Bakıda xanım sənətçinin mənzilini "mühasirəyə aldılar" — VİDEO

Bakıda xanım sənətçinin mənzilini
11:42
13.10.2017
450
Maqazin
A
Müğənni Afət Fərmanqızıya yaşadığı binanı tikən şirkət arasında problem yaranıb.

"Ölkə.Az"-a danışan sənətçi bildirib ki, on il öncə Binəqədi rayonu 7-ci mikrorayon ərazisində "Kür-Araz MTK"-ya məxsus binadan mənzil alıb. Bir müddət öncə isə həmin binanın girişində sakinlərin giriş-çıxışına mane olan və öncədən nəzərdə tutulmayan əlavə tikintilər aparılmağa başlayıb:

"Bu mənzili on ildir almışam. Binanın alaqapısı geniş idi, indi orada tikintiyə başlayıblar. Artıq bununla bağlı Daxili İşlər Nazirliyinin 102 xidmətinə müraciət etmişəm. Həmçinin ərazinin sahə müvəkkili barədə də şikayətim var. Çünki onun da fəaliyyətindən narazıyıq. Özgə vaxt binanın üstündə çanaq antena quraşdıranda əlli yerdən gəlib irad bildirirlər ki, olmaz. Bəs bu qanunsuz tikintini niyə görmürlər? Bu, mənim mənzilimin qiymətini də aşağı salır. Sabah ünvanımı dəyişmək istəsəm, məcburən evimi daha ucuz qiymətə satmalıyam". 

A.Fərmanqızı bildirib ki, tikinti şirkətinin belə addım atacağını öncədən bilsəydi mənzili almayacaqmış:

"Əgər əvvəldən binanın girişində əlavə tikintilər aparıldığını görsəydim, almazdım. On ildən sonra burada "budka" tikib, oranı gözəllik salonu etmək bizə hörmətsizlikdir. Bunu binanın sakinlərinə bildirməmək isə ikiqat hörmətsizlikdir. Evə girib çıxmaq olmur. Elə bil ki, binanın giriş qapısını içəridən və çöldən mühasirəyə alıblar"

Mövzunu diqqətdə saxlayacağıq.

İntiqam VALEHOĞLU
Ölkə.Az

ŞƏRH YAZ
0

Tunar evləndi — TOYDAN FOTOLAR

Tunar evləndi
23:14
19.06.2018
3337
Maqazin
A
Bu gün müğənni Tunar Rəhmanoğlunun toyudur.

"Ölkə.Az"ın Axşam.az-a istinadən məlumatına görə, məclis şəhər restoranlarından birində keçirilir. Toya şou-biznes nümayəndələri də dəvət olunub.

Tunar Ülviyyə adlı xanımla ailə qurur.

Qeyd edək ki, cütlüyün nişanı apreldə, nikahı isə mayda olub. Ötən ay Tunar özünə oğlan toyu da edib.

Ölkə.Az

ŞƏRH YAZ
1

Dünya şöhrətli ulduz fabrik satış mağazasından alış-veriş etdi — VİDEO

Dünya şöhrətli ulduz fabrik satış mağazasından alış-veriş etdi
22:18
19.06.2018
3254
Maqazin
A
Böyük Britaniyanın 30 yaşdan kiçik müğənniləri arasında ən varlısı Adel Londonda ucuz məhsulların satıldığı bir mağaza kameralara tuş gəldi.

"Ölkə.Az" xəbər verir ki, məşhur müğənni əvvəlcə mağazanın birinci mərtəbəsində, sonra isə yuxarı mərətəbədəki uşaq paltarları bölməsindən alış-veriş edib.

Adelin əyninə geyindiyi ətəyin 22 funt sterlinq (50 AZN) olduğu bildirilib.

Çıxdığı son dünya turunda 14 min funt sterliq dəyərində bileti satılan Adeli mağazada görənlər təəccüblərini gizlədə bilməyiblər.

Ölkə.Az

ŞƏRH YAZ
0
BAĞLA