Bakıda 4 yaşlı qızı kim oğurlayıb?

"Ölkə.Az" xəbər verir ki, Bakı Ağır Cinayətlər Məhkəməsində hakim Əhməd Quliyevin sədrliyi kə keçiriləcək növbəti məhkəmə prosesi may ayının 23-nə təyin olunub.

Qeyd edək ki, ötən il oktyabrın əvvəlində 4 yaşlı Maral Muxtarova Nizami rayonunda “8-ci kilometr” bazarında yoxa çıxıb. Valideynləri ilə birgə bazara gedən qız qəfildən itib.

İlkin məlumatda onun bazarda fəaliyyət göstərən arabaçılardan biri tərəfindən oğurlandığı iddia edilirdi. Bir gün sonra isə naməlum şəxs Maralı Mərdəkan qəsəbəsində polis bölməsinin həyətinə qoyaraq gedib.

4 yaşlı Maral Muxtarovanı oğurlayıb 1 gecə gizlədən şəxs sonradan saxlanılıb. Onun Məhərrəmov Elxan Sətdar oğlu olduğu müəyyən edilib. E.Məhərrəmov adam oğurluğunda ittiham edilərək cinayət məsuliyyətinə cəlb edilib. O, Cinayət Məcəlləsinin 144.3-cü (adam oğurluğu; yetkinlik yaşına çatmayan şəxs barəsində törədildikdə) maddəsi ilə təqsirləndirilir. 

Natiq Allahverdiyev
Ölkə.Az