Bakıda satışda olan ən qənaətcil avtomobillər — SİYAHI

Bakıda satışda olan ən qənaətcil avtomobillər
21:57
16.07.2017
187
Ölkə
A
“Aİ-92” markalı avtomobil benzininin pərakəndə satış qiymətinin 70 qəpik/litrdən 90 qəpik/litrə qaldırılması avtomobil sahiblərinin kefini pozdu.

İndi yanacaq çəni 60 litr olan avtomobilin çənini doldurmağın xərci 12 manat artaraq 42 manatdan 54 manata yüksəlib.

Ölkə.Az Seyyah.az-a istinadən xəbər verir ki, benzinin qiymətinin artması qənaətcil avtomobillərə az da olsa təlabatı artıra bilər. 

100 klometrə 6 litrədək benzin sərf edən avtomobil almaqla qiymətlərin qalxmasının yaratdığı xərci azaltmaq olar.  

Azərbaycanda üstünlük verilməsə də, adətən qənaətcil avtomobillər mühərriklərinin həcminin kiçik və qiymətlərinin münasib olması ilə seçilirlər. 

Bakıda taksi xidməti göstərən bir sıra şirkətin qiymət rəqabətində önə çıxmaq üçün qənaətcil avtomobillərdən istifadəyə keçəcəyi gözləniləndir.

Hökumət dizel yanacağının pərakəndə satış qiymətini dəyişməyərək 60 qəpikdə saxlayıb. Dizelin “Aİ-92”dən 30 qəpik ucuz olması dizel ilə işləyən avtomobillərə də marağı artıracağı gözlənilir.

Yanacaq sərfiyyatı avtomobil sahibləri üçün vacib məsələlərdən birinə çevirilir. Son illərdə avtomobil şirkətləri texnologiyanın yeniliklərini tətbiq edərək avtomobillərin yanacaq sərfiyyatını aşağı salırlar. Bir tərəfdən mühərrik həcmləri kiçilir, digər tərəfdən yanacaq sərfiyyatı da azalır. Üstəlik, avtomobillərin performansı əvvəlkinə nisbətən daha da artır. Bəs ən az benzin yandıran avtomobillər hansılardır? Qeyd edək ki, sıralama ortalama yanacaq sərfiyyatına əsasən hazırlanıb.
 
