Bakıda yazıb-oxumağı bilməyən qadının adına milyonluq şirkət açdılar — FOTO

Bakıda yazıb-oxumağı bilməyən qadının adına milyonluq şirkət açdılar
13:10
08.11.2019
2543
Ölkə
A
Bakıda oxumağı bilməyən qadının adına 4.2 milyon dövriyyəsi olan şirkətlər açılıb.

"Ölkə.Az" xəbər verir ki, bu barədə Qafqazinfo-ya müraciət edən Esmira Nuriyeva bildirib ki, Binəqədi rayonunda yaşadığı həyət evində ötən il onlara qonşu olan evdə kirayə yaşayan Çingiz və onun arvadı Dilarə ilə tanış olub:

“Bir müddət sonra onlar şəhərin mərkəzinə köçdülər. 2018-ci ilin iyun ayında Dilarə mənə zəng edib dedi ki, “gəl bir sənəd var, ona qol çək, sənin adına hesab açılıb, bir saat sonra bağlanacaq, sən də 300 manat alacaqsan”.

Mən də pula görə razılaşdım, ərim 15 ildir İranda xəstəxanada yatır, onun müalicəsi üçün pul lazım idi. Gəlinimlə qızımı da götürüb getdim. Mən də, gəlinim də oxuya bilmirik, gəlinim heç məktəbə də getməyib. Qızım oxumağı bilir, amma həmin vaxt onun 17 yaşı təzə olmuşdu deyə onu qəbul etmədilər. Biz bilmədiyimiz sənədlərə qol çəkib 300 manatı alıb gəldik. 

2019-cu il avqust ayında İrana ərimin yanına gedəndə məni sərhəddə buraxmadılar, dedilər “STOP”un var, adına beş şirkət var, onların xeyli borcu var. Mən gəlib Dilarəyə zəng etdim, dedi ola bilməz, o sənədlər bağlanıb. Sonra bunların dostu olan Şaiq adlı şəxslə görüşdük, o da dedi ki, sənədləri Eminağa adlı biri götürüb gedib, ona görə şirkətləri bağlaya bilmirlər.

Mənə dedilər ki, get, Eminağadan şikayət elə. Mən də elə bir adam tanımıram, məni ora Çingiz aparıb, sənədlərə də o qol çəkdirib. Mən sonra Baş Mütəşəkkil Cinayətkarlıqla Mübarizə İdarəsinə gedib sənədlərimi verdim, məndən izahat almadılar, 10 gün sənədlərim orada qaldı, vermirdilər. Axırda çox səs-küy salandan sonra sənədlərimi verdilər”. 

E.Nuriyeva əlavə edib ki, onun adına şirkət açılan zaman Çingiz həmin idarəyə 40-a yaxın başqa adamlar da gətirdib, həmin şəxslərin də adına bir neçə MMC açılıb.

Şikayətçinin bizə təqdim etdiyi sənədlərdən görünür ki, onun adına açılan “Buttolo”, “Ceyson-TT”, “Dikson-N.N”, “Brayner – S.S”, “Lesnek-2018” şirkətinin hər birinə Vəliyev Etibar İsbəndiyar oğlu direktor təyin olunub.

Bu şirkətlər üçün “Bank BTB”-də açılan hesabların çıxarışlarından görünür ki, 10 aylıq dövriyyə “Brayner – S.S”-də 1,4 milyon manat, “Ceyson-TT”-də 183 min manat, “Buttolo”da 512 min manat, “Lesnek-2018” 62 min manat, “Dikson-N.N”-də 1,7 milyon manat olub. 

Yazıda adı hallanan Çingiz adlı şəxsin nömrəsinə zəng çatmayıb, onun həyat yoldaşı Dilarə adlı qadın isə sualımıza aqressiv cavab verərək, “Esmira hara istəyir şikayət etsin, mən ona firma açdırmamışam” deməklə kifayətlənib.

E.Nuriyeva bildirib ki, Çingiz və Dilarə bu işlər məşğul olandan sonra varlanıblar və Çingiz hələ də bu işləri davam etdirir:

“Bir neçə gün əvvəl vergi işçisi ilə məni səhv salıb səhvən zəng etmişdi, dedi “bir-iki sənəd var, gətirim onları da həll edək”.

