Bakıda terror törədəcəklərini deyən şəxslər yaxalandı — BOMBA HƏYƏCANI

Bakıda terror törədəcəklərini deyən şəxslər yaxalandı
12:06
13.01.2018
2933
Hadisə
A
Ötən gün FHN-nin “112” qaynar xəttinə zəng edərək ingilis dilində “bomba var, terror olacaq” xəbəri verilib.

"Ölkə.Az" xəbər verir ki, dərhal əməliyyat - istintaq tədbirlərinə başlanılıb və fakt öz təsdiqini tapmayıb. 

Həmçinin yalançı zəngin Xətai rayonu ərazisindən edildiyi məlum olub. 

İsti izlərlə keçirilən əməliyyat tədbirləri nəticəsində 2002-ci il təvəllüdlü Mirzə Rəsul Elbrus oğlu və Yaqubov Elmir İsmayıl oğlu saxlanılaraq Xətai RPi-nə təhvil verilib. 

Faktla bağlı  istintaq şöbəsində cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə cinayət işi başlanıb və yetkinlik yaşına çatmayan şəxslər istintaqa cəlb ediliblər.

ŞƏRH YAZ
0

Həbs olunan MTN-çilər 1 milyon manat ödəyəcəklər

Həbs olunan MTN-çilər 1 milyon manat ödəyəcəklər
18:08
Bu gün
728
Hadisə
A
Bu gün Sabunçu Rayon Məhkəməsinin inzibati binasında ləğv olunmuş Milli Təhlükəsizlik Nazirliyinin (MTN) sabiq baş idarə və idarə rəisləri - general Sübahir Qurbanov, general Teymur Quliyev, general Natavan Mirvətova, eləcə də həmin qurumun digər vəzifəli şəxsləri - Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmə iclası başa çatıb.

“Ölkə.Az”ın xəbərinə görə, Bakı Hərbi Məhkəməsinin sədri Həbib Həsənovun sədrliyi ilə qapalı keçirilən prosesdə təqsirləndirilən generalların rütbədən azad edilməsi barədə ölkə Prezidentinə, digər şəxslərin rütbəsi ilə bağlı müvafiq orqanlara təqdimat göndərilməsi barədə qərar elan olunub.

Hökmə əsasən, zərərçəkmişlərin mülki iddiaları qismən təmin edilib. Daşkəsən epizodu isə ittihamdan xaric olunub.

Bundan başqa, təqsirləndirilən şəxslərə qarşı Dövlət Təhlükəsizliyi Xidmətinin (DTX) 1 milyon manatlıq mülki iddiası təmin olunub.

Həmçinin generallar və digərinin üzərinə həbs qoyulmuş mülklərinin bir qismi müsadirə olunub. Bəzi əmlakların üzərindən isə həbs götürülüb.

Xatırladaq ki, məhkəmənin hökmü ilə general Teymur Quliyev 12 il, Füzili Əliyev 14 il, Zaur Məmmədov 10 il 6 ay, Natiq Alıyev 10 il 6 ay, Anar Şirəliyev və Eşqin Əliyevin hər biri 3 il müddətinə azadlıqdan məhrum edilib.

Elşad Əzizov və Fərhad Atayevə 3 il sınaq müddəti təyin edilməklə şərti cəza verilib və məhkəmə zalından azadlığa buraxılıb.

Barəsində həbs qətimkan tədbiri olmayan Natavan Mirvətovaya da barəsində 5 il sınaq müddəti olmaqla şərti cəza verilib.

Qeyd edək ki, MTN-in sabiq baş idarə və idarə rəisləri - Sübahir Qurbanov, Teymur Quliyev, Natavan Mirvətova, eləcə də həmin qurumun digər vəzifəli şəxsləri - Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev və Elşad Əzizov 2015-ci ildə həbs olunublar.

ŞƏRH YAZ
0

Azərbaycanda zəlzələ oldu

Azərbaycanda zəlzələ oldu
17:51
Bu gün
535
Hadisə
A
Azərbaycanda zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən “Ölkə.Az”a verilən məlumata görə, iİlkin məlumatlara əsasən, yerli vaxtla 17:08:06-də Lerik rayonu ərazisində zəlzələ qeydə alınıb. 

Zəlzələ hiss olunmayıb.

Zəlzələnin maqnitudası 3.1, dərinliyi 29 km olub. 

ŞƏRH YAZ
0
BAĞLA