KORONAVİRUSA YOLUXANLARIN SAYI - CANLI STATİSTİKA

BAKIDA ŞOK: 15 yaşlı qız anasına gələn mesajı atasına göstərdi — VİDEO

BAKIDA ŞOK: 15 yaşlı qız anasına gələn mesajı atasına göstərdi
17:08
21.09.2019
17830
Ölkə
A
Ana mesajın ona deyil, qızına gəldiyini, qız isə anasına gəldiyini iddia edib

"Ölkə.Az" xəbər verir ki, ötən gün ATV telekanalında yayımlanan "Bizimləsən" verilişində maraqlı anlar yaşanıb.

Verilişə Ucar rayonundan Əntiqə adlı qadın övladları üçün verilişə müraciət edib. Qadın ərindən boşandığını, lakin keçmiş ərinin uşaqları onun əlindən aldığını bildirib. Verilişə gətirilən qızlar isə analarından imtina ediblər. Böyük qız anasının başqa kişi ilə mesajlaşdığını bildirib. Hətta anasının telefonuna gələn mesajı atasına şəxsən göstərib.

Qadın isə o mesajın qızına gəldiyini söyləyib. Bildirib ki, ev sahibinin oğlu ilə qızının sevgi münasibətləri saxlamasından şübhələnib. Həmin mesajın isə o, oğlandan qızına gəldiyini bildirib və ona böhtan atıldığını idda edib. 15 yaşlı Səidəxanım isə mesajların ona yox, anasına gəldiyini söyləyib.

Bir müddət sonra isə efirə məktəblinin sinf yoldaşı qoşulub. O da Səidəxanımın ev sahibin oğlunu sevdiyini söyləyib.

Ekspertlər ailəni barışdırmaq istəsə də buna nail ola bilməyib. Ana mesajın ona deyil, qızına gəldiyini, qız isə anasına gəldiyini iddia edib.

Verilişdən sözügedən görüntüləri sizə təqdim edirik:

ŞƏRH YAZ
0

Ağcabədidə qonaqlıq təşkil edənlər cərimələndi

Ağcabədidə qonaqlıq təşkil edənlər cərimələndi
20:11
Bu gün
836
Ölkə
A
Ağcabədi Rayon Polis Şöbəsinin əməkdaşları tərəfindən koronavirus pandemiyası ilə mübarizədə əhalinin sağlamlığının qorunması məqsədi ilə elan edilən xüsusi karantin rejiminin pozulması hallarının qarşısının alınması istiqamətində mütəmadi olaraq tədbirlər davam etdirilir.

"Ölkə.Az" bildirir ki, DİN Mətbuat Xidmətinin Bərdə regional qrupundan "Report"a verilən məlumata görə, karantin rejimi ilə bağlı məhdudiyyətlər tətbiq edilməsinə baxmayaraq bəzi şəxslər tərəfindən nizam-intizamın pozulması hallarına rast gəlinməkdədir. Belə ki, rayon ərazisindəki restoranların birində 20 nəfərə yaxın şəxs toplaşaraq qonaqlıq təşkil edib, bununla da xüsusi karantin qaydalarını kobud şəkildə pozublar.

Ağcabədi Rayon Polis Şöbəsinin əməkdaşları tərəfindən məclisdə iştirak edən 12 nəfər inzibati qaydada cərimə edilib. Digər 2 nəfər barəsində isə protokollar tərtib edilərək baxılması üçün Ağcabədi Rayon Məhkəməsinə göndərilib.

ŞƏRH YAZ
0

Portalda icazəsi olanlar xəbərdarlıq edilmədən cərimələnirlər ... — NƏ BAŞ VERİR? - FOTO

Portalda icazəsi olanlar xəbərdarlıq edilmədən cərimələnirlər ...
19:53
Bu gün
1633
Ölkə
A
Məlum olduğu kimi xüsusi karantin rejiminin sərtləşdirilməsi ilə bağlı əlavə tədbirlər barədə Azərbaycan Respublikası Nazirlər Kabinetinin qərarına əsasən 5 iyul tarixindən bütün icazələr silinib.

İcazələrin yenidən bərpası üçün isə hər bir təşkilat işə çıxmalı olan əməkdaşları üçün portala yenidən müraciət etməlidir. Eyni ilə bu qaydaya uyğun olaraq, ötən gündən etibarən icazələrin vaxtı uzadıldı.

Amma bir neçə saatlıq. Belə ki, yenidən icazə alıb, işə çıxan bir çox vətəndaşın icazəsi xəbərdarlıq edilmədən ləğv olunub və bu azmış kimi də insanların əksəriyyəti polislər tərəfindən cərimələnir. Hətta fəaliyyət istiqamətinə icazə verilmiş şəxslər ezamiyyə vərəqi ilə digər rayonlara gediblər. Lakin icazələr sistemdən ləğv edildiyi üçün qayıda bilmirlər. Məsələ ilə bağlı sosial şəbəkələrdə kütləvi şəkildə narazılıqlar da artmaqda davam edir.

 

Digər əsas məsələ, 2 həftəlik sərtləşdirilmiş karantin rejimi vaxtı fəaliyyət istiqamətinə icazə verilmiş sahibkarlara bu dəfə fərqli mesajla “yox” cavabı gəlib. Belə ki, sistem onların fəaliyyətini əvvəlki iki həftədə icazə verilmiş sayıb, indi isə icazə verilmədiyini bildirir. Bununla bağlı sahibkarın “195” çağrı mərkəzinə zəng etməsi təklif edilir. Lakin bu xəttin özündə də operativlik olmadığı üçün heç bir sahibkar düşə bilmir. Lakin İqtisadiyyat.az saytı “Asan Xidmət”in qaynar xətti vasitəsilə məsələ ilə bağlı mövqe öyrənə bilib. Belə ki, qurum vətəndaşların icazəsinin müəyən olmayan qaydada ləğvini təsdiqləyib:

“Bəli, hazırda bütün icazələr portaldan silinib. Bu bütün fəaliyyət kodları üzrə ləğv edilib. Məsələ ilə bağlı növbəti həftənin iş günündə rəsmi məlumat veriləcək. Qaldı ki, vətəndaşların cərimələnməsinə bununla bağlı da biz heç bir söz deyə  bilmərik, sabahı gözləyin.”

 

ŞƏRH YAZ
0
BAĞLA