Bakıda sərnişin avtobusu dərəyə aşdı — Ölən var + YENİLƏNİB

Bakıda sərnişin avtobusu dərəyə aşdı
22:20
10.08.2018
7823
Hadisə
A
Bu gün saat 20:00 radələrində Suraxanı rayonu Yeni Günəşli yaşayış sahəsində 64 nömrəli müntəzəm marşrut xətti üzrə dövlət qeydiyyat nişanı 99 HM 363 olan sərnişin avtobusunun iştiakı ilə qəza baş verib.

"Ölkə.Az" xəbər verir ki, Bakı Nəqliyyat Agentliyindən (BNA) Trend-ə verilən məlumata görə, qəza ilə bağlı məlumat daxil olan kimi BNA-nın əməkdaşları hadisə yerinə gedib. İlkin məlumata görə 64 nömrəli müntəzəm marşrut xətti üzrə sərnişin avtobusu sonuncu dayanacaqda olan zaman dərədən aşıb. Hadisə sonuncu dayanacaqda baş verdiyindən, avtobusda sərnişin olmayıb. Qəza zamanı avtobusun sükanı arxasında olan Rəhimov Tariyel Əli oğlu dünyasını dəyişib.

Məlumat qeyd olunur ki, sosial şəbəkələrdə və bəzi informasiya saytlarında sərnişin dolu avtobusun dərəyə aşması nəticəsində xeyli sayda insanın xəsarət alaraq ölməsi barədə yayılan məlumatlar həqiqəti əks etdirmir. Bildirilir ki, bu cür məlumatlar insanlar arasında çaşqınlıq süni ajiotajın yaranmasına səbəb olur. Bu cür hadisələr zamanı BNA-nın yaydığı rəsmi məlumatlara istinad edilməsi xahiş edilir.

Əvvəllər açıqlandığı kimi, 64 nömrəli müntəzəm marşrut xətti üzrə sərnişindaşıma fəaliyyəti qənaətbəxş hesab edilməyib. Daxil olan vətəndaş müraciətləri əsasında xətt üzrə avtobuslara keçirilən baxış zamanı nəqliyyat vasitələrinin texniki baxımdan yararsız vəziyyətdə olması, eyni zamanda sürücülərin qeyri-peşəkar olması müəyyən edilib. Mövcud vəziyyətlə bağlı dəfələrlə daşıyıcıya yazılı və şifahi xəbərdarlıqlar edilsə də təsirli tədbirlər görülməyib.

***

Günəşlidə avtobus dərəyə aşıb.

"Ölkə.Az" yenicag.az-a istinadən xəbər verir ki, axşam saatlarında 64 nömrəli marşurut avtobusu təzə benzindoldurma məntəqəsi adlanan ərazidə dərəyə aşıb.

Hadisə şahidlərinin bildirdiyinə görə, avtobusun dərəyə aşmasına səbəb əyləc sisteminin işləməməsi olub.

Bakı Nəqliyyat Agentliyinin (BNA) İctimaiyyətlə əlaqələr şöbəsinin sektor müdiri Mais Ağayev açıqlamasında xəbəri təsdiqləyib.

Mais Ağayevin sözlərinə görə, avtobusda sərnişin olmayıb:

"Avtobusda sərnişin olmayıb. Hadisə zamanı ölən və yaralanan yoxdur”.

Ölkə.Az

ŞƏRH YAZ
1

Cəlilabadda bədbəxt hadisə baş verib, ölən və yaralanan var

Cəlilabadda bədbəxt hadisə baş verib, ölən və yaralanan var
00:25
Bu gün
543
Hadisə
A
Cəlilabad rayonunda bədbəxt hadisə nəticəsində bir nəfər ölüb, daha bir nəfər isə ağır yaralanıb.

"Ölkə.Az" hadisə Şıxlar kəndində qeydə alınıb.

İlkin məlumata görə, kənddəki evlərdən birinin həyətinin hasarının söküntüsü zamanı divar uçaraq Komanlı kənd sakinləri - 20 yaşlı Əbilov Ruslan Xosrov oğlu və 30 yaşlı İsmayılov Emin Cəbrayıl oğlunun üzərinə aşıb. Nəticədə E.İsmayılov ölüb, R.Əbilov isə ağır xəsarətlər alıb. R.Əbilovun vəziyyəti kritik olduğu üçün o, paytaxtdakı xəstəxanalardan birinə aparılıb.

Hadisənin dəqiq başvermə səbəbləri hələlik məlum deyil.

Faktla bağlı araşdırma aparılır.

Ölkə.Az

ŞƏRH YAZ
0

Qubada yük maşını aşıb, ölən var — FOTO

Qubada yük maşını aşıb, ölən var
22:04
17.10.2018
860
Hadisə
A
Qubada yük maşını aşıb.

"Ölkə.Az" report-a istinadən bildirir ki, hadisə Təngə meşəsi ərazisində baş verib.

Təngəaltı kəndin sakini Xalid Abidovun idarə etdiyi yük avtomobili ilə dağlıq relyefli meşədə hərəkətdə olarkən odun yükü ilə aşıb. Nəticədə sürücü hadisə yerində ölüb.

Hadisə yerinə Fövqəladə Hallar Nazirliyinin Şimal Regional Mərkəzinin Xüsusi Riskli Xilasetmə Qrupunun canlı qüvvəsi və texnikası cəlb edilib.

Avtomobildə sıxılmış vəziyyətdə qalan sürücü xilasedicilər tərəfindən çıxarılıb və aidiyyəti üzrə təhvil verilib.ini İnstaqram sosial şəbəkəsində paylaşıblar.

Ölkə.Az

ŞƏRH YAZ
0
BAĞLA