Bakıda xanım sənətçinin mənzilini "mühasirəyə aldılar" — VİDEO

Bakıda xanım sənətçinin mənzilini
11:42
13.10.2017
187
Maqazin
A
Müğənni Afət Fərmanqızıya yaşadığı binanı tikən şirkət arasında problem yaranıb.

"Ölkə.Az"-a danışan sənətçi bildirib ki, on il öncə Binəqədi rayonu 7-ci mikrorayon ərazisində "Kür-Araz MTK"-ya məxsus binadan mənzil alıb. Bir müddət öncə isə həmin binanın girişində sakinlərin giriş-çıxışına mane olan və öncədən nəzərdə tutulmayan əlavə tikintilər aparılmağa başlayıb:

"Bu mənzili on ildir almışam. Binanın alaqapısı geniş idi, indi orada tikintiyə başlayıblar. Artıq bununla bağlı Daxili İşlər Nazirliyinin 102 xidmətinə müraciət etmişəm. Həmçinin ərazinin sahə müvəkkili barədə də şikayətim var. Çünki onun da fəaliyyətindən narazıyıq. Özgə vaxt binanın üstündə çanaq antena quraşdıranda əlli yerdən gəlib irad bildirirlər ki, olmaz. Bəs bu qanunsuz tikintini niyə görmürlər? Bu, mənim mənzilimin qiymətini də aşağı salır. Sabah ünvanımı dəyişmək istəsəm, məcburən evimi daha ucuz qiymətə satmalıyam". 

A.Fərmanqızı bildirib ki, tikinti şirkətinin belə addım atacağını öncədən bilsəydi mənzili almayacaqmış:

"Əgər əvvəldən binanın girişində əlavə tikintilər aparıldığını görsəydim, almazdım. On ildən sonra burada "budka" tikib, oranı gözəllik salonu etmək bizə hörmətsizlikdir. Bunu binanın sakinlərinə bildirməmək isə ikiqat hörmətsizlikdir. Evə girib çıxmaq olmur. Elə bil ki, binanın giriş qapısını içəridən və çöldən mühasirəyə alıblar"

Mövzunu diqqətdə saxlayacağıq.

İntiqam VALEHOĞLU
Ölkə.Az

ŞƏRH YAZ
0

Mənsum İbrahimov Aygün-Röya QALMAQALINDAN DANIŞDI — "Bütün Azərbaycan bilir ki, Röyanı dəstəkləyirəm"

Mənsum İbrahimov Aygün-Röya QALMAQALINDAN DANIŞDI
12:50
21.02.2018
8512
Maqazin
A
Xalq artisti Mənsum İbrahimov əməkdar artistlər Röya Ayxan və Aygün Bəylər arasında yaşanan qalmaqala münasibət bildirib.

Sənətkar "Ölkə.Az"a açıqlamasında hər iki sənətçini barışığa çağırıb və belə qalmaqalların sənətə yaraşmadığını deyib:

"Belə qalmaqallar sənət aləminə yaraşmaz. Bunlar xalqın gözündə nümunəvi insanlardır, ikisi də gözəl sənətkardır. Bütün Azərbaycan bilir ki, Röyanı çox istəyirəm, hər zaman da onu dəstəkləyirəm. Hər ikisi respublikanın əməkdar artistləridir. Aygünün də xətrini çox istəyirəm, sənətini sevirəm. Bəzən insan emosional olur, mətbuatda da bəzi adamlar bunu şişirdirlər". 

Xalq artisti bildirib ki, iki sənətçinin arasındakı anlaşılmazlığın məhkəmədə həll edilməsinin tərəfdarı deyil:

"İstəməzdim ki, iki sənət adamının məsələsi məhkəmədə həll olunsun. Bu, onların öz aralarında həll olunmalıdır. Hər ikisi sevilir, onların arxasında böyük tamaşaçı ordusu, fanatları var. Təbii ki, onlar barışacaqlar. Bəzən ailədə də söz-söhbət olur. Biz balaca ölkəyik və bir düşmənimiz var-erməni. Ayaqdan dartmaqla heç kim inkişaf edə bilməz. Bir-birimizə dəstək olmalıyıq". 

Qeyd edək ki, Röya Ayxan Aygün Bəyləri ARB kanalında Elgiz Əkbərin aparıcılığıyla yayımlanan "Səhər-səhər" verilişində onun haqqında işlətdiyi ifadələrə görə məhkəməyə verib və 50 min manat təzminat tələb edir.

İntiqam VALEHOĞLU
Ölkə.Az

 

ŞƏRH YAZ
0

Nigar Camalın Heydər Əliyevin qarşısında çıxışı — ARXİV VİDEO

Nigar Camalın Heydər Əliyevin qarşısında çıxışı
11:46
21.02.2018
11704
Maqazin
A
"Eurovision 2011" mahnı müsabiqəsinin qalibi Nigar Camalın 17 il öncə çəkilmiş görüntüləri üzə çıxıb.

 "Ölkə.Az"-ın məlumatına görə, sənətçi 2001-ci ildə "Parni iz Baku"nun konsertindəki səhnəciklərdən birində rol alıb. Ümummilli lider Heydər Əliyevin də iştirak etdiyi konsertdə Nigar Camal müxbir obrazını canlandırıb.

Qeyd edək ki, həmin vaxt Nigar Camalın 21 yaşı vardı.

İntiqam VALEHOĞLU
Ölkə.Az

ŞƏRH YAZ
0
BAĞLA