Esmira Nuriyeva deyib ki, Daxili İşlər naziri Vilayət Eyvazova və Bakı şəhər prokuroru İlqar Abbasova müraciət edəndən sonra araşdırmalara başlanılıb:

“İki gün əvvəl prokurorluqdan zəng edib dedilər ki, sizin şikayəti Baş Mütəşəkkil Cinayətkarlıqla Mübarizə İdarəsinə tapşırmışıq, onlar araşdıracaq. Mən hüquq-mühafizə orqanlarından xahiş edirəm ki, bu adamları tapsınlar, mənim adıma açılan şirkətlərin vergi borcunu ödətdirsinlər ki, mən gedib ərimi görə bilim. Həmin adamlar da bu işlərə görə cəzalarını alsınlar”.

ŞƏRH YAZ
1

Bakıda metrostansiya bağlanır? — RƏSMİ AÇIQLAMA

Bakıda metrostansiya bağlanır?
15:36
Bu gün
3564
Ölkə
A
“Həzi Aslanov” stansiyasının bağlanacağı barədə məlumatlar əsassızdır. “Əsaslı təmir” ifadəsi stansiyanın bağlanması qənaətinə gəlməyə əsas vermir.

"Ölkə.Az" oxu.az-a istinadən bildirir ki, “Bakı Metropoliteni” QSC-nin rəsmi açıqlamasında belə deyilir. İdarə son günlər kütləvi informasiya vasitələrində yayılmış məlumatlara aydınlıq gətirib:

“Yanlış olaraq, Bakı metropoliteninin “Həzi Aslanov” stansiyasının əsaslı təmir məqsədilə sərnişinlərin giriş-çıxışına bağlanacağı bildirilir. “Bakı Metropoliteni” QSC bildirir ki, yayılmış məlumat həqiqəti əks etdirmir və Səhmdar Cəmiyyətin sədr müavini Hidayət Məmmədov heç bir kütləvi informasiya vasitəsinə bununla bağlı açıqlama verməyib, eyni zamanda, məsələ ilə bağlı müəssisənin mətbuat xidməti və ictimaiyyətlə əlaqələr şöbəsinə müraciət olunmayıb. Qeyd olunmalıdır ki, bu günlərdə QSC sədrinin müavini televiziya proqramlarından birinin efir qonağı kimi hidrogeoloji təsirlərin qarşısının alınması məqsədilə “Həzi Aslanov” stansiyasında qabaqlayıcı tədbirlərin görülməsi üçün əsaslı təmir işlərinin aparılmasının nəzərdə tutulduğunu və bu məqsədlə dövlətin müvafiq səlahiyyətli orqanına müraciət olunduğunu qeyd edib. Lakin onun çıxışında stansiyanın bağlanması ilə bağlı ifadə yer almayıb. Buna rəğmən məlumat dərc edən kütləvi informasiya vasitələri heç bir əsas olmadan və naməlum səbəblərdən təmir işləri ilə stansiyanın bağlanması arasında qəribə məntiqi bağlılıq quraraq və dəqiqləşdirmə aparmadan tamamilə yanlış məlumat yayıblar. Bununla da ictimaiyyət arasında çaşqınlığın yaranmasına səbəb olublar”.

“Bakı Metropoliteni” QSC “Həzi Aslanov” stansiyasında planlaşdırılan təmirin məhz qabaqlayıcı tədbir kimi nəzərdə tutulduğunu bildirib: 

