Bakıda temperatur iqlim normasından 1,5 dərəcə yuxarı olub
İyunun 7-si səhərədək olan məlumatına əsasən əksər rayonlarda şimşək çaxıb, yağış yağıb, bəzi yerlərdə intensiv olub.
"Ölkə.Az" Milli Hidrometeorologiya Xidmətinə istinadən xəbər verir ki, düşən yağıntının miqdarı Oğuzda 14 mm, Şamaxı, Kürdəmirdə 13 mm, Hacıqabulda 10 mm, Sabirabad, Kişçayda (Şəki) 9 mm, Cəfərxanda 5 mm, Ağdərə (Ordubad), Lənkəranda 3 mm, Sarıbaş (Qax), Mərəzədə 2 mm, Qəbələ, Göyçay, Xınalıq, Zaqatala, Şahbuz, Salyan, Şahdağda 1 mm olub.
Temperatur Bakıda iqlim normasından 1,5 dərəcə yuxarı olub, havanın maksimal temperaturu Bakıda və Abşeron yarımadasında 25-29, aran rayonlarında 29-32, dağlıq rayonlarda 19-23, Naxçıvan MR-da 25-31 dərəcə isti olub.
