Bakıda 29 yaşlı gənci boynundan bıçaqladılar
Binəqədi rayonunda bıçaqlanma hadisəsi baş verib.
"Ölkə.Az" xəbər verir ki, hadisə rayonun Xutor qəsəbəsində qeydə alınıb.
29 yaşlı Xəlilov Elgün Məhəbbət oğlu yaşadığı evin yaxınlığında bir neçə nəfərlə mübahisə edib. Əlbəyaxa davaya çevrilən mübahisə zamanı E.Xəlilov boynundan bıçaqlanıb. Yaralı dostlarının köməkliyi ilə xəstəxanaya çatdırılıb. Boynunun kəsilmiş-deşilmiş yarası diaqnozu qoyulan yaralı cərrahi əməliyyat edilib. Vəziyyəti ağır qiymətləndirilir.
Faktla bağlı Binəqədi Rayon Polis İdarəsində araşdırma aparılır.
Natiq Allahverdiyev
Ölkə.Az
