Bakıda saxta polkovnik tutuldu — FOTOLAR

Bakıda saxta polkovnik tutuldu
15:09
15.12.2017
10067
Hadisə
A
Dələduzluq yolu ilə insanları aldadan və bununla da zərərçəkənlərin külli miqdarda pulunu mənimsəyən şəxsin tutulması istiqamətində polis əməkdaşları tərəfindən növbəti əməliyyat tədbiri həyata keçirib.

Ölkə.Az" xəbər verir ki, Xətai Rayon Polis İdarəsinə müraciət edən paytaxt sakini Tofiq Qasımov  bildirib ki, avqustun 6-da özünü hüquq-mühafizə orqanlarının polkovnik rütbəli zabiti kimi təqdim edən əvvəldən tanıdığı Rizvan adlı şəxs tərəfindən dələduzluq yolu ilə aldadılaraq 11000 manat pulu mənimsənilib. Şikayətçi ərizəsində həmin şəxsin pulu ondan oğlunu universitetlərdən birinin hüququ fakultəsinə düzəldəcəyi adı ilə aldığını qeyd edib. Həyata keçirilən əməliyyat-axtarış tədbirləri nəticəsində dələduzluq etməkdə şübhəli əvvəllər Cinayət Məcəlləsinin müxtəlif maddələri ilə dəfələrlə məhkum olunan Rizvan Cəfərov saxlanılıb. Saxlanılan zaman onun əynində Ədliyyə Nazirliyinin Penitensiar xidmətin əməkdaşı olmadığı halda həmin orqanın xüsusi geyim forması olub.

Qeyd edilən faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar aparılır.

Polis əməkdaşları dələduzluq etməkdə şübhəli bilinən Rizvan Cəfərovun digər analoji cinayətlərdə iştirak etdiyini də istisna etmir. Onun dələduzluq və ya digər qanunsuz əməllərindən zərərçəkən başqa şəxslər varsa, bu barədə Daxili işlər Nazirliyinin “102” Zəng Mərkəzinə və ya Xətai Rayon Polis İdarəsinə məlumat verə bilərlər.

ŞƏRH YAZ
0

Polis əməkdaşları tərəfindən silah-sursat götürülüb

Polis əməkdaşları tərəfindən silah-sursat götürülüb
12:14
Bu gün
527
Hadisə
A
Daxili işlər orqanları tərəfindən qanunsuz saxlanılan silah-sursatın aşkar edilərək götürülməsi, eyni zamanda könüllü təhvil verilməsi məqsədilə uğurlu əməliyyat-axtarış və profilaktiki tədbirlər davam etdirilir.

"Ölkə.Az" xəbər verir ki, həyata keçirilən əməliyyat-axtarış tədbirləri nəticəsində Neftçala Rayon Polis Şöbəsinin əməkdaşları tərəfindən Kürqarabucaq kəndində yaşayan Absalam Mustafayevin evinə baxış keçirilib və oradan müvafiq sənədləri olmayan “TOZ-8” markalı tüfəng aşkar edilərək götürülüb. 

Sabirabad Rayon Polis Şöbəsinin əməkdaşları Bulaqlı kənd sakini olan 4 nəfərdən ümumilikdə 4 ədəd - 2 “TOZ”, 1 “İJ” və 1 “Simson” markalı  tüfənglər götürüblər.

Bakı Şəhər Baş Polis İdarəsinin Cinayət Axtarışı İdarəsinin əməkdaşları tərəfindən isə  Qobustan qəsəbəsinin ərazisində “Beretta” markalı tapança, 1 patron darağı və 3 ədəd patron tapılıb.  

 

ŞƏRH YAZ
0

Bakıda 20 yaşlı Çelsi itkin düşdü — Valideyinləri onu axtarır

Bakıda 20 yaşlı Çelsi itkin düşdü
12:05
Bu gün
435
Hadisə
A
Hadisə Nizami rayonunda qeydə alınıb.

“Ölkə.Az”-ın məlumatına görə, Naxçıvanski küçəsi ev 18 –də yaşayan 1998-ci təvəllüdlü Baxşıyeva Çelsi Kənan qızı evdən çıxıb və geri qayıtmayıb. 

Faktla bağlı Nizami RPİ-nin 25-ci polis bölməsinə müraciət olunub. 

Digər bir itkin düşmə faktı isə Xətai rayonunda qeydə alınıb. 1993-cü il təvəllüdlü Əliyev İlkin Yaşar oğlunun itkin düşməsi barədə Xətai RPİ-nin 36-cı polis bölməsinə müraciət daxil olub.

Hazırda hər iki şəxsin tapılması istiqamətində əməliyyat-axtarış tədbirlərinə başlanılıb.

ŞƏRH YAZ
0
BAĞLA