Bakıda turistlər üçün vahid kartlar hazırlanır — YENİLİK

Bakıda turistlər üçün vahid kartlar hazırlanır
09:01
13.09.2017
22
Ölkə
A
Bakıda muzeylərdə, mədəniyyət obyektlərində, ictimai nəqliyyat vasitələrində və turistlər üçün turlar təşkil edən "Baku city bus" avtobuslarında istifadə məqsədilə vahid turist kartları hazırlanır.

"Ölkə.Az" xəbər verir ki, bunu Trend-ə Milli Turizm Təbliğat Bürosunun (MTTB) mətbuat xidmətinin katibi Kənan Quluzadə deyib.

Onun sözlərinə görə, kartın hazırlanmasında məqsəd turistlərin məmnunluğunu təmin etmək, MTTB-nun bu layihədən gəlir əldə etmək istəyidir.

Dünyanın inkişaf etmiş bir çox ölkələrində belə kartların mövcud olduğunu deyən K.Quluzadə qeyd edib ki, turistlər üçün 2 cür – 30 günlük və 1 illik kartın hazırlanması nəzərdə tutulur. 1 illik kartın istifadə müddəti uzadıla da bilər: "Bu kartları əldə edən həm xarici, həm də yerli vətəndaş müəyyən xidmətlərdən pulsuz istifadə edə, müəyyən xidmətlərdən isə güzəştlə istifadə edə biləcək:

"Kartlara muzeylərə giriş, Bakıda ekskursiya keçirən avtobuslardan, nəqliyyat vasitələrindən istifadə daxildir. Bu kart müəyyən mağazalarda endirim imkanı da verə bilər. Hazırda bunlar araşdırılır. Turistlər tərəfindən hansı xidmətlər daha çox alqışlanırsa, onu genişləndirəcəyik, hansı xidmətldən az istifadə edilərsə, onu azaldacağıq".

K.Quluzadə deyib ki, hazırda kartlarla bağlı layihə müvafiq dövlət və biznes strukturları ilə müzakirə edilir: "Ümid edirik ki, bu layihə yaxın vaxtlarda ictimaiyyətə təqdim ediləcək".

Büro rəsmisi əlavə edib ki, turistlər üçün nəzərdə tutulan kartlar elektron olacaq. Bu kartları turizm agentliklərindən, şəhərdəki müəyyən satış nöqtələrindən əldə etmək, eyni zamanda onlayn sifariş etmək də mümkün olacaq.

K.Quluzadə bildirib ki, hazırda kartın qiyməti müzakirə edilir: "Biz çalışacağıq ki, qiymət yüksək olmasın və hamı bundan xüsusi xidmət kimi istifadə edə bilsin".

ŞƏRH YAZ
0

Dönər aparatının üzərində ət yerinə siçanlar — Bakıda ŞOK VİDEO

Dönər aparatının üzərində ət yerinə siçanlar
21:47
Bu gün
181
Ölkə
A
Dönər aparatının üzərində ət yerinə siçanlar var. Aparatın üzərinə çıxan siçanlar ət qırıntılarını yeyir. Daha sonra dönərin hazırlandığı stolun üzərində o yana, bu yana qaçır.

Görüntülər o qədər ürəkbulandırıcıdır ki, şam yeməyinin vaxtı olduğundan həmin kadrların üzərini bağlayaraq təqdim edirik.

“Ölkə.Az” xəbər verir ki, şok yaradan və ürəkbulandırıcı bu kadrlar paytaxtın Nəsimi rayonu, Səməd Vurğun və Puşkin küçələrinin kəsişməsində yerləşən dönərxanlardan birində çəkilib. Bu barədə Xəzər TV xəbər yayıb.

Elə bu görüntülər əsasında biz də sözügedən dönərxanaya getdik. Hansı səbəbdən getdiyimizi biləndən sonra, oranın sahibi və işçilər suallarımızı cavablandırmayaraq qaçdılar.

Respublika Gigiyena və Epidemiologiya Mərkəzinin şöbə müdiri Ziyəddin Kazımovun sözlərinə görə, sözügedən dönərxana sanitar-texniki tələblərə cavab vermir. Bu isə bu tipli dönərxanalardan bir sıra qarşısı alınmaz yolxucu xəstəliklərin yayılmasına gətirib çıxara bilər.

Ziyəddin Kazımov əlavə etdi ki, bu kimi müəssisələrdə yoxlamalar vətəndaşlar tərəfindən edilən müraciətlərdən sonra aparıla bilər. Əgər konkret bu müəssisə haqqında müraciət edilərsə, qurum tərəfindən həmin dönərxananın fəaliyyəti yoxlanacaq.

O ki, qaldı belə hallara yol verən şəxslərin cərimələnməsinə, Ziyəddin Kazımov deyir ki, İnzibati Xətalar Məcəlləsinə görə, sahibkarları 100-200 manat məbləğində cərimə gözləyir.

Ölkə.Az

ŞƏRH YAZ
0

“Qarabağ”la bağlı Bakı metrosunda — YENİLİK

“Qarabağ”la bağlı Bakı metrosunda
20:23
Bu gün
2012
Ölkə
A
Noyabrın 22-də UEFA Çempionlar Liqasının qrup mərhələsi çərçivəsində Bakıda keçiriləcək “Qarabağ” - “Çelsi” oyunu ilə əlaqədar Bakı metrosu gücləndirilmiş iş rejiminə keçəcək.

Bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev “Ölkə.Az”a açıqlamasında deyib.

O bildirib ki, “Qarabağ”ın oyunu zamanı sadəcə “Koroğlu” metro stansiyası deyil digər stansiyalarda da gücləndirilmiş iş rejimi tətbiq ediləcək. Həmçinin “Koroğlu” metro stansiyasında sərnişin axınına nəzarət etmək üçün bir sıra tədbirlər görüləcək, şəraitə uyğun olaraq stansiyaya giriş-çıxışların yerləri dəyişdirilə bilər.

N.Paşayevin sözlərinə görə, sərnişinlərin təhlükəsiz daşınması üçün bütün zəruri tədbirlər həyata keçiriləcək. Bunun üçün əlavə mexanizm, canlı qüvvə və eyni zamanda, ehtiyat qatarlar cəlb olunacaq. Oyun keçirilən gün saat 18:00-dan etibarən sərnişin axını tam nəzarətdə olacaq. Sərnişin çox olarsa, axın nizamlanacaq və sərnişinlər müəyyən gözləmələrlə stansiyaya qəbul ediləcək. Bakıda keçirilən mötəbər idman oyunları zamanı da bu qayda tətbiq edilib.

Ziya Səccad
Ölkə.Az

ŞƏRH YAZ
0
BAĞLA