Bakıda saxlanılan avtoxuliqanların sayı açıqlandı

Bakıda saxlanılan avtoxuliqanların sayı açıqlandı
19:45
19.10.2017
275
Ölkə
A
Bu ilin 9 ayı ərzində Bakıda baş vermiş 450 yol-nəqliyyat hadisəsində 139 nəfər ölüb, 392 nəfər xəsarət alıb.

"Ölkə.Az" APA-ya istinadən xəbər verir ki, bu barədə Bakı şəhər Baş Polis İdarəsində bu gün keçirilən əməliyyat müşavirəsində bildirilib.

Qeyd olunub ki, 2016-cı ilin müvafiq dövrü ilə müqayisədə yol-nəqliyyat hadisələrinin sayı 8,2%, xəsarət alanların sayı isə 23,9% azalsa da, ölənlərin sayı 0,7% artıb.

Yol hərəkətinə nəzarət prosesində 14,4% çox və ya 648.897 (+81.911), o cümlədən sürət rejiminə əməl olunmaması ilə bağlı 396.286 (-54.037,  450.323), ötmə və manevr qaydalarının pozulması ilə əlaqədar 19.498 (+13.248, 6.250), nəqliyyat vasitəsinin sərxoş vəziyyətdə idarə olunması ilə bağlı 1.986 (-1.295, 3.281) inzibati xəta aşkar edilib.

Nəticədə həm ümumi qayda pozuntularının aşkarlanması (0,6), həm də kobud qayda pozuntularının aşkarlanması (0,3) artıb, habelə 70 (49) avtoxuliqan barəsində qanunauyğun tədbirlərin görülməsi təmin edilib.

Müşavirədə həmçinin qeyd olunub ki, bütövlükdə inzibati xətaların profilaktikası, onları törətmiş şəxslərin məsuliyyətə cəlb olunması sahəsində fəaliyyət gücləndirilib. Polis sahə rəisləri və inspektorları tərəfindən 48.795 (+1.072, 47.723) protokol tərtib olunub, əlaqələrində olan 966 inanılmış şəxsdən 6.612 məlumat alınıb, 933 (+268, 665) münaqişəli ailə profilaktiki uçota götürülüb.

ŞƏRH YAZ
0

Rezidenturada həkim hazırlığı aparan təhsil müəssisələrinin siyahısı təsdiqləndi

Rezidenturada həkim hazırlığı aparan təhsil müəssisələrinin siyahısı təsdiqləndi
16:48
Bu gün
57
Ölkə
A
Rezidenturada həkim – mütəxəssislərin hazırlığını aparan təhsil müəssisələrinin siyahısı təsdiqlənib.

"Ölkə.Az"ın xəbərinə görə, bununla bağlı, Səhiyyə Nazirliyində əmr imzalanıb.

Əmrə əsasən, rezidenturada həkim – mütəxəssislərin hazırlığını aparan təhsil müəssisələrinin siyahısına Azərbaycan Tibb Universiteti (ATU), Ə. Əliyev adına Azərbaycan Dövlət Həkimləri Təkmilləşdirmə İnstitutu və Naxçıvan Dövlət Universiteti daxil edilib.

Əmrlə hazırda həkim – mütəxəssislərin hazırlığını aparan klinik bazalara rezidentura təhsili üzrə metodik rəhbərlik cari tədris ilindən başlayaraq ATU-nun rezidentura şöbəsinə həvalə edilib.

Eyni zamanda, ATU, Dövlət Həkimləri Təkmilləşdirmə İnstitutu və Naxçıvan Dövlət Universitetinin rəhbərlərinə Səhiyyə Nazirliyi ilə razılaşdırılmaqla həkim – mütəxəssislərin təhsil proqramlarına uyğun hazırlığının aparılması üçün müvafiq kadr potensialına və maddi – texniki bazaya malik olan səhiyyə və elm müəssisələri ilə müqavilə bağlamaq səlahiyyəti də verilib.

ŞƏRH YAZ
0

Şamaxıda bələdiyyə sədri 4000 manat cərimələndi

Şamaxıda bələdiyyə sədri 4000 manat cərimələndi
16:21
Bu gün
228
Ölkə
A
Ekologiya və Təbii Sərvətlər Nazirliyinin “Qaynar xətt”inə Şamaxı rayon sakini Aygün Məmmədova tərəfindən Şamaxı rayonu Şəhriyar qəsəbəsində məişət tullantılarının pərakəndə şəkildə atılması ilə bağlı daxil olan şikayət Nazirliyin əməkdaşları və şikayətçinin iştirakı ilə yerində araşdırılıb.

ETSN-dən "Ölkə.Az"a verilən xəbərə görə, sözügedən əraziyə keçirilən baxış zamanı sakinlər tərəfindən məişət tullantılarının qeyri-mütəşəkkil atılaraq qalaqlandığı, əraziyə zibil yeşiklərinin qoyulmadığı  və tullantıların qanunvericiliyə uyğun idarə olunmadığı  müəyyən edilib.

Araşdırma zamanı məişət tullantılarının əraziyə qəsəbə sakinləri Tamara Manafova, Rahib Həsəni və Nazim Zarcan tərəfindən atılaraq qalaqlandığı  və Şəhriyar qəsəbə bələdiyyəsi tərəfindən qanunvericiliyə uyğun qaydada idarə olunmadığı aşkar olunub.

Faktla bağlı qanun pozucuları barəsində protokollar tərtib olunub.  İnzibati xəta törətdiyinə görə Şəhriyar qəsəbə bələdiyyəsinin sədri Musa Musayev vəzifəli şəxs qismində 4000, qəsəbə sakinləri T.Manafova, R.Həsəni və N.Zarcan isə fiziki şəxs qismində hər biri 700 manat məbləğində cərimə edilib. Yol verilmiş qanun pozuntusunun aradan qaldırılması, ərazinin məişət tullantılarından təmizlənməsi və qəsəbədə tullantıların qanunvericiliyə uyğun qaydada idarə olunması üçün Şəhriyar qəsəbə bələdiyyəsinə icrası məcburi olan müddətli məcburi göstəriş verilib.              

ŞƏRH YAZ
0
BAĞLA