Bakıda yaşayış binasında baş verən yanğın söndürülüb
Fövqəladə Hallar Nazirliyi Bakıda yaşayış binasında baş verən yanğınla bağlı məlumat açıqlayıb.
"Ölkə.Az"-ın FHN-in saytına istinadən verdiyi məlumata görə, paytaxtın Yasamal rayonunda altımərtəbəli yaşayış binasının ümumi sahəsi 240 m2 olan çardağının yanar konstruksiyaları və vətəndaşa məxsus sahəsi 36 m2 olan 1 otaq yanıb.
Yanğın zamanı yanğınsöndürənlər və xilasedicilər tərəfindən 30 nəfər bina sakini təhlükəsiz əraziyə təxliyə olunub.
Mənzillər yanğından mühafizə olunub. Yanğın saat 11:03-də yanğınsöndürənlər tərəfindən söndürülüb.
***
"Ölkə.Az"ın APA-ya istinadən məlumatına görə, bunu Yasamal rayon İcra Hakimiyyəti başçısının müavini Səməd İslamov bildirib.
Onun sözlərinə görə, yanğının səbəbləri əlaqədar qurumlar tərəfindən araşdırılacaq və müvafiq qərar veriləcək. Qeyd olunub ki, yanğın zamanı ziyan çəkən sakinlərə müvafiq yardım göstəriləcək.
Fövqəladə Hallar Nazirliyinin Dövlət Yanğından Mühafizə Xidmətinin qərargah rəisi Əkbər Novruzov deyib ki, ilkin ehtimala görə, yanğın elektrik naqillərində qısaqapanmadan baş verib.
Hazırda yanğın lokallaşdırılıb. Hadisə zamanı xəsarət alan olmayıb, sakinlər təxliyə edilib.
***
Bakıda yaşayış binasında yanğın başlayıb.
"Ölkə.Az"ın APA-ya istinadən məlumatına görə, hadisə Yasamal rayonu İnşaatçılar prospekti 152-154 ünvanında yerləşən binada qeydə alınıb.
Binanın damında başlanan yanğının bir neçə mənzilə keçdiyi bildirilir. Sakinlər təxliyə olunub.
Hazırda yanğının söndürülməsi üçün tədbirlər görülür.
***
Bakıda yaşayış binasında yanğın başlayıb.
"Ölkə.Az"ın APA-ya istinadən məlumatına görə, hadisə Yasamal rayonu İnşaatçılar prospekti 44 ünvanında qeydə alınıb.
Hadisə yerinə yanğınsöndürənlər cəlb olunub.
Yanğının qarşısının alınması üçün tədbirlər görülür.
