Bakıda yanan binada məskunlaşan məcburi köçkünlər aksiya keçiriblər — VİDEO

Bakıda yanan binada məskunlaşan məcburi köçkünlər aksiya keçiriblər
16:03
13.09.2017
392
Hadisə
A
Ötən gün Xətai rayonunda baş verən yanğın nəticəsində evsiz qalan məcburi köçkünlər etiraz aksiyası keçiriblər.

"Ölkə.Az"ın Report-a istinadən məlumatına görə, sakinlər onlara hələ də harada qalacaqlarının bildirilməməsindən şikayət edirlər.

Hadisə yerinə gələn polis əməkdaşları sakinləri ərazidən uzaqlaşdırıblar.

Sakinlərin sözlərinə görə, hadisə yerində olan aidiyyəti qurumların əməkdaşları hələlik yalnız evləri yanan 8 ailənin köçürüləcəyini bildiriblər: "Evləri su altında qalan vətəndaşların aqibəti barədə nəsə deyilməyib. Ona görə də sakinlər buna etiraz olaraq Nobel prospektində nəqliyyatın hərəkətini məhdudlaşdırmağa cəhd göstəriblər".

Aksiyada 8 ailədən əlavə, digər sakinlərin də köçürülməsi tələb edilib.

Sakinlərin verdiyi məlumata görə, yanan binanın qarşısında çadırların quraşdırılması da nəzərdə tutulur və hamı evlə təmin olunandan sonra köçürülmə həyata keçiriləcək. 

Xətai Rayon İcra Hakimiyyətinin İctimai siyasi və humanitar məsələlər şöbəsinin müdiri Pənah İmanov açıqlamasında aidiyyəti dövlət qurumlarına müraciət etdiklərini söyləyib: "Yaxın zamanlarda məsələnin müsbət şəkildə həll olunacağına ümid edirik. Ailələrin hansısa yerdə yerləşdirilməsi məsələsi Zəngilan Rayon İcra Hakimiyyətinin səlahiyyətindədir. Qəzalı binanın sonrakı aqibətinin necə olacağına gəlincə, araşdırmaların yekununda verilən qərardan asılı olacaq. Binanın tamamilə sökülüb-sökülməyəcəyi, yaxud da yenidən təmir olunması məsələsinə baxılacaq".

Zəngilan Rayon İcra Hakimiyyətindən isə hazırda nümayəndələrinin hadisə yerində olduğu bildirilib. 

ŞƏRH YAZ
0

"Neftçi"nin oyununda insident — Futbolçu yerə yıxılıb, topu vermək istəmədi

01:10
Bu gün
433
Hadisə
A
Macarıstanın paytaxtı Budapeştdə "Uypeşt" və "Neftçi" komandaları arasında keçirilən Avropa Liqasının I təsnifat mərhələsinin cavab görüşündə inident baş verib.

"Ölkə.Az" "Report"a istinadən xəbər verir ki, 55-ci dəqiqədə yerli futbolçu Donat Joter qaydanı pozduqdan sonra yerə yıxılaraq, topu vermək istəməyib. "Neftçi"nin futbolçuları topu ondan almaq istəsələr də, Joter müqavimət göstərib. Olaya digər futbolçuların müdaxilə etməsi ilə meydanda tərəflər arasında toqquşma baş verib.

Yunanıstanlı baş hakim Yannis Papadopulos ara sakitləşdikdən sonra "Neftçi"dən Slavko Braliç, "Uypeşt"dən isə Donat Joterə sarı vərəqə göstərib.

Ölkə.Az

ŞƏRH YAZ
0

Bakıda tanışını öldürən beş il cəza alıb

Bakıda tanışını öldürən beş il cəza alıb
22:05
19.07.2018
705
Hadisə
A
Bakı Ağır Cinayətlər Məhkəməsində Ağsu rayon sakini Sabit Bağırovun CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.

"Ölkə.Az" Oxu.Az-a istinadən xəbər verir ki, bu il mayın 23-də Babək prospektindəki kafelərdən birinin qarşısından Bakı şəhər sakini Valeh Heydərov kəsilmiş-deşilmiş xəsarətlə xəstəxanaya gətirilib və orada kəskin qanitirmədən keçinib. 

Həmin gün Nizami RPİ 23-cü polis bölməsinin əməkdaşları keçirdikləri əməliyyat-axtarış tədbirləri nəticəsində hadisəni münaqişə zəminində törədən Sabit Bağırovu saxlayıblar.

Məhkəmənin hökmü ilə təqsirləndirilən şəxs 5 il müddətinə azadlıqdan məhrumetmə cəzasına məhkum olunub.

Xatırladaq ki, ötən prosesdə prokuror S.Bağırova 11 il cəza təyin edilməsini xahiş edib.

Ölkə.Az

ŞƏRH YAZ
0
BAĞLA