Bakıda yazıb-oxumağı bilməyən qadının adına milyonluq şirkət açdılar — FOTO

Bakıda yazıb-oxumağı bilməyən qadının adına milyonluq şirkət açdılar
13:10
08.11.2019
2791
Ölkə
A
Bakıda oxumağı bilməyən qadının adına 4.2 milyon dövriyyəsi olan şirkətlər açılıb.

"Ölkə.Az" xəbər verir ki, bu barədə Qafqazinfo-ya müraciət edən Esmira Nuriyeva bildirib ki, Binəqədi rayonunda yaşadığı həyət evində ötən il onlara qonşu olan evdə kirayə yaşayan Çingiz və onun arvadı Dilarə ilə tanış olub:

“Bir müddət sonra onlar şəhərin mərkəzinə köçdülər. 2018-ci ilin iyun ayında Dilarə mənə zəng edib dedi ki, “gəl bir sənəd var, ona qol çək, sənin adına hesab açılıb, bir saat sonra bağlanacaq, sən də 300 manat alacaqsan”.

Mən də pula görə razılaşdım, ərim 15 ildir İranda xəstəxanada yatır, onun müalicəsi üçün pul lazım idi. Gəlinimlə qızımı da götürüb getdim. Mən də, gəlinim də oxuya bilmirik, gəlinim heç məktəbə də getməyib. Qızım oxumağı bilir, amma həmin vaxt onun 17 yaşı təzə olmuşdu deyə onu qəbul etmədilər. Biz bilmədiyimiz sənədlərə qol çəkib 300 manatı alıb gəldik. 

2019-cu il avqust ayında İrana ərimin yanına gedəndə məni sərhəddə buraxmadılar, dedilər “STOP”un var, adına beş şirkət var, onların xeyli borcu var. Mən gəlib Dilarəyə zəng etdim, dedi ola bilməz, o sənədlər bağlanıb. Sonra bunların dostu olan Şaiq adlı şəxslə görüşdük, o da dedi ki, sənədləri Eminağa adlı biri götürüb gedib, ona görə şirkətləri bağlaya bilmirlər.

Mənə dedilər ki, get, Eminağadan şikayət elə. Mən də elə bir adam tanımıram, məni ora Çingiz aparıb, sənədlərə də o qol çəkdirib. Mən sonra Baş Mütəşəkkil Cinayətkarlıqla Mübarizə İdarəsinə gedib sənədlərimi verdim, məndən izahat almadılar, 10 gün sənədlərim orada qaldı, vermirdilər. Axırda çox səs-küy salandan sonra sənədlərimi verdilər”. 

E.Nuriyeva əlavə edib ki, onun adına şirkət açılan zaman Çingiz həmin idarəyə 40-a yaxın başqa adamlar da gətirdib, həmin şəxslərin də adına bir neçə MMC açılıb.

Şikayətçinin bizə təqdim etdiyi sənədlərdən görünür ki, onun adına açılan “Buttolo”, “Ceyson-TT”, “Dikson-N.N”, “Brayner – S.S”, “Lesnek-2018” şirkətinin hər birinə Vəliyev Etibar İsbəndiyar oğlu direktor təyin olunub.

Bu şirkətlər üçün “Bank BTB”-də açılan hesabların çıxarışlarından görünür ki, 10 aylıq dövriyyə “Brayner – S.S”-də 1,4 milyon manat, “Ceyson-TT”-də 183 min manat, “Buttolo”da 512 min manat, “Lesnek-2018” 62 min manat, “Dikson-N.N”-də 1,7 milyon manat olub. 

Yazıda adı hallanan Çingiz adlı şəxsin nömrəsinə zəng çatmayıb, onun həyat yoldaşı Dilarə adlı qadın isə sualımıza aqressiv cavab verərək, “Esmira hara istəyir şikayət etsin, mən ona firma açdırmamışam” deməklə kifayətlənib.

E.Nuriyeva bildirib ki, Çingiz və Dilarə bu işlər məşğul olandan sonra varlanıblar və Çingiz hələ də bu işləri davam etdirir:

“Bir neçə gün əvvəl vergi işçisi ilə məni səhv salıb səhvən zəng etmişdi, dedi “bir-iki sənəd var, gətirim onları da həll edək”.

Esmira Nuriyeva deyib ki, Daxili İşlər naziri Vilayət Eyvazova və Bakı şəhər prokuroru İlqar Abbasova müraciət edəndən sonra araşdırmalara başlanılıb:

“İki gün əvvəl prokurorluqdan zəng edib dedilər ki, sizin şikayəti Baş Mütəşəkkil Cinayətkarlıqla Mübarizə İdarəsinə tapşırmışıq, onlar araşdıracaq. Mən hüquq-mühafizə orqanlarından xahiş edirəm ki, bu adamları tapsınlar, mənim adıma açılan şirkətlərin vergi borcunu ödətdirsinlər ki, mən gedib ərimi görə bilim. Həmin adamlar da bu işlərə görə cəzalarını alsınlar”.

