Bakıda xanım sürücü avtomobili ağaca çırpdı

Bakıda xanım sürücü avtomobili ağaca çırpdı
10:54
10.10.2019
3987
Hadisə
A
Bakının Nərimanov rayonunda sürücünün xəsarət alması ilə nəticələnən yol-nəqliyyat hadisəsi baş verib.

"Ölkə.Az" APA-ya istinadla xəbər verir ki, qəza Ə.Rəcəbli küçəsində qeydə alınıb.

Belə ki, 21 yaşlı Talıbova Əfsanə Hənifə qızı idarə etdiyi "Hundai Elantra" markalı avtomobillə hərəkətdə olarkən anidən idarəetməni itirib.

Nəticədə nəqliyyat vasitəsi yol kənarındakı ağaca çırpılıb. Hadisə zamanı o, xəsarət alıb. Yaralı dərhal xəstəxanaya yerləşdirilib. Ona döş qəfəsinin küt travması diaqnozu qoyulub.

Faktla bağlı Nərimanov Rayon Polis İdarəsində araşdırma aparılır.

Ölkə.Az

ŞƏRH YAZ
0

Gömrükdən daxili orqanında narkotik keçirmək istəyən şəxs tutuldu

Gömrükdən daxili orqanında narkotik keçirmək istəyən şəxs tutuldu
03:52
Bu gün
498
Hadisə
A
Azərbaycan gömrükçüləri ölkəyə daxili orqanında narkotik vasitə keçirmək istəyən şəxsi saxlayıblar

"Ölkə.Az" xəbər verir ki, Dövlət Gömrük Komitəsinin Cənub Ərazi Baş Gömrük İdarəsi Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, piyada yolla İran İslam Respublikasından gələn Azərbaycan Respublikası vətəndaşı Biləsuvar gömrük postunda saxlanılıb.
Şifahi sorğu-sual zamanı vətəndaş üzərində gömrük nəzarətindən gizlədilən və mütləq bəyan olunmalı hər hansı bir predmetin, o cümlədən narkotik vasitə, psixotrop maddələrin olmadığını bildirib.

Sonra vətəndaşın daxili orqanlarının tibbi müayinədən keçirilməsi zərurəti yaranıb. Biləsuvar Mərkəzi Rayon Xəstəxanasında aparılan tibbi müayinə nəticəsində vətəndaşın düz bağırsağından, şəffaf sellofana bükülü, ümumi çəkisi 94 qram olan qəhvəyi rəngli, narkotik vasitə - heroin, çəkisi 3 qram olan tünd qəhvəyi rəngli, narkotik vasitə - tiryək aşkarlanıb.

Faktla bağlı araşdırma aparılır.

Natiq Allahverdiyev
Ölkə.Az

ŞƏRH YAZ
0

FHN universitetdə yanğın xəbərini təkzib etdi

FHN universitetdə yanğın xəbərini təkzib etdi
02:58
Bu gün
285
Hadisə
A
FHN ADNSU-da yanğın olması barədə yayılan məlumatlara münasibət bildirib.

"Ölkə.Az" xəbər verir ki, FHN-in mətbuat xidmətinin rəhbəri Gülçin Mehdiyeva APA-ya açıqlamasında deyib ki, nazirliyin "112" xidmətinə ADNSU-da yanğın olması barədə məlumat daxil olub.

Daxil olan məlumat əsasında hadisə yerinə yanğınsöndürənlər çıxıb. Lakin məlumat təsdiqini tapmayıb:

"Yanğın olması barədə yayılan məlumatlar yalandır".

Ölkə.Az

ŞƏRH YAZ
0
BAĞLA