Bakıda tanınmış restoranın sahibi həbs olunub

Bakıda tanınmış restoranın sahibi həbs olunub
21:12
10.08.2017
3
Hadisə
A
Ekoloji mühitə ziyan vuran vəzifəli şəxsin qanunsuz əməlləri ifşa edilib.

Ölkə.Az-a Baş Prokurorluğun mətbuat xidmətindən verilən məlumata görə, Binəqədi rayonu, Biləcəri qəsəbə sakini tərəfindən "Bulaq" restoranı ərazisində ağacların məhv edilməsi barədə Azərbaycan Respublikasının Ekologiya və Təbii Sərvətlər Nazirliyindən daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində başlanmış cinayət işi üzrə istintaq tədbirləri davam etdirilir.

İstintaq zamanı Binəqədi rayonu, Biləcəri qəsəbəsi, Natəvan küçəsi 19 saylı ünvanda yerləşən "Bulaq" restoranının sahibi Quliyev Eldar Müseyib oğlunun gələcəkdə yenidənqurma işləri aparmaqla iaşə obyektinin gəlirliliyini artırmaq, əlavə köşklər tikmək, mövcud olan sahəni genişləndirmək və bununla da ərazidəki yaşıllıqların qəsdən məhv edilməsi ilə yüksək gəlirliliyə nail olmaq üçün həmin iaşə obyektinə Biləcəri bələdiyyəsi tərəfindən icarəyə verilmiş 9503,3 kv.m torpaq sahəsində mövcud olan 67 ədəd Eldar şamının dibinə məqsədli şəkildə kristallaşdırılmış NaCl duzu tökməklə məhv etməsinə, həmçinin 2 ədəd ağacı kötüyündən kəsərək təbiətə ümumilikdə 57 min 360 manat məbləğində ziyan vurmasına dair şübhələr üçün əsaslar olduğundan ona Cinayət Məcəlləsinin 260.3 (meşələri və digər yaşıllıqları məhv etmə və ya zədələmə  külli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə) maddələri ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.

Hal-hazırda zəruri istintaq-əməliyyat tədbirləri davam etdirilməklə nəticəsindən asılı olaraq əlavə məlumat veriləcək.

ŞƏRH YAZ
0

Yevlaxda ailə münaqişəsi — Kişi özünü yandırdı

Yevlaxda ailə münaqişəsi
09:31
Bu gün
83
Hadisə
A
Yevlax rayonunun mərkəzində kişi ailə münaqişəsi zəminində özünü yandıraraq öldürüb.

"Ölkə.Az" "Report"a istinadən xəbər verir ki, 1983-cü il təvəllüdlü Zeynalov Rubail Nizami oğlu ailə üzvləri ilə mübahisə etdikdən sonra üzərinə benzin tökərək özünü yandırıb.

Çoxsaylı yanıq xəsarətləri alan R.Zeynalov Respublika Yanıq Mərkəzinə yerləşdirilib. Həkimlərin səyinə baxmayaraq onun həyatını xilas etmək mümkün olmayıb.

Faktla bağlı Yevlax Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.

ŞƏRH YAZ
0

Bərdədə su kəməri partladı, şəhər susuz qaldı

Bərdədə su kəməri partladı, şəhər susuz qaldı
09:27
Bu gün
63
Hadisə
A
Bərdə şəhərinin Bakı küçəsində diametri 250 mm olan su borusunun partlaması nəticəsində Bərdə şəhərinin böyük hissəsi susuz qalıb.

"Ölkə.Az" Report-a istindən xəbər verir ki, “Azərsu” ASC-nin Bərdə Rayon Su Kanalı İdarəsindən qəzanın aradan qaldırılması üçün zəruri tədbirlərin görüldüyü bildirilib:

“Su təchizatı, ən yaxşı halda sabah bərpa ediləcək”.

Qəzaya səbəb kimi, su borularının istismar müddətinin başa çatması göstərilir.

ŞƏRH YAZ
0
BAĞLA