“Stansiya infrastrukturunu və onun konstruksiyasını hazırda hər hansısa təhlükə gözləmir. Əsaslı təmir məhz gələcəkdə yarana biləcək təhlükənin qarşısını əvvəlcədən almağa hesablanıb. Ən əsası, təmir dövründə stansiyanın sərnişinlərin giriş-çıxışına bağlanması nəzərdə tutulmayıb. Ümumiyyətlə, “əsaslı təmir” anlayışı stansiyanın mütləq şəkildə bağlanması zərurətini yaratmır və bunu nəzərdə tutmur. Təmirlə əlaqədar sərnişinlərə hər hansısa təhlükənin yaranması ehtimalı olduqda, habelə təmirlə əlaqədar onların hərəkətinin tam məhdudlaşdırılmasına zərurət yarandığı hallarda stansiyanın bağlanması qaçılmaz olur. Əsaslı təmir və yenidənqurma zamanı stansiyanın bağlanmadan aparılmasına “Nizami” stansiyasında görülmüş işlər əyani nümunədir. Həmçinin “Xətai” stansiyasında da platforma və yolların təmiri stansiya bağlanmadan həyata keçirilmişdi. Bu stansiyanın bağlanması zərurətini istismar müddətini başa vurmuş eskalatorların dəyişdirilməsi zamanı onun bir giriş-çıxışlı olması yaratmışdı. Məlumdur ki, son illərdə “Elmlər Akademiyası”, “İnşaatçılar”, “20 Yanvar” stansiyalarında eskalatorlar yenisi ilə əvəz edilərkən, sərnişinlər digər giriş-çıxışlardan, “28 May” stansiyasında isə “Cəfər Cabbarlı” stansiyasının keçidlərindən istifadə edirdilər. Onu da xüsusi qeyd edək ki, Bakı metropoliteninin bütün infrastrukturu, o cümlədən mövcud stansiya və tunellərinin vəziyyəti, dayanıqlığı, etibarlığı daimi nəzarət altındadır. Metropolitendə bununla bağlı gündəlik təftiş və yoxlamalar aparılır. Tunel geyiminin və onun arxa hissəsinin müayinələri və monitorinqləri də bu prosesin tərkib hissəsidir. Bunun üçün müxtəlif müasir avadanlıqlardan, 2015-ci ildən isə həm də dünyada nadir diaqnostika qurğularından biri hesab olunan metropoliten infrastrukturunu çoxfunksiyalı diaqnostik yoxlama kompleksindən istifadə olunur. Bir daha xatırladırıq ki, “Bakı Metropoliteni” QSC fəaliyyətində sərnişinlərin maraqlarını daim əsas götürür və təmir-bərpa, yenidənqurma işlərinə başlanmazdan əvvəl bütün məlumatları tam təfsilatı ilə ictimailəşdirir, yaranan hər bir sualı cavablandırır. Bundan savayı, təmir işlərinin gedişi ilə bağlı ictimaiyyətə müntəzəm məlumatlar yayır. Qeyd edilənləri nəzərə alaraq, “Bakı Metropoliteni” QSC bir daha kütləvi informasiya vasitələrinin nəzərinə çatdırır ki, Bakı metropoliteni şəhərin əsas ictimai nəqliyyat vasitələrindən biridir, şəffaflıq və obyektivlik, ictimaiyyətə maksimum açıqlıq müəssisənin fəaliyyətinin prioritet istiqamətlərindədir. Dəqiqləşdirilməmiş məlumatlar ictimaiyyətdə, ələlxüsus metro sərnişinləri arasında yanlış təsəvvürlər, çaşqınlıq və təşviş yaradır, birmənalı qarşılanmır, müəssisənin nüfuzuna və onun kollektivinin əməyinə xələl gətirir”.

ŞƏRH YAZ
0

Yevda Abramovla vida mərasimi keçirilir — FOTO

Yevda Abramovla vida mərasimi keçirilir
15:18
Bu gün
3401
Ölkə
A

Mərhum deputat Yevda Abramov böyük izdihamın müşaiyəti ilə Qubanın Qırmızı Qəsəbəsində yerləşən dağ yəhudilərinin dəfn edildiyi qəbristanlıqda torpağa tapşırılıb.

***

Dekabrın 6-da 71 yaşında dünyasını dəyişən Milli Məclisin deputatı Yevda Abramovla Quba Rayon Mədəniyyət Mərkəzində vida mərasimi keçirilir.

"Ölkə.Az"ın "Qafqazinfo"ya istinadən verdiyi məlumatına görə, mərasimdə YAP sədrinin müavini-icra katibi Əli Əhmədov, Milli Məclis sədrinin birinci müavini Ziyafət Əsgərov, "Azərbaycan Dəmir Yolları" QSC-nin sədri Cavid Qurbanov, millət vəkili Vahid Əhmədov, Xaçmaz və Quba rayonlarının icra başçıları, mərhum deputatın qızları Fərəh Yusifova, Bəsdi Yusifova, Səbinə Abramova, oğulları Sasun Kohen (Abramov), Elçin Abramov, gəlinləri İlyanora Abramova, Culyetta Kohen (Abramova)  və başqaları iştirak edirlər. 

Xatırladaq ki, Y. Abramov onkoloji xəstəlikdən əziyyət çəkdiyinə görə uzun müddət İsraildə müalicə alıb. İki gün əvvəl isə o, müalicəsini davam etdirdiyi Mərkəzi Klinikada vəfat edib. 

 

 

 

 

 

 

ŞƏRH YAZ
0
BAĞLA