

Məlum olduğu kimi, BA vəzifə qrupu üzrə imtahanda təqdim olunan 100 test tapşırığından 20-si açıq tiplidir. Namizədlərin fənlər üzrə açıq tipli test tapşırıqlarını düzgün cavablandırma faizi aşağıdakı kimidir:

Azərbaycan dili – 40 %; Qanunvericilik – 23 %; İnformatika – 34 %; Məntiq – 49 %.

Qeyd edək ki, test imtahanından müvəffəqiyyətlə keçən namizədə altqruplara daxil olan vəzifələrə uyğun olaraq sertifikat veriləcək. Sertifikatın qüvvədə olma müddəti 5 ildir.

Test imtahanından müvəffəqiyyətlə keçən namizəd sertifikatı əldə etmək üçün dekabrın 18-dən dekabrın 29-dək DİM-in portalında müraciət formasını doldurmalıdır. Namizədin təqdim etdiyi məlumatların düzgünlüyünün yoxlanılması məqsədi ilə aşağıdakı sənədlərin skan edilmiş surətləri formaya əlavə edilir:

- ali təhsil haqqında sənədin surəti;

- əmək kitabçasının surəti (olduğu halda).

Müraciət formasına daxil edilmiş məlumatların və əlavə edilmiş sənədlərin düzgünlüyünün dövlət elektron informasiya vasitələri ilə yoxlanılması mümkün olmadığı halda, namizəd həmin sənədin (sənədlərin) müəyyən edilmiş qaydada təsdiq olunmuş surətlərini və ya eyniləşdirmə məqsədi ilə həmin sənədlərin əslini 5 (beş) iş günü müddətində DİM-ə təqdim etməlidir.

İnzibati vəzifələrin müvafiq altqrupu üzrə Sertifikata malik olan şəxs Sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun olan vəzifə üzrə keçirilən müsahibələrdə iştirak edə bilər. Elan edilmiş müsahibədə iştirak üçün müraciət edən namizəd qanunvericiliklə müəyyən edilmiş vakant vəzifələrin tutulmasının ümumi şərtlərinin tələblərinə cavab verməlidir. Ümumi şərtlərin tələblərinə cavab verməyən namizəd müsahibədə iştirak edə bilməz.

İmtahan nəticələri ilə bağlı Apelyasiya Komissiyası 18‑19 dekabr tarixlərində saat 10:00-dan 17:00-dək Dövlət İmtahan Mərkəzində fəaliyyət göstərəcəkdir. Ünvan: Bakı şəhəri, Nəsimi rayonu, A. Salamzadə, 28 (Bakı Asiya Universitetinin binası).

ŞƏRH YAZ
0
BAĞLA