KORONAVİRUSA YOLUXANLARIN SAYI - CANLI STATİSTİKA

Bakıda tələbələr imtahan cavablarını oğurladı — Nəticələr ləğv olundu

Bakıda tələbələr imtahan cavablarını oğurladı
10:49
25.06.2019
3335
Hadisə
A
Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetində (UFAZ)​ bir qrup tələbə imtahan sisteminə qanunsuz müdaxilə edib, riyaziyyat və fizika suallarını sistemdən oğurlayıb.

"Ölkə.Az"ın Qafqazinfo-ya istinadən xəbər verir ki, iyunun 10-da UFAZ-ın Fransadan dəvət olunmuş daimi fransız müəllimləri tərəfindən yekun imtahan nəticələrinin yoxlanılması zamanı müvəffəqiyyət göstəricisi aşağı olan tələbələrin imtahanda yüksək nəticə əldə etdikləri müəyyən olunub.

Eyni zamanda UFAZ idarə heyəti tərəfindən dərhal araşdırma aparılıb və həqiqətən də bir qrup UFAZ tələbəsinin xüsusi kompüter proqramı vasitəsi ilə riyaziyyat və fizika fənlərini tədris edən müəllimlərin tərtib etdiyi yekun imtahan suallarını və onların cavablarını əvvəlcədən əldə etdiyi müəyyən olunub.

Baş vermiş hadisə ilə bağlı 19 iyun 2019-cu il tarixində ADNSU-nun rektoru, professor Mustafa Babanlı və UFAZ-ın koordinatoru Jean-Marc Planeix UFAZ-ın İdarə heyəti ilə birlikdə II kurs bütün ixtisaslar üzrə təhsil alan tələbələrin fizika və riyaziyyat fənləri üzrə keçirilən yekun imtahan nəticələrinin ləğv edilməsi və 27-28 iyun 2019-cu il tarixlərində təkrar imatahanların keçirilməsinə dair qərar qəbul edib.

Qeyd etmək istərdik ki, hadisə ilə bağlı ADNSU–nun Tədris işləri üzrə prorektoru, dosent Qasım Məmmədovun başçılığı ilə işçi qrup yaradılmış və 21 iyun tarixində 2-ci kurs üzrə təhsil alan bütün tələbələr ilə görüş keçirilib. Bu qanunsuz hadisənin günahkarlarının cəzalandırılması üçün araşdırmalar davam edir.

Ölkə.Az

ŞƏRH YAZ
0

Kürdəmirdə mal-qara oğurlayan şəxs saxlanıldı

Kürdəmirdə mal-qara oğurlayan şəxs saxlanıldı
04:53
Bu gün
879
Hadisə
A
Kürdəmir rayonunda oğurluq hadisəsi baş verib.

"Ölkə.Az" report-a istinadən xəbər verir ki, Kürdəmir rayon, Qarabucaq kənd sakini Fərzəliyev Məhərrəm Səfiyar oğlu rayon polis şöbəsinə ərizə ilə müraciət edərək otlaq sahəsindən ona məxsus 12 baş iribuynuzlu heyvanın oğurlanması ilə bağlı məlumat verib.

Bununla bağlı Kürdəmir Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində məlum olub ki, həmin oğurluğu törədən şəxs Qəbələ rayonunda qeydiyyatda olan və hazırda Kürdəmir rayonu, Qarabucaq kəndində yaşayan Əhmədli İlkin Vəlimət oğludur.

Keçirilən əməliyyat-axtarış tədbirləri nəticəsində Əhmədli İlkin saxlanılaraq şübhəli şəxs qismində Kürdəmir Rayon Polis Şöbəsinə gətirilib. O, ilkin dindirmə zamanı cinayət əməlini etiraf edib.

Faktla bağlı Kürdəmir Rayon Polis Şöbəsində araşdırmalar davam etdirilir.

ŞƏRH YAZ
0

Tehran metrosunda iki qatar toqquşub

Tehran metrosunda iki qatar toqquşub
03:51
Bu gün
804
Hadisə
A
İranın paytaxtı Tehran şəhərində metroda iki qatar toqquşub.

"Ölkə.Az" trend-ə istinadən xəbər verir ki, toqquşma yerli vaxtka təxminən saat 19:50-də baş verib.

İlkin məlumata əsasən, toqquşma nəticəsində ölən və ya xəsarət alan olmayıb.

Bildirilir ki, xəttdə qatarların hərəkəti günün sonunadək dayandırılıb. Qəzanın səbəbi araşdırılır.

ŞƏRH YAZ
0
BAĞLA