Bakıda sərxoş sürücü sükan arxasında yatdı, görün nələr oldu — VİDEO

Bakıda sərxoş sürücü sükan arxasında yatdı, görün nələr oldu
02:33
13.06.2019
4326
Hadisə
A
Bakıda baş verən qəza anı təhlükəsiz şəhər kameralarına düşüb.

"Ölkə.Az" avtosfer.az-a istinadən xəbər verir ki, Neftçilər prospektində ("Kukla teatrı"nın yanı) hərəkətdə olan "Mercedes" markalı avtomobil qəfildən idarəetməni itirir və yolun kənarında park etmiş digər maşına çırpılır. Qəzanın araşdırılması zamanı sürücünün sükan arxasında yuxuladığı məlum olub.

Hadisə gecə saatlarında baş verib. Görünür ki, uzaq yoldan gələn sürücü yorğunluqdan sükan arxasında yatıb. Onun sərxoş olduğu da üzə çıxıb. Videoda sonuncu kadrlara diqqətlə baxın. Sürücü birinci maneədən yayınsa da, ikinci cəhdi uğursuz alınır və qəza baş verir.

Odur ki, daim sürücülərə tövsiyə olunur ki, spirtli içkinin təsiri altında və ya yorğun vəziyyətdə avtomobil idarə etməsinlər. Sükan arxasında yuxu hiss etdikdə mütləq avtomobili kənara çəkib dincəlsinlər. Bu dəfə sürücünün həyatı xilas oldu. Amma daha ağır nəticələr də baş verə bilər.

Ölkə.Az

ŞƏRH YAZ
0

Bakıda tələbələr imtahan cavablarını oğurladı — Nəticələr ləğv olundu

Bakıda tələbələr imtahan cavablarını oğurladı
10:49
Bu gün
1231
Hadisə
A
Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetində (UFAZ)​ bir qrup tələbə imtahan sisteminə qanunsuz müdaxilə edib, riyaziyyat və fizika suallarını sistemdən oğurlayıb.

"Ölkə.Az"ın Qafqazinfo-ya istinadən xəbər verir ki, iyunun 10-da UFAZ-ın Fransadan dəvət olunmuş daimi fransız müəllimləri tərəfindən yekun imtahan nəticələrinin yoxlanılması zamanı müvəffəqiyyət göstəricisi aşağı olan tələbələrin imtahanda yüksək nəticə əldə etdikləri müəyyən olunub.

Eyni zamanda UFAZ idarə heyəti tərəfindən dərhal araşdırma aparılıb və həqiqətən də bir qrup UFAZ tələbəsinin xüsusi kompüter proqramı vasitəsi ilə riyaziyyat və fizika fənlərini tədris edən müəllimlərin tərtib etdiyi yekun imtahan suallarını və onların cavablarını əvvəlcədən əldə etdiyi müəyyən olunub.

Baş vermiş hadisə ilə bağlı 19 iyun 2019-cu il tarixində ADNSU-nun rektoru, professor Mustafa Babanlı və UFAZ-ın koordinatoru Jean-Marc Planeix UFAZ-ın İdarə heyəti ilə birlikdə II kurs bütün ixtisaslar üzrə təhsil alan tələbələrin fizika və riyaziyyat fənləri üzrə keçirilən yekun imtahan nəticələrinin ləğv edilməsi və 27-28 iyun 2019-cu il tarixlərində təkrar imatahanların keçirilməsinə dair qərar qəbul edib.

Qeyd etmək istərdik ki, hadisə ilə bağlı ADNSU–nun Tədris işləri üzrə prorektoru, dosent Qasım Məmmədovun başçılığı ilə işçi qrup yaradılmış və 21 iyun tarixində 2-ci kurs üzrə təhsil alan bütün tələbələr ilə görüş keçirilib. Bu qanunsuz hadisənin günahkarlarının cəzalandırılması üçün araşdırmalar davam edir.

Ölkə.Az

ŞƏRH YAZ
0

Zabratda kişi laqondayla qarnını kəsib — Vəziyyəti ağırdır

Zabratda kişi laqondayla qarnını kəsib
07:30
Bu gün
3155
Hadisə
A
Bakının Sabunçu rayonunun Zabrat qəsəbəsində xəsarətlə nəticələnən hadisə baş verib.

"Ölkə.Az"ın məlumatına görə, 1973-cü il təvəllüdlü Bayramov Bayram evdə laqonda işləyərkən ehtiyatsızlıqdan özünə xəsarət yetirib.

Yaralı ağır vəziyyətdə 3 saylı Şəhər Klinik Xəstəxanasına çatdırılıb. Ona qarın boşluğunun kəsilmiş yarası diaqnozu qoyulub və Reanimasiya şöbəsinə yerləşdirilib. Xəstənin vəziyyəti ağır qiymətləndirilir.

Ölkə.Az

ŞƏRH YAZ
0
BAĞLA