1) Fiat 500S 0.9 Twinair 85 HP – 100 km-də: 3.8 lt
 
2) Smart Fortwo 1.0 71BG -100 km-də: 4.1 lt
 
3) Peugeot 208 1.2 L PureTech 82HP S&S ETG5 -100 km-də:  4.2 lt
 
4) Citroen C4 CACTUS 1.2 PureTech 82 HP ETG5 S&S - 100 km-də:  4.3 lt
 
5) Seat Leon 1.0 lt EcoTSI 115 hp DSG S&S Ecomotive - 100 km-də:  4.4 lt
 
6) Seat İbiza 1.0 Eco TSI 110HP DSG Start/Stop - 100 km-də:  4.4 lt
 
7) Audi A3 Sedan Dynamic 1.0 TFSI S tronic 116PS -100 km-də: 4.5-4.6 lt
 
8) Mini Cooper 1.5 136PS -100 km-də: 4.5-4.6 lt
 
9) Citroen C3 1.2 PureTech 82 HP BVM5 Mexanika - 100 km-də:  4.7 lt
 
10) Citroen DS3 1.2 PureTech 110 HP S&S EAT6 - 100 km-də:  4.7 lt
 
11) Hyundai i10 1.0 D-CVVT 5 pilləli Mexaniki  66PS - 100 km-də: 4.7 lt
 
12) Skoda Fabia 1.2 TSI 90PS - 100 km-də: 4.7 lt
 
13) Volkwagen Polo 1.2 TSI BMT 90PS Mexanika - 100 km-də:  4.7 lt
 
14) Volkvagen Golf 1.0 TSI BMT 110PS  DSG  - 100 km-də: 4.7-4.8 lt

15) Seat Toledo 1.4 lt TSI 125HP DSG Start/Stop - 100 km-də: 4.8 lt
 
16) Honda Jazz 1.3 Premium 102PS - 100 km-də: 4.8 lt
 
17) Kia Rio Hatcback 1.25L CVVT  (5 pilləli mexanika)  84PS - 100 km-də: 4.8 lt
 
18) Citroen C-Elysee 1.2 PureTech 82 HP Mexanika - 100 km-də: 4.9 lt
 
19) Ford Fiesta 1.0L 100PS PowerShift Euro VI - 100 km-də:  4.9 lt
 
20) Peugeot 301 1.2 lt PureTech 82 hp - 100 km-də: 4.9 lt
 
21) Volkswagen Passat 1.4 TSI ACT BMT 150PS Mexanika - 100 km-də: 4.8-5 lt

22) Volkswagen Jetta 1.2 TSI BMT 105PS DSG- 100 km-də: 4.9-5 lt
 
23) BMW 318i Sedan 136BG - 100 km-də: 5 lt
 
24) Mazda 3 Sedan SKYACTIV-G 1.5L Benzin  6 pilləli mexanika 120PS- 100 km-də: 5 lt
 
25) Citroen C4 1.2 Puretech 130 HP S&S EAT6 Avtomatik  100 km-də: 4,9-5,1 lt
 
26) Dacia Sandero 0.9 Turbo 90BG - 100 km-də: 5,1 lt
 
27) BMW 118i 136BG - 100 km-də: 5,1 lt

28) Alfa Romeo Giulietta 1.4 TB Multiair 170 HP TCT (Benzin avtomatik) - 100 km-də: 5,1 lt
 
29) BMW 218i Coupé 136BG - 100 km-də: 5,1 lt
 
30) Renault Clio 1.2 Turbo EDC 120 bg 6 pilləli Avtomatik -100 km-də: 5,2 lt
 
Qeyd edək ki, digər marakaların da az yanacaq sərf edən modelləri mövcuddur.

ŞƏRH YAZ
0

Azərbaycanın ali məktəblərində gürcü dili mərkəzi yaradıla bilər

Azərbaycanın ali məktəblərində gürcü dili mərkəzi yaradıla bilər
22:00
Bu gün
82
Ölkə
A
Azərbaycanın ali məktəblərində gürcü dili mərkəzinin yaradılması imkanları nəzərdən keçiriləcək.

"Ölkə.Az"ın APA-ya istinadən məlumatına əsasən, bu barədə Gürcüstanın təhsil və elm naziri Mixeil Çxenkeli və Azərbaycanın ali məktəblərinin rektorları arasında Bakıda keçirilmiş görüşdə müzakirə aparılıb.

Görüşdə Gürcüstan və Azərbaycan universitetləri arasında işçi qrupun yaradılmasına dair razılıq əldə olunub. İşçi qrup iki ölkə arasında təhsil sahəsində əməkdaşlığın dərinləşdirilməsi istiqamətində fəaliyyət göstərəcək. Qrupa Gürcüstan tərəfindən Qafqaz Universitetinin prezidenti Kaxa Şengeliya başçılıq edəcək.

İşçi qrupunun ilk görüşünün yaxın vaxtlarda Gürcüstanda keçirilməsi planlaşdırılır.

Qeyd edək ki, bu il Tbilisidə Avropanın bir sıra ali məktəbində gürcüşünaslıq mərkəzlərinin yaradılması barədə memorandumlar imzalanıb.

Ölkə.Az

ŞƏRH YAZ
0

Su anbarının yanından qumbara tapıldı

Su anbarının yanından qumbara tapıldı
19:45
Bu gün
1234
Ölkə
A
Bu gün saat 12:24-də Fövqəladə Hallar Nazirliyinin Böhran Vəziyyətlərində İdarəetmə mərkəzindən və saat 14:09-da Daxili İşlər Nazirliyinin ″102″ Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Qazax rayonunun Xanlıqlar kəndi ərazisində mərminin tapılması barədə məlumatlar daxil olub.

ANAMA-dan "Ölkə.Az"a verilən məlumata görə, Agentliyin xüsusi mobil çevik əməliyyat qrupu həmin əraziyə göndərilib.

Ərazidə Ağstafa su anbarının ətrafına baxış keçirilib, 4 ədəd partlamamış hərbi sursat (1 ədəd 85 mm-lik top mərmisi (OF-365A), 1 ədəd 100 mm-lik top mərmisi (OF-412), 1 ədəd F-1 əl qumbarası və 1 ədəd PQ-15 raketinin gilizi (NBL-60)) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

ŞƏRH YAZ
0
BAĞLA