Bakıda saxta pul kəsənlər saxlanılıb — FOTO

Bakıda saxta pul kəsənlər saxlanılıb
11:25
14.02.2018
2070
Hadisə
A
Daxili işlər orqanlarının əməkdaşları tərəfindən saxta pulların hazırlanması və dövriyyəyə buraxılmasının qarşısının alınması istiqamətində növbəti uğurlu əməliyyat tədbiri həyata keçirilib.

DİN-in mətbuat xidmətindən "Ölkə.Az"a verilən məlumata görə, Baş Mütəşəkkil Cinayətkarlıqla Mübarizə İdarəsinə Bakı şəhər sakini, əvvəllər məhkum olunmuş Orxan Məmmədovun tanışı Nicat Orucovla birlikdə saxta pul əsginaslarının hazırlanması və satışı ilə məşğul olduğu barədə əməliyyat məlumatı daxil olub. Keçirilən xüsusi təxirəsalınmaz əməliyyat nəticəsində dəstə üzvləri 11700 saxta manatı 2900 manata satmaq istəyən zaman cinayət başında yaxalanıblar. 

Əməliyyat tədbirlərinin davamı olaraq saxlanılan şəxslərin qaldıqları mənzilə də baxış keçirilib. Oradan əlavə olaraq 4900 manatlıq saxta əsginas, saxta pul hazırlamaq üçün istifadə olunan avadanlıqlar və iş üçün əhəmiyyət kəsb edən digər maddi sübutlar aşkar olunaraq götürülüb. İlkin ifadələrində həmin şəxslər saxta əskinasları satmaq, həmçinin paytaxt ərazisində və respublikanın rayonlarında fəaliyyət göstərən ticarət mərkəzlərində, əhalinin sıx olduğu yerlərdə istifadə etmək niyyəti ilə hazırladıqlarını etiraf ediblər. Faktla bağlı Baş İdarənin İstintaq Şöbəsində cinayət işi başlanıb, araşdırmalar davam etdirilir.

ŞƏRH YAZ
1

Şamaxıda dəhşətli avtomobil qəzası — Ölən və yaralanan var

Şamaxıda dəhşətli avtomobil qəzası
12:57
Bu gün
354
Hadisə
A
Şamaxıda 2 minik avtomobili toqquşub.

“Ölkə.Az” xəbər verir ki,ağır yol nəqliyyat hadisəsi rayonun Padarçöl kəndi ərazisində baş verib.Rayon sakini Durasan Əsgərovun idarə etdiyi “Vaz2121”markalı avtomobil Pirbəhli kənd sakini Ulduzxan Səmədovun idarə etdiy eyni markalı avtomobillə toqquşub.

Nəticədə Ulduzxan Səmədovun avtomaşınında olan yoldaşı Solmaz Səmədova aldığı xəsarətlərdən hadisə yerində dünyasını dəyişib.Hər iki sürücü və digər sərnişin Mixək Səmədova isə xəstəxanaya yerləşdiriliblər.Faktla bağlı Şamaxı RPŞ-də araşdırma aparılır.

Natiq Allahverdiyev
Ölkə.Az

ŞƏRH YAZ
0

Avtobus yolu keçən piyadanı vuraraq öldürdü

Avtobus yolu keçən piyadanı vuraraq öldürdü
12:45
Bu gün
431
Hadisə
A
Bakıda avtobus piyadanı vuraraq öldürüb.

"Ölkə.Az" xəbər verir ki, bu barədə Daxili İşlər Nazirliyi məlumat yayıb.

Belə ki, dekabrın 18-də saat 8 radələrində Sabunçu rayonunun Maştağa qəsəbəsi ərazisində Bakı şəhər sakini Əhəd Məmmədov idarə etdiyi “İsuzu” markalı avtobusla yolu keçən paytaxt sakini Valentina Mişinkinanı vurub. Nəticədə xəstəxanaya yerləşdirilmiş piyada orada ölüb.

Sabunçu rayon Polis idarəsi tərəfindən araşdırma aparılır.

Ölkə.Az

ŞƏRH YAZ
0
BAĞLA