Bakıda sərnişin avtobus sürücüsünü təpiklədi
Bakıda sərnişin avtobusunda xoşagəlməz hal yaşanıb.
"Ölkə.Az" xəbər verir ki, hadisə 91 saylı müntəzəm marşrut xətti ilə hərəkət edən avtobusda qeydə alınıb.
Dayanacaqdan kənar avtobusun saxlanılmasını tələb edən sərnişin onun istəyini yerinə yetirməyən sürücüyə hücum edib.
Hadisə zamanı sərnişin sürücüyə bir neçə təpik zərbəsi endirib və onu təhqir edib.
İnsidentin görüntüləri avtobusda yerləşdirilmiş təhlükəsizlik kamerasına düşüb.
Qeyd edək ki, videonu Aznews.az saytı yayıb.