ŞƏRH YAZ
1

Bakıda 54 yaşlı qadın hamamda ölü tapıldı

Bakıda 54 yaşlı qadın hamamda ölü tapıldı
01:33
Bu gün
1079
Ölkə
A
Bakıda qadın dəm qazından boğularaq ölüb.

"Ölkə.Az" modern.az-a istinadən məlumatına görə, hadisə paytaxtın Nəsimi rayonu, Mərdanov Qardaşları küçəsi ev 15, mənzil 33-də qeydə alınıb. Həmin ünvanda yaşayan 1966-cı il təvəllüdlü Liliya Çuprikova yaşadığı evin hamamında ölmüş vəziyyətdə aşkarlanıb. Araşdırmalar zamanı qadının dəm qazından boğularaq öldüyü məlum olub.

Faktla bağlı Nəsimi rayon Prokurorluğunda Cinayət Məcəlləsinin 314.2-ci maddəsi ilə cinayət işi başlanıb, istintaq gedir.

ŞƏRH YAZ
0

“TikTok” istifadəçilərinə BƏD XƏBƏR — “Məlumatlarınız oğurlana, təhdid olunab ilərsiniz” – VİDEO

“TikTok” istifadəçilərinə BƏD XƏBƏR
01:10
Bu gün
807
Ölkə
A
Dünyada 1 milyarddan çox “TikTok” istifadəçisi var. 75 dildə, 150-dən çox bazarda mövcud olan “TikTok” ötən il ən çox yüklənən tətbiqlərdən olub. İndi isə “TikTok”da 1,5 mlrd nəfəri yaxından maraqlandıran təhlükəsizliklə bağlı boşluq aşkar edilib.

Belə ki, “Check Point” şirkətinin mütəxəssislərinin sözlərinə görə, cinayətkarlar istifadəçilərin hesablarını idarə edə, həmçinin adlar, elektron poçt ünvanları və doğum tarixləri kimi fərdi məlumatlara giriş əldə edə bilir.

ARB TV-nin “Günə doğru” verilişində məsələ ilə bağlı maraqlı sujet hazırlanıb.

Rəşad Əliyev – Ekspert: “Sizin telefon sizin şəxsi məlumatlar olan bir “device”dır. Onun içində sizin şəxsi çəkdiyiniz şəkillər, sizin kontaktlar, sizə aid olan məlumatlar var. Həmin o məlumatları insan əlinə keçirə bilər. Onları istifadə edərək, sizə hədə-qorxu gələ, sizi təhdid edə bilərlər”.

Mövcud boşluqlara görə, proqramı yükləyən bütün insanların məlumatlarının məxfiliyi təhlükə altındadır. Platformada aşkar edilən təhlükəsizlik boşluqları, xakerlərin hesabları ələ keçirib kontenti dəyişdirməsinə, videoları silməsinə, videolar yükləməsinə, gizli videoları hər kəsə açıq etməsinə səbəb ola bilər. Həmçinin özəl e-mail adresləri kimi hesaba əlavə edilən şəxsi məlumatları ortaya çıxara bilər.

Rəşad Əliyev – Ekspert: “Proqramı yükləyərkən, sizdən hər hansı icazə istəyir. İcazələr nə ola bilər, sizin smsləri oxumaq, sizin telefon nömrənizi istifadə etmək, sizin adınızdan sms göndərnək, sizin kontakt listinizə icazə olması. Bu tipli icazələr olur, ona görə də o sizin nömrənizi, kontaktlarımızın nömrəsini bilir. Rahatca sizin adınızdan sms göndərmək imkanı əldə edir”.

Nurlan Quluzadə - Proqramçı: “Əsasən ən çox itifadə etdiyi öz şəxsi şifrələrini verməməsi daha məqsədəuyğundur. Hansı ki bunlardan birinci “Google” və “Facebook” kimi avtorizasiya sistemləri var ki, bu xidmətlərdən istifadə etsə daha yaxşı olar. Yalnız sosial media hesabları vasitəsilə qeydiyatdan keçə bilərlər və bu zaman öz şəxsi məlumatların ikinci şəxsin əlinə keçməsinin qarşısını ala bilərlər”.

“TikTok”dan isə deyirlər ki, onlar istifadəçilərin məlumatlarını qorumaq üçün diqqətlə çalışırlar. Platforma rəhbərliyi dünya miqyasında çalışan təhlükəsizlik mütəxəssislərini bundan sonrakı təhlükəsizlik boşluqlarını aşkar etmək üçün köməyə çağırıb. İstifadəçilərə tətbiqin son versiyasını yükləmək tövsiyyə olunur. Bu halda bütün problemlər aradan qalxacaq”.

ŞƏRH YAZ
0
BAĞLA