Bakıda sahibsiz itlər birkalanacaq

Bakıda sahibsiz itlər birkalanacaq
21:37
20.10.2017
574
Ölkə
A
Bakı Şəhər İcra Hakimiyyətinin Sahibsiz Heyvanlara Qarşı Mübarizə İdarəsi tərəfindən sahibsiz itlərin birkalanmasına (nömrələnməsinə) başlanacaq.

“Ölkə.Az” xəbər verir ki, idarənin rəisi Mübariz Hüseynov APA-ya açıqlamasında bildirib ki, bu işlər gələn həftədən etibarən həyata keçiriləcək.

Onun sözlərinə görə, ilkin olaraq gündə 10-15, ayda isə 100-150 it birkalanacaq: 

“Birkaların üzərində rəqəmlər olacaq, bununla da bilinəcək ki, itlər idarə tərəfindən götürülüb, peyvənd olunub, quduzluğa qarşı vaksinasiya edilib, axtalanıb, rəqəmlənərək təbiətə buraxılıb. Bu vaxta kimi idarə tərəfindən sahibsiz heyvanların, itlərin birkalanması həyata keçirilməyib, sadəcə, itlər yerlərdən götürülərək quduzluğa və təhlükəli xəstəliklərə qarşı sterilizasiya edildikdən sonra yenidən təbiətə buraxılırdı. Bu da həmin itlərin növbəti dəfə təkrarən götürülməsinə ehtiyac yaradırdı. Lakin itlər birkalandıqdan sonra rəqəmlənəcək və onların təkrar götürülməsinə ehtiyac qalmayacaq. Bu gün Balaxanıdakı sığınacaqda artıq 600-700 it var”.

M.Hüseynov qeyd edib ki, gün ərzində təxminən 15-20, bəzi hallarda 30-a qədər it ərazilərdən götürülür. Onun sözlərinə görə, sahibsiz itlərlə bağlı daha çox müraciətlər şəhərətrafı qəsəbələrdən, Səbail, Binəqədi rayonlarından və bağ massivlərindən olur.

İdarə rəisi vurğulayıb ki, sahibsiz heyvanların müxtəlif ərazilərdən götürülməsi yalnız vətəndaşların yazılı və 24 saat ərzində fəaliyyət göstərən 565-09-26/27 nömrəli telefona şifahi müraciəti əsasında həyata keçirilir: 

“Hazırda idarənin 3 xüsusi təyinatlı maşını var və onlar gün ərzində şəhərdə olaraq vəziyyətə nəzarət edir. İlin sonuna kimi Bakı şəhərində bütün sahibsiz itlərin zərərsizləşdirilməsi nəzərdə tutulur. Bu gün insanlarda itlərə qarşı müəyyən xof var. Lakin onlar bilməlidir ki, şəhərdə olan itlərin əksəriyyətinə quduzluğa qarşı vaksin vurulub, zərərsizləşdirilib”.

İdarə rəisi əlavə edib ki, sahibsiz heyvanlara qarşı mübarizədə onlara İDEA İctimai Birliyi tərəfindən yaxından köməklik edir. Onun sözlərinə görə, ay ərzində idarə tərəfindən müxtəlif ərazilərdən götürülən itlər İDEA İctimai Birliyinin Sahibsiz Heyvanlar üçün Xilasetmə və Sığınacaq Mərkəzinə verilir.

Ölkə.Az

ŞƏRH YAZ
0

Sürücü avtobusla 20 yaşlı qızı öldürdü — RƏSMİ

Sürücü avtobusla 20 yaşlı qızı öldürdü
11:45
Bu gün
772
Ölkə
A
Oktyabrın 19-da saat 11:30 radələrində paytaxtın Sabunçu rayonu ərazisində Zaur Quliyevin 131 saylı marşrut xətti üzrə idarə etdiyi “General Avtocompany” MMC-yə məxsus “Daewoo BS 090” markalı 90-TH-257 dövlət qeydiyyat nişanlı avtobusu yolun sağ tərəfində saxlayıb sərnişin düşürdükdən sonra avtobusu arxaya doğru hərəkət etdirərkən piyada keçidində yolu keçmək istəyən 1998-ci il təvəllüdlü Aysel Məmmədovanı vurub üzərindən keçərək ölümünə səbəb olmasına şübhələr üçün əsaslar müəyyən edilib.

"Ölkə.Az" xəbər verir ki, Bakı şəhər Baş Polis İdarəsinin və şəhər prokurorluğunun birgə məlumatına görə, fakta görə Sabunçu rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin ölümünə səbəb olduqda) maddəsi ilə cinayət işi başlanaraq zəruri ekspertizalar təyin edilmiş, şahidlər dindirilib.

Z.Quliyev iş üzrə təqsirləndirilən şəxs qismində cəlb olunaraq ona Cinayət Məcəlləsinin qeyd edilən maddəsi ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.

İstintaq zamanı avtobusun sürücüsünün narkotik vasitələrdən istifadə etməsi müəyyən edildiyindən sürücünün sərnişindaşıma ilə məşğul olmasına şərait yaratmış “General Avtocompany” MMC-nin vəzifəli şəxsləri barəsində Bakı şəhər prokurorluğunun İstintaq İdarəsində araşdırmalara başlanılıb.

Hazırda cinayət işi üzrə zəruri istintaq tədbirləri davam etdirilir.

Ölkə.Az

ŞƏRH YAZ
0

Nəcməddin Sadıkov İsraildə səfərdədir

Nəcməddin Sadıkov İsraildə səfərdədir
11:37
Bu gün
422
Ölkə
A
Azərbaycan müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov israilli həmkarı general-leytenant Qadi Ayzenkotun dəvəti ilə oktyabrın 23-də Tel-Əviv şəhərinə yola düşüb.

Bu barədə "Ölkə.Az"a Müdafiə Nazirliyinin mətbuat xidmətindən məlumat verilib.

Rəsmi səfər çərçivəsində general-polkovnik N.Sadıkovun İsrailin müdafiə naziri, Baş Qərargah rəisi və digər rəsmi şəxslərlə görüşü, müdafiə sənayesi sahəsində fəaliyyət göstərən müəssisələri ziyarət etməsi nəzərdə tutulub.

Ölkə.Az

ŞƏRH YAZ
0
BAĞLA