Bakıda saxlanılan transseksuallarda QİÇS və SİFİLİS tapıldı

Bakıda saxlanılan transseksuallarda QİÇS və SİFİLİS tapıldı
15:43
25.09.2017
378
Hadisə
A
Azərbaycanda saxlanılan transseksual şəxslərdən bir neçəsində QİÇS virusu aşkarlanıb.

Son günlər sosial şəbəkələrdə Bakıda LGBT üzvlərinin kütləvi şəkildə saxlanıldığı və inzibati qaydada həbs edildiyi barədə məlumatlar yayılır. Yayılan xəbərlərdə bildirilir ki, son bir neçə gündə paytaxtda 100-dən çox homoseksual saxlanılıb. Bildirilir ki, saxlanılan cinsi azlıq nümayəndələri məcburi qaydada tibbi müayinədən keçirilir və onların QİÇS xəstəsi olub-olmadığı dəqiqləşdirilir.

"Ölkə.Az" xəbər verir ki, lent.az yayılan məlumatlarla bağlı Daxili İşlər Nazirliyinə sorğu verib. Nazirliyin mətbuat xidmətinin rəisi Ehsan Zahidov bildirib ki, son günlər Bakıda LGBT üzvlərinin saxlanıldığı barədə xəbərlər doğrudur, lakin bu hal kütləvi xarakter daşımır: "Vətəndaşların polisə daxil olan şikayətləri əsasında,  Bakı şəhərində, əsasən, gecələr “fəaliyyət” göstərən cinsi azlıqlara qarşı əməliyyat keçirilib. Hər hansı xüsusi bir səbəb olmayıb. Vətəndaşlar şikayət edib, polis də şikayətə əsasən əməliyyat keçirib”.

Nazirlik sözçüsü bildirib ki, saxlanılan və tibbi müayinədən keçirilən transseksuallar arasında QİÇS və sifilis xəstəsi olan şəxslər aşkarlanıb.

Rəsmi məlumata görə, saxlanılan şəxslərdən 5 nəfərdə həm QİÇS, həm də sifilis aşkar edilib. Bir nəfərdə isə yalnız sifilis xəstəliyi aşkarlanıb: "Mövcud qanunlara əsasən, biz onların adlarını açıqlaya bilmirik. Polisin bu əməliyyatı bir daha göstərdi ki, bu cür tədbirlər vətəndaşlarımızın tibbi təhlükəsizliyi üçün çox vacibdir. Vətəndaşlarımız bu cür təhlükəli halları müşahidə edəndə mütləq polisə müraciət etsinlər", - deyə E.Zahidov qeyd edib.

ŞƏRH YAZ
0

Lənkəranda avtomobilin vuraraq öldürdüyü qadının 60 yaşı var imiş — Adı açıqlandı + YENİLƏNİB

Lənkəranda avtomobilin vuraraq öldürdüyü qadının 60 yaşı var imiş
23:37
22.07.2018
1131
Hadisə
A
Lənkəranda avtomobilin vuraraq öldürdüyü piyadanın şəxsiyyəti məlum olub.

"Ölkə.Az"ın APA-ya istinadən məlumatına görə, rayonun Şağlaser kəndi sakini Mirsalam Valeh oğlu Hüseynovun  idarə etdiyi "VAZ 2107" markalı avtomobil Masallı rayon sakini, 60 yaşlı Gülqədəm Rüstəm qızı Fətullayevanı vuraraq öldürüb. G. Fətullayevanın meyiti müayinə olunmaq üçün təcili yardım maşını ilə aidiyyəti üzrə təhvil verilib.

Qeyd edək ki, G. Fətullayeva Şağlaser kəndinə bal satmaq üçün gəlirmiş. M. Hüseynovun isə bir neçə gün sonra toyu olacaqmış.

Faktla bağlı araşdırma aparılır.

***
Bu gün Lənkəranda avtomobil qadın piyadanı vurub.

"Ölkə.Az"ın APA-ya istinadən məlumatına görə, hadisə rayonun Şağlaser kəndində baş verib.

"VAZ 2107"in vurduğu piyada hadisə yerində ölüb. Hazırda onun şəxsiyyəti dəqiqləşdirilir.

Faktla bağlı araşdırma aparılır.

Ölkə.Az

ŞƏRH YAZ
0

Goranboyda minik və yük avtomobilləri toqquşdu — Yaralananlar var

Goranboyda minik və yük avtomobilləri toqquşdu
22:36
22.07.2018
645
Hadisə
A
Goranboy rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az"ın "Report"a istinadən məlumatına görə, hadisə Xan Qərvənd kənd yolunda qeydə alınıb.

Belə ki, "VAZ-2107" markalı avtomobillə "Ford" markalı yük avtomobili toqquşub. Hadisə nəticəsində 3 nəfər yaralanıb. Yaralılar